download HolidaySmart 假期日常 app
《聲夢傳奇》參賽者大談情史 Yumi 鍾柔美被指係校花自信承認:可以咁話嘅

《聲夢傳奇》參賽者大談情史 Yumi 鍾柔美被指係校花自信承認:可以咁話嘅

娛樂新聞
By Ella on 05 Jan 2021
Digital Content Writer

TVB 推出選秀節目《聲夢傳奇》,早前一眾參賽者正式亮相,全部年紀輕輕但唱功了得,最細更只年僅 14 歲,引起迴響。早前一班參賽者作客《後生仔傾吓偈》大談情史,有參賽者直言馮盈盈係理想型,更有參賽者自信承認自己係校花?

早前一班參賽者作客《後生仔傾吓偈》大談情史。Photo from 《後生仔傾吓偈》

TVB 選秀節目《聲夢傳奇》一班參賽者早前作客《後生仔傾吓偈》,同一眾主持大談情史,各自自爆現時感情狀況。當中 17 歲嘅 Felix 林智樂就自爆自己未拍過拖,係 A0,「仲乾淨」,引起主持人爆笑。而被問到理想型係點嘅時候,就直言「係姓馮嘅女主持」,大膽表白馮盈盈,氹得馮盈盈非常開心,Felix 更話自己由「Dr. Protein」時已經好鍾意馮盈盈,最後馮盈盈仲話會 follow 佢 IG,令 Felix 非常開心:「贏咗盈盈 follow 啊!」

Felix 林智樂直言理想型係馮盈盈。Photo from 《後生仔傾吓偈》

參賽者當中唱得又跳得嘅 Hugo 黃奕斌就自爆自己拍過 3 次拖,初戀更係一見鍾情,仲用「白紙」、「豹紋」及「炸彈」去形容三任前女友,非常搞笑。

參賽者當中唱得又跳得嘅 Hugo 黃奕斌就自爆自己拍過 3 次拖。Photo from 《後生仔傾吓偈》

Photo from realybwong@IG

廣告
廣告

一眾參賽者年紀咁細,當然有啲仲係未拍過拖,好似 15 歲嘅 Gigi 炎明熹及 14 歲嘅 Yumi 鍾柔美都係 A0。Yumi 外表斯文乖巧,當陸浩明問到學校有冇男仔追嘅時候,Yumi 都好直接表示有,一眾主持都話佢似係好多男仔追,6 號仲讚 Yumi 應該係校花,Yumi 亦非常自信唔否認:「可以咁話嘅。」而當主持人問到在場有冇邊個男仔類近自己理想型嘅時候,Yumi 就表示係 Hugo,Hugo 更用「爆炸糖」形容 Yumi,引得一班主持人大笑。

6 號讚 Yumi 應該係校花,Yumi 亦非常自信唔否認:「可以咁話嘅。」Photo from 《後生仔傾吓偈》

Photo from yumichung1221@IG

一班參賽者雖然年紀輕輕,但實力不容小覷,非常期待佢哋嘅表現!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel