download HolidaySmart 假期日常 app
韓國公司研製「翻譯狗帶」可以讀懂狗狗 5 種情緒!

韓國公司研製「翻譯狗帶」可以讀懂狗狗 5 種情緒!

生活熱話
By Ella on 21 Jan 2021
Digital Content Writer

相信好多養寵物嘅人都希望可以同愛犬溝通到,依家呢個願望可以實現啦!韓國公司 Petpuls 研製出一款翻譯狗帶,可以讀懂狗狗 5 種情緒!咁樣咪可以知道狗狗諗緊咩?!

韓國公司 Petpuls 研製出一款「狗狗人工智慧頸圈」,聲稱透過頸圈及手機就可以辨識狗狗 5 種情緒,包括放鬆、焦慮、生氣、傷心及開心。另外,頸圈仲可以監測愛犬嘅運動量及休息程度。

韓國公司 Petpuls 研製出一款「狗狗人工智慧頸圈」。Photo from 펫펄스@YouTube

聲稱透過頸圈及手機就可以辨識狗狗 5 種情緒,包括放鬆、焦慮、生氣、傷心及開心。Photo from 펫펄스@YouTube

頸圈仲可以監測愛犬嘅運動量及休息程度。Photo from 펫펄스@YouTube

據消息指,Petpuls 由 2017 年開始就不停蒐集唔同品種狗狗嘅吠叫聲,從而去分析及歸納佢哋嘅情緒,目前為止佢哋嘅數據庫已經有超過 1 萬個聲音樣本,成功開發出專利演算法。

Petpuls 由 2017 年開始就不停蒐集唔同品種狗狗嘅吠叫聲,從而去分析及歸納佢哋嘅情緒。Photo from 펫펄스@YouTube

目前為止佢哋嘅數據庫已經有超過 1 萬個聲音樣本,成功開發出專利演算法。Photo from 펫펄스@YouTube

廣告
廣告

呢款「人工智慧頸圈」係由環保無害嘅矽膠製成,而且仲好輕,重量唔到 25 克,售價約港幣 $700。而頸圈仲有 5 款顏色選擇,包括深藍色、淺藍色、粉紅色、綠色及橙色,設有兩種 size,適合大隻同細隻嘅狗仔,而且頸圈充滿電仲可以使用 8 - 10 小時。

頸圈有 5 款顏色選擇,包括深藍色、淺藍色、粉紅色、綠色及橙色。Photo from Petpuls

Photo from Petpuls

據指韓國嘅首爾大學都認證呢款產品,表示「人工智慧頸圈」對情感辨識嘅準確度高達 90%!

Photo from 펫펄스@YouTube

有咗呢款產品咁以後咪可以知道狗狗諗咩?!

官網:Petpuls

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel