日本《天竺鼠車車》爆紅5大原因+背後不為人知4件小事！附中字連結
日本《天竺鼠車車》近日爆紅，人氣甚至蓋過大熱《鬼滅之刃》！網上唔止連續多日洗版，更衍生「小孩才看《鬼滅》，大人都看《天竺鼠車車》」呢種講法。究竟呢套動畫有咩魅力？一文睇主要角色介紹、爆紅5大原因、背後不為人知4件小事！
《PUI PUI 天竺鼠車車》（PUI PUI モルカー）係一套以羊毛氈公仔做主角嘅動畫短片，近日超受歡迎，其實背後有5大原因！
Photo from 《PUI PUI 天竺鼠車車》
#爆紅5大原因
1. 每集得3分鐘左右
呢套短片第一季共有12集，基本上完全無對白，每集約3分鐘，輕輕鬆鬆就睇完一集，好解壓！
Photo from 《PUI PUI 天竺鼠車車》
2. 主角可愛有特色
5隻天竺鼠車車性格特點各有不同，超可愛～
馬鈴薯（ポテト）：
最愛食紅蘿蔔，非常熱心助人，不過有時會無視司機嘅指示。
Photo from 《PUI PUI 天竺鼠車車》
西羅摩（シロモ）：
比較細膽，同埋唔知點解會遇上各種麻煩。
Photo from 《PUI PUI 天竺鼠車車》
阿比（アビー）：
充滿好奇心，喺道路上仲係一名小P牌。
Photo from 《PUI PUI 天竺鼠車車》
巧克力（チョコ）：
中意扮靚，夢想成為世界第一天竺鼠車車！
Photo from 《PUI PUI 天竺鼠車車》
泰迪（テディ）：
非常貪吃，仲不時搞出麻煩，係個Trouble Maker～
Photo from 《PUI PUI 天竺鼠車車》
3. 劇情療癒有共鳴
《天竺鼠車車》劇情圍繞都市道路上發生嘅事，例如塞車、車上玩手機等等都係唔少人日常會遇到嘅事。加上劇情簡單易明，無壓力追睇！
Photo from 《PUI PUI 天竺鼠車車》
4. 有真人演出
《天竺鼠車車》係有真人、真貓出演，天竺鼠車車本身係動畫中人類嘅交通工具，但亦有生命。真人+羊毛氈出演創造出獨特世界觀，有時會有唔少爆笑情節。
Photo from 《PUI PUI 天竺鼠車車》
5. 有教育意義
雖然每集都好短，但有唔少反映人類行為嘅劇情，例如揸車掛住玩手機。天竺鼠車車喺動畫中為人類解決好多問題，再次提醒觀眾要戴安全帶、禮讓救護車等。
Photo from 《PUI PUI 天竺鼠車車》
Photo from 《PUI PUI 天竺鼠車車》
#背後不為人知4件小事
1. 劇中出演真人演員係導演及其姐姐
《天竺鼠車車》導演係29歲嘅見里朝希，佢同家姐見里瑞穗都有喺動畫出演，飾演真人司機。
Photo from 《PUI PUI 天竺鼠車車》
Photo from 《PUI PUI 天竺鼠車車》
2. 「馬鈴薯」原型係導演寵物
《天竺鼠車車》導演見里朝希本身有養天竺鼠，佢嘅愛寵更係其中一個主角馬鈴薯（ポテト）嘅原型，喺動畫第一集導演手機嗰隻天竺鼠就係佢嘅寵物啦！
Photo from 《PUI PUI 天竺鼠車車》
3. 動畫用咗真正嘅天竺鼠叫聲
因為導演好了解天竺鼠，動畫亦認真還原咗天竺鼠嘅神態、特性，連叫聲都係真正嘅天竺鼠發出！由導演姐姐見里瑞穗親自錄音。
Photo from 《PUI PUI 天竺鼠車車》
4. 定格動畫製作用心
《天竺鼠車車》唔係電腦動畫，而係定格動畫，要一邊手動移動羊毛氈同各種道具嘅位置，逐格逐格拍攝，再製作成動畫，需花費大量時間、心血製作。
Photo from 《PUI PUI 天竺鼠車車》
《天竺鼠車車》爆紅後出現大量meme，其實要自製一啲都唔難，喺動畫中cap下已經可以用到！
Photo from 《PUI PUI 天竺鼠車車》
香港觀眾仲可以喺Youtube「Muse木棉花-HK」免費睇《PUI PUI 天竺鼠車車》（逢星期二播出）嘅官方中文字幕版！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
