冬天 6 款暖身茶飲推介　簡單快捷！手腳唔再凍冰冰！

冬天一到，手腳就開始凍冰冰，呢個時候飲返杯暖身茶飲就啱晒啦～今次推介 6 款冬天暖身茶飲，簡單快捷，等手腳唔再凍冰冰，過返個暖笠笠嘅冬天～

紅棗桂圓茶
紅棗補中益氣，桂圓調養氣血。紅棗桂圓茶可以補充血氣，有活血補暖嘅功效，仲可以養顏美容，非常適合女士們飲用。

做法：
取適量紅棗、桂圓，滾水沖泡 10 分鐘即可。

Photo from Pinterest

玫瑰蜂蜜茶
玫瑰蜂蜜茶性質溫和，有調理血氣嘅功效，仲可以增強血液循環及新陳代謝，有助預防手腳冰冷，冬天手腳容易冰冷嘅朋友就啱晒啦。

做法：
1. 將紅茶包放入杯中，加入滾水浸泡 3 分鐘。
2. 取出茶包，取適量玫瑰花，加入紅茶中浸泡 10 分鐘後加入蜂蜜即可。

Photo from Pinterest

黑糖薑茶
生薑驅寒，生薑中嘅薑辣素可以促進血液循環，黑糖有補中益氣、健脾暖胃嘅功效。黑糖薑茶有助改善手腳冰冷，仲可以預防感冒、暖胃。

做法：
取適量生薑洗淨後切片，放入滾水中，再加入適量黑糖，將黑糖煮至溶化即可。

Photo from Pinterest

枸杞茶
枸杞有補氣健脾、養肝明目嘅功效，仲可以清熱潤肺，冬天飲返杯枸杞茶可以暖身之外，亦能改善口乾舌燥嘅問題。

做法：
取適量枸杞，用滾水沖泡 10 ～ 15 分鐘即可。

Photo from Pinterest

桂花茶
桂花茶性質溫和，有養胃、暖胃嘅功效，仲可以止咳化痰、潤肺，更可驅寒，促進血氣運行，改善手腳冰冷問題。桂花茶亦有美白養顏嘅功效，適合女士們飲用。

做法：
取適量桂花，用滾水沖泡 10 ～ 15 分鐘即可。

Photo from Pinterest

芍藥花茶
芍藥花茶可以養血柔肝，令到氣血充沛，臉色紅潤，亦可以提高免疫力，促進新陳代謝。芍藥花茶仲有護膚養顏，清心潤肺嘅功效。

做法：
取適量芍藥花，用滾水沖泡 10 ～ 15 分鐘即可。

Photo from Pinterest

呢幾款暖身茶飲全部都簡單易沖，沖完仲可以帶返公司飲，咁就成日都暖笠笠～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）