日本東京首間芬蘭浴場SOLO SAUNA tune!靜靜一個人享受/同閏蜜包房Relax都OK~

日本東京首間芬蘭浴場SOLO SAUNA tune!靜靜一個人享受/同閏蜜包房Relax都OK~

旅遊攻略 日韓旅遊
ByCelia on 16 Dec 2020 Digital Editor

提到芬蘭除咗聖誕老人同極光之外,唔少人去到當地一定會試吓嘅就係芬蘭浴,一般嚟講芬蘭浴設施係一大班一齊用嘅,如果想要自己一個靜靜哋獨享就可能要睇吓佢想嘅地方有冇提供喇!不過其實想體驗芬蘭浴又唔一定去到芬蘭咁遠嘅,喺日本最近新開嘅芬蘭浴場 SOLO SAUNA tune 就體驗到喇!

SOLO SAUNA tune 位於日本東京神樂坂,喺當地首間芬蘭浴場嚟,浴場為咗唔鍾意同陌生人共處嘅大家提供私隱嘅芬蘭浴而設嘅。

SOLO SAUNA tune喺當地首間芬蘭浴場嚟。

浴場由更衣、享受桑拿到冷水降溫,都可以喺獨立房間內完成。

浴場由更衣、享受桑拿到冷水降溫,都可以喺獨立房間內完成

而設備則全部由芬蘭進口,規格正宗。同一般高溫桑拿唔同,浴場內設定約 70℃ 並配合高濕度,令人唔會有難以呼吸嘅感覺,可循序漸進慢慢溫暖身體,促進排汗。

設備則全部由芬蘭進口,規格正宗。

浴場內設定約 70℃ 並配合高濕度,令人唔會有難以呼吸嘅感覺

另外,亦可以選擇以白樺香嘅精油水灑喺桑拿爐上,散出水蒸氣令身體加速流汗水,放鬆心情。喺蒸完身後,仲可以躺喺長椅上,一邊聽住音樂一邊休息,享受一個人獨處嘅時光。

廣告
廣告

以白樺香嘅精油水灑喺桑拿爐上,散出水蒸氣令身體加速流汗水,放鬆心情。

當然,如果你怕一個人悶嘅話,亦可以同最多三名同性朋友一齊使用三人房,同家人/朋友齊齊Relax!

三人房最多三名同性朋友一齊使用

至於價錢方面,獨立個室 1 小時普通票價為 3,800 円(約 HKD$281),三人房 1 小時普通票價為 11,400 円(約 HKD$849)。

下次來體驗芬蘭浴就唔一定要去咁遠喇~

SOLO SAUNA tune

SOLO SAUNA tune
地址:東京都新宿區天神町23-1(UNPLAN Kagurazaka 1F)
營業時間:9:45am~11:00pm(休息日期每月唔同,可於官網查詢)
官網:https://www.solosauna-tune.com/

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook