香港新玩樂購物好去處2021 屯門誠品/寵物主題商場/日式雜貨店

香港新玩樂購物好去處2021 屯門誠品/寵物主題商場/日式雜貨店

香港好去處 生活熱話 商場好去處
ByElla on 08 Feb 2021 Digital Content Writer

2021年想發掘新嘅玩樂購物好去處?今次為大家整理即將喺2021年開幕嘅5大玩樂、購物必去新店,包括誠品屯門店、日式生活百貨店、寵物主題商場及日本室內主題樂園等。

日式生活百貨店「ものもの」The LOHAS 康城分店

日式生活百貨店「ものもの」Mono Mono 已經喺1月28日登陸將軍澳 The LOHAS 康城,佔地12,000平方呎,以「綠色.樂活」為概念,除咗售賣日常生活用品之外,仲有好多主打健康、環保嘅商品可以買。

日式生活百貨店「ものもの」Mono Mono 已經喺1月28日登陸將軍澳 The LOHAS 康城。
Photo from AEON

佔地12,000平方呎,以「綠色.樂活」為概念。
Photo from AEON

此外,店舖更匯集咗一系列嘅自家品牌,包括「TOPVALU GREENEYE」、「HÓME CÓORDY」及「Living PLAZA」,商品 CP 值超高,而且滿足到大家對唔同日常用品、食品嘅需要。依家去唔到日本旅行掃貨,大家可以去「ものもの」解思鄉之苦~

店舖匯集咗一系列嘅自家品牌,包括「TOPVALU GREENEYE」、「HÓME CÓORDY」及「Living PLAZA」,商品 CP 值超高!
Photo from AEON

Photo from AEON

地址:新界將軍澳康城路1號 The LOHAS 康城三樓335號舖
營業時間: 10:00  -  22:00 

寵物主題商場「Petoyo」

香港首個寵物主題商場「Petoyo」預計即將於2021年第一季開幕,選址尖沙咀,商場有7層之多,總面積達十萬呎。除咗購物,商場仲設有空中花園畀毛孩放電。商場為寵物提供全方位服務,包括日式寵物美容館、日式寵物溫泉區等,更有多間寵物特色商戶,包括寵物學校、酒店等,務求滿足寵物及主人嘅需要。

香港首個寵物主題商場「Petoyo」預計即將於2021年第一季開幕!
Photo from Petoyo

地址:尖沙咀加連威老道94號
預計開幕日期:2021年第一季

日本室內主題樂園 DOCODOCO (冒険の島ドコドコ)

The LOHAS 康城引入日本室內主題樂園 DOCODOCO (冒険の島ドコドコ),成為全港獨家以科技及實體結合嘅室內兒童遊樂場。樂園佔地5000呎,設多個主題冒險區域,畀小朋友玩個夠本~

廣告
廣告

The LOHAS 康城引入日本室內主題樂園 DOCODOCO (冒険の島ドコドコ),成為全港獨家以科技及實體結合嘅室內兒童遊樂場。
Photo from mamakoe.jp

地址:新界將軍澳日出康城 The LOHAS
預計開幕日期:2021年

誠品書店(屯門分店)

誠品嘅屯門分店已經喺1月登陸屯門 V city,佔地逾8,000呎,總藏書量高達43,000本。除咗閱書區,仲有文具館及兒童專區,文具館有超多精緻文具,兒童區有兒童讀物及益智玩具,等小朋友可以邊學邊玩。各位書迷們可以去朝聖啦!

誠品嘅屯門分店已經喺1月登陸屯門 V city,佔地逾8,000呎,總藏書量高達43,000本。
Photo from 誠品香港 eslite@HK@Facebook

除咗閱書區,仲有文具館及兒童專區。
Photo from 誠品香港 eslite@HK@Facebook

地址:屯門 V city MTR 層M-6&7號舖
營業時間:星期一至五 11:00 ─ 21:00;星期六至日及公眾假期 10:30 ─ 21:30

LEGOLAND Discovery Center「香港樂高探索中心」

LEGOLAND Discovery Center「香港樂高探索中心」即將登陸尖沙咀 K11 MUSEA,預計2021年春季開幕。樂園佔地30,000呎,設有10個主題園區,包括多個互動區及遊樂設施等,例如「古堡歷險」、「迷你天地」及「地震測試區」等,樂高迷千萬唔好錯過啊!

LEGOLAND Discovery Center「香港樂高探索中心」即將登陸尖沙咀 K11 MUSEA,預計2021年春季開幕。
Photo from KKday

樂園佔地30,000呎,設有10個主題園區,包括多個互動區及遊樂設施等。
Photo from KKday

地址:香港九龍尖沙咀梳士巴利道18號 K11 MUSEA 地庫1樓B131-133號
預計開幕日期:2021年春季

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook