【BNO移民英國】31號正式開放特別簽證申請!一文睇清申請方法/資格/費用/入籍條件

【BNO移民英國】31號正式開放特別簽證申請!一文睇清申請方法/資格/費用/入籍條件

時事熱話 生活熱話
ByCelia on 08 Jan 2021 Digital Editor

自出年 7 月英國正式公布持有關以 BNO 護照申請特別簽證「Hong Kong BN(O) Visa」留英,並最多於英國逗留5年,再定居1年後,即可正式申請成為公民(俗稱 5+1 )嘅入籍方法後,Visa 將喺 1 月 31 日正式接受申請,而之前已經以英國嘅酌情入境(Leave Outside the Rules,簡稱LOTR)提前入境嘅人士亦可喺當地提交申請。

據英國官方透露,特別簽證「Hong Kong BNO Visa」將於 1 月 31 日開放予港人及近親申請,而申請無論係正身處英國定喺香港都申請得。但本身喺英國有工作簽證嘅人士,就要視乎邊種方法較易入籍,事關「Hong Kong BNO Visa」住滿5年並唔等於有永久居民資格。

特別簽證「Hong Kong BNO Visa」將於 1 月 31 日開放予港人及近親申請

而 Visa 費用為 250 英鎊(約 HKD$2,400),申請人可選擇單次性居留5年,或分開 2 次每次 30 個月嘅居留(每人每次 180 英鎊,約 HKD$1,800),而喺居留期內有權工作及讀書,但於此期間內並不可獲得社會福利及免費使用國民保健服務,另加健康稅。

申請人於英國居留滿 5 年後便可申請定居身份(settled status),再定居1年後,即可正式申請成為公民。而喺居英期間,12 個月內最多可離開英國 180 日。

另外,除咗申請人本身必需係 BNO 持有人外,仲必須符合以下條件:
。持有BNO護照,無論過期或遺失都不需續領,可以透過提供香港特區護照作證明
。長期居住在香港
。證明自己和任何家屬財政至少能喺英國生活6個月(需付有關證據證明)
(證明文件參考:銀行戶口儲蓄/工資/在英期間將收到嘅恆常收入:如工資、投資、養老金等/英國工作證明(包括自僱收入)/朋友及家人的信件顯示會以金錢支助生活/朋友或親人提供住宿)
。承諾會努力學習英文,融入當地生活
。取得由英國內政部認可診所發出之結核菌素皮膚測試( tuberculosis (TB) test certificate )證書
。繳付有關費用及移民健康附加費(immigration health surcharge)

除咗申請人本身必需係 BNO 持有人外,仲必須符合相關條件

而今次簽證仲同時適用於持有者及直系親屬(close family member),只要其中一方持有 BNO 同樣可以申請 BNO Visa。

BNO家庭成員定義:
1. 配偶、未結婚伴侶
準備文件:結婚證書,如果未結婚則需提供已經與伴侶有類似結婚的關係生活至少兩年的證明
2. 18歲以下子女
3. 1997 年 7 月 1 日後出世成年香港人(包括他們的配偶,18歲以下的子女)
準備文件:子女出生紙/領養證/法庭文件,顯示申請人為他們的父母、養父母或監護人
4. 其他需要高度依賴的家庭成員(包括父母、 祖父母、 兄弟姊妹等)
*18歲以下的子女須與雙親一同入境申請,除非有任何特別理由。

廣告
廣告

如以一個家庭申請必需共同入境,持有人作為主申請人需要先申請以及獲得申請編號,其他家庭成員於申請時填上此申請編號。如果家庭成員並非一同申請,則不能加入。如父母各持 BNO,則可於唔同時間分開到埗,但無法以同一家庭作申請,必需各自於英國生活達 5 年,才合符申請永居及入英籍權利。

另外,如果唔符合以上家庭資格,只要年齡介乎 18-30 歲,英國將會開放 1,000 個名額申請英國嘅「UK’s new Points Based System」與現有技術移民類似,但要求嘅總薪資門檻較低。不過計劃並唔係只開放畀香港人,需要與全球各地人士競爭,齊齊排隊等審批逗留資格或入籍。

申請方法亦好簡單,申請人只需於網上申請,並提供近照作確認,如果家屬冇 BNO 便需要提供指紋認證。

而申請方法亦好簡單,申請人只需於網上申請,並提供近照作確認,如果家屬冇 BNO 便需要提供指紋認證。

申請成功並住滿 5 年期間未曾在英國境外逗留多過 180 天後, 即可申請 1 年定居(稱為「無限期逗留」Indefinite Leave to Remain(ILR),不同於永久居民(PR)),ILR申請條件包括:
。通過 Life in the UK 考試,內容主要關於英國生活知識及歷史
。達到一定程度英語水平(按此看官方要求

喺成功申請(ILR)1年後即可申請英國國籍。入籍條件如下:
。5 年內在英國境外居住日數不超過 450 日
。申請前 12 個月內於英國境外居住日數不超過 90 日
。付費申請永居權
英國政府亦列明已憑 Tier2 簽證入境英國而想轉申請 BNO 簽證取得永居權人士,早前逗留嘅時間將會計算在內,但 Tier4 及 Tier5 則不包括。

如果冇住滿日數且冇充分理由,則會被取消資格。此外,如果住夠 5 年後,不申請定居身份或被拒絕、犯罪等,都唔會獲許申請入籍。

最後必須提提大家每個階段都要支付相應嘅移民費用,並且需要滿足長期居住喺英國條件,一年內必須逗留英國 180 天。如果冇住滿日數且冇充分理由,則會被取消資格。此外,如果住夠 5 年後,不申請定居身份或被拒絕、犯罪等,都唔會獲許申請入籍。
Source:GOV.UK

Text: HolidaySmart Editorial(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)


 

Share to Facebook