38 歲阿 Sa 大曬出浴素顏照妝前妝後無分別 網民:靚過化咗妝

38 歲阿 Sa 大曬出浴素顏照妝前妝後無分別 網民:靚過化咗妝

娛樂新聞
ByElla on 13 Jan 2021 Digital Content Writer

近日香港氣溫驟降,沖涼變得非常困難,因為需要無比嘅勇氣先做到!阿 Sa 蔡卓妍都同樣遇到呢個「大難題」,日前佢就係 IG 發文大讚自己有勇氣沖涼,仲大曬出浴素顏照,網民一見,大讚靚過化咗妝!

呢幾日氣溫暴跌,新界地區早上更低至 3、4 度,咁凍嘅天氣下,除咗起身係一件難事之外,就連沖涼都係一個大難題!蔡卓妍同樣都被沖涼問題困擾,日前佢就係社交平台發文大讚自己:「呢幾日嘅呢個時候都會讚自己叻叻👍🏻👍🏻#好嘢我沖完涼喇 🎉🎉🎉🎉#沖涼是需要勇氣的 💪🏻#你哋今日沖咗未 #未沖嘅加油 😬😬」阿 Sa 大讚自己有勇氣沖涼,更 hashtag 話沖涼需要勇氣,仲叫未沖嘅人要加油,非常搞笑。

蔡卓妍同樣都被沖涼問題困擾,日前佢就係社交平台發文大讚自己有勇氣沖涼。
Photo from choisaaaa@IG

Photo from choisaaaa@IG

Photo from choisaaaa@IG

阿 Sa 除咗讚自己之外,仲大曬出浴素顏照,素顏嘅阿 Sa 依然咁靚女,雖然已經 38 歲,不過超級凍齡,網民睇到都紛紛大讚好靚女,皮膚好好,有網民仲留言:「呢位妹妹係咪得 18 歲」!

廣告
廣告

阿 Sa 除咗讚自己之外,仲大曬出浴素顏照!
Photo from choisaaaa@IG

阿 Sa 雖然已經 38 歲,不過依然超凍齡!
Photo from choisaaaa@IG

不得不說阿 Sa 妝前妝後真係無分別,依然都係咁靚,素顏時仲更加清純甜美,有網民都留言話阿 Sa 素顏「靚過化咗妝」!

阿 Sa 妝前妝後無分別!
Photo from choisaaaa@IG

Photo from choisaaaa@IG

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook