冇諗過離開商台！DJ 謝茜嘉報喜升呢做人妻閃嫁摩洛哥男友

娛圈又朝喜事喇！繼胡杏兒、余香凝、Patrick Sir太太關宛珊等喺聖誕佳節同大家報喜後，今次係電台 DJ 兼旅遊達人謝茜嘉呀！近日佢就喺 IG 激罕上傳同男友去行山嘅合照放閃，引嚟一班圈中好友派心心讚好～更有指男友已向佢求婚成功，真係恭喜晒呀！

DJ 謝茜嘉過去曾主持旅遊節目，又會為 TVB 嘅 J2 台拍攝旅遊節目。喺去年 11 月佢就因拍攝節目而認識咗依位摩洛哥男友，對方展開追求後開始咗一年嘅異地戀。

Photo from jessica_903/IG

有指早前男方千里迢迢嚟香港向佢求婚，誠意十足。而過去謝茜嘉少有放閃，但最近佢就上載過兩張照片，一張係男友為佢下廚嘅相，另一張就係兩人喺竹林拖手合照，相中兩人深情對望，真係 Sweet 到爆㗎！

Photo from jessica_903/IG

不過有消息就指佢做做摩洛哥新娘外，仲會離開電台移民當地，兩人拍住上搞生意！

Photo from jessica_903/IG

但大家唔使再傳喇！事關謝茜嘉今日就親自喺電台分享喜訊，並否認會辭職離開電台，直言：「冇諗過！」

Photo from jessica_903/IG

另外，佢亦為男友澄清指男友嘅職業唔係導遊嚟，係朋友嘅朋友，二人因為當時對方帶謝茜嘉去拍嘢而認識，而男友屋企係做建築材料生意嘅！

謝茜嘉早期更帶咗男友去睇張敬軒演唱會，笑言對方想將香港流行曲文化帶返摩洛哥添呀！

在 Instagram 查看這則貼文

Jessica Tse Sai Ka（@jessica_903）分享的貼文

而最近忙緊準備明年 1 月 1 日舉行頒獎禮嘅謝茜嘉更透露婚禮將於頒獎禮後舉行。真係恭喜晒呀～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）