視后胡杏兒北上發展感嘆無得做女主角！早前出席頒獎禮僅坐第二排

胡杏兒貴為「視后」，早前出演《演員請就位2》奪冠，演技備受肯定。佢近日參加大陸節目《送一百位女孩回家》，表示北上發展，現時已無得再做女主角又直指有惡評話佢返大陸撈金等。

胡杏兒2011年憑《萬凰之王》勇奪「最佳女主角」、《怒火街頭》奪「我最喜愛電視女角色」，同時獲奪全港觀眾投票選為「非凡風采女藝員」，成「三料視后」。

Photo from 胡杏兒微博

佢喺2015年同大台約滿後宣佈離巢，之後就開始上大陸發展，陸續都參加過唔少綜藝節目。雖然胡杏兒2016年已開始北上發展，但參演嘅電視劇數量卻非常少。

不過佢早前出演綜藝節目《演員請就位2》，曾多次因演技而上熱搜榜，更一舉奪得冠軍，演技備受認同。

Photo from 胡杏兒微博

胡杏兒近日上大陸節目《送一百位女孩回家》受訪，談到佢同老公都好想可以生3個小朋友，而最近懷上三胎嘅佢自爆自己因為懷孕推咗5部戲。

Photo from 《送一百位女孩回家》

胡杏兒表示依家已經無機會做女主角：「胡杏兒是誰啊？胡杏兒不代表誰的。」佢坦承返到內地自己地位根本唔算係啲咩。

Photo from 《送一百位女孩回家》

Photo from 《送一百位女孩回家》

其實喺「時尚先生2020」頒獎禮上，貴為視后嘅胡杏兒僅被安排坐第二排，第一排就留返畀大陸當紅演員如楊冪﹑鄧倫等。

Photo from 微博

佢又直指現時仍會有啲惡評，例如話佢「返大陸撈金」等，佢大方回應：「每個人都有自己的喜愛。」

Photo from 《送一百位女孩回家》

胡杏兒又提到家庭同老公，佢表示自己係嫁給愛情，當初選港姐其實只係為養家，又表示無諗過嫁入豪門：「我覺得豪門都輪不到我吧！」

Photo from 《送一百位女孩回家》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）