歐洲首間!全球最大海底餐廳Under 「潛入」挪威 5 米深海邊欣賞海底之美邊品嚐美食

歐洲首間!全球最大海底餐廳Under 「潛入」挪威 5 米深海邊欣賞海底之美邊品嚐美食

旅遊攻略
ByCelia on 04 Jan 2021 Digital Editor

唔少人都知喺杜拜、馬爾代夫、佛羅里達州都有海底餐廳,但其實喺挪威亦有歐洲首間以及係全球最大嘅海底餐廳「Under」,餐廳「潛入」 5 米嘅深海中,猶如一間水族館一樣美不勝收,可以一邊欣賞北歐海底一邊品嚐米芝連美食,諗吓都覺得正呀!

「Under」位於挪威最南端嘅小鎮

「Under」位於挪威最南端嘅小鎮-里訥斯訥斯(Lindesnes)嘅海岸線上,餐廳由挪威奧斯陸的著名建築事務所 Snøhetta(斯諾赫塔)設計,餐廳一半隱身於「北海」海底,外牆為咗抵抗抵擋海浪衝擊及壓力,設計師特別採用流線造型設計,利於適應各種海象氣候壓力,混凝土粗糙嘅紋理有利於藻類和軟體動物依附,不僅可以融入海洋環境,同時亦有助於淨化海水。

外牆為咗抵抗抵擋海浪衝擊及壓力,設計師特別採用流線造型設計,利於適應各種海象氣候壓力

而餐廳之所以會命名為「Under」,係因為餐廳有一半係沉喺海底 5 米深嘅位置,感覺就好似一架潛入海底嘅潛艇一樣,而且「Under」喺挪威語中亦具有「奇蹟」嘅含義。

餐廳有一半係沉喺海底 5 米深嘅位置,感覺就好似一架潛入海底嘅潛艇一樣

而餐廳中一共有3層,共佔 5,300 平方尺,其中包括酒吧、餐廳以及海洋生物研究中心,每一層嘅設計都各有特色。

餐廳中一共有3層,共佔 5,300 平方尺,其中包括酒吧、餐廳以及海洋生物研究中心

可容納 40 人嘅用餐區設於最下層,以海藻為發想,藍綠雙色為主要色調。

用餐區設於最下層,以海藻為發想,藍綠雙色為主要色調。

廣告
廣告

不過最吸引大家嘅一定係位於用餐區依一面寬 11 米、高約 3 米嘅巨型全景窗,依一面窗就有如潛望鏡嘅鏡頭,為顧客提供咗探索窺探海洋世界嘅全新視角。

用餐區依一面寬 11 米、高約 3 米嘅巨型全景窗

另外,為了配合大自然嘅主題,餐廳主廚 Nicolai Ellitsgaard  以及其米芝連團隊,每天都會從大自然中取用新鮮食材,為食客打造高品質美食體驗。


在 Instagram 查看這則貼文

Under(@underlindesnes)分享的貼文

當喺享用美食之際,可以睇見海洋生物喺眼前掠過,相信係一個十分難得嘅體驗。下次去挪威玩,記得去睇吓喇!

Under
官網:https://under.no/

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook