特色手機殼精選!可愛耐跌各具風格

特色手機殼精選!可愛耐跌各具風格

精選購物 網購推薦
ByIvy on 20 Jan 2021 Digital Content Writer

步入新一年,好多人都會想買啲嘢獎勵自己,希望自己喺今年有個好嘅開始,繼續進步!如果你都有依個諗法,不妨考慮下換咗個手機殼佢?畢竟工作、社交都成日對住部手機,喺佢身上畀啲新鮮感自己,心情都好啲呀嘛!今次就想同大家介紹四個特色手機品牌,希望大家有多啲選擇!

首先梗係由本地品牌「CASETiFY」拉開序幕!依個品牌有多種同電子產品保護有關嘅產品,唔單止有手機殼,亦都有 iPad、Airpods 等等嘅保護套,深受用家歡迎。

香港品牌一定要撐!
Photo from CASETiFY

過去佢亦多次同唔同品牌聯名,包括 DHL、Hello Kitty、Coca Cola等等,為業界帶來突破性嘅創意!最近,佢哋就同 Disney 聯乘,推出大量有關 Mickey Mouse 嘅產品!如果你係米奇老鼠嘅粉絲,就萬勿錯過啦!

今次同經典卡通人物 Mickey Mouse 合作!
Photo from CASETiFY

講完香港嘅本地品牌之後,不得不提嘅就係台灣公司「犀牛盾」,佢哋最出名嘅就係手機殼保護性特強,號稱緩衝材質超越咗軍方嘅跌落標準!佢哋仲成日搵 YouTuber 合作,將最新款嘅 iPhone 套上佢哋嘅手機殼,然後由成層樓高嘅地方跌部手機落地下,都可以毫無損傷!

真係掉落去㗎!
Photo from 要玩就玩大一點! 摔壞手機直接送你全新iPhone 11!【劉沛 VLOG】

咁高掉落去都冇爛到!
Photo from 要玩就玩大一點! 摔壞手機直接送你全新iPhone 11!【劉沛 VLOG】

佢哋嘅手機殼除咗實用性強外,仲有好多唔同款式,更加有提供個人化服務,一定可以滿足大部份用家嘅需求!

除咗耐跌,仲好有特色
Photo from 犀牛盾

廣告
廣告

除咗手機殼保護性強幫到手之外,如果望落好可愛都可以令人感到開朗,幫助大家喺一日當中更有力量㗎。韓國品牌「THENINEMALL」有好多線條簡單,畫風可愛嘅產品!唔少人入到佢哋嘅網站都會變到好花心,唔知應該買邊一款好!

可愛程度滿分!
Photo from theninemall

除咗可愛到令人愛不釋手之外,「THENINEMALL」嘅價格仲非常親民,平起上嚟 韓圜 ₩5,000(約港幣 $35)就可以有一個!莫非佢就係特登賣到咁平,等大家唔使破產?

咁平,買多咗都唔驚破產啦
Photo from theninemall

最後要同大家介紹下嘅就係日本牌子「Birth.」。佢根據德國占星術,搵出包含 2 月 29 日在內,366 日嘅誕生色,再將佢哋整成手機殼。每一日都有自己專屬嘅顏色,而喺手機殼上面都會刻上代表住嘅生日日期,除咗盛載住純色設計嘅低調外,亦保留咗獨一無二嘅個性。

366 日出世嘅人都有自己獨一無二嘅款!
Photo from Birth.

依個品牌嘅手機殼除咗可以自用之外,仲非常適合送禮或者同人一齊用!例如係有紀念價值嘅日子,又或者對方嘅生日日期,令人感受到自己嘅貼心。不過要留意,手機殼係落咗單之後先會開始製作,如果想送畀人就要預留番啲時間啦。

送禮自用兩皆宜
Photo from Birth.

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mailholiday@presslogic.com,直接將資料傳比小編)

Share to Facebook