林作籌旗一百萬請人，賤賣名牌西裝　被網民取笑：你咁XX送都著唔到！

林作自早前擬似街頭裸跑找數後，最近佢又有新搞作喇！林作不時都會喺 Facebook 上同大家分享佢同團隊從事保險嘅好成績，不過近日佢就突然拍片話要賣咗上年引起唔少話題嘅名牌西裝嚟籌旗，但網民就好似唔多睇好喎！

Photo from 林作/Facebook

林作喺去年 7 月時就出 post 講過「冇行業俾保險更好搵。Ibankers、大律師、醫生，喺我年紀都唔會捨得買 Brioni、Tom Ford. 我已經有5套。」當時就被網民批評佢炫富，但後嚟又話「一切不過是宣傳」，令人估唔到佢到底想點。

Photo from 林作/Facebook

而近日佢又有新搞作喇！林作突然喺 Facebook 上傳一段半價賣 Brioni 西裝嘅片表示自己急需要籌集 100 萬港幣嚟畀佢嘅林作團隊去招募 100 人，因此唯有賣咗依件「全港可能最著名的一套西裝」。

Photo from 林作/Facebook

Photo from 林作/Facebook

佢喺片中就著上依件西裝展示畀大家睇，並留言指：「我依家半價 22500 元出售，Size 46 短版 Asian Fitting, Super 160’s 深藍色全羊毛布料，機會難得！非常軟熟，shoulder line全手工製作，一睇就知名貴。想有專業裁縫級別而且要世界大牌子，非 Brioni 莫屬。如果唔係 James Bond 同特朗普點會著咗咁多年？」

Photo from 林作/Facebook

之後佢更自認自己冇錢同配唔起依套神級西裝：「我認我冇錢，我認我配不起呢套神級西裝」

Photo from 林作/Facebook

Photo from 林作/Facebook

Photo from 林作/Facebook

Photo from 林作/Facebook

Photo from 林作/Facebook

不過網民就好似唔多 buy 喎，留言指「冇乜男人有你咁矮喎」、「買二手番黎再搵裁縫改？ 」、「你咁嘅身高........點買你既二手衫呀??」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

特朗普連任失敗！林作擬似街頭裸跑找數相流出：畀你哋估到就唔係林作啦！

09 Nov 2020

今年美國大選引起全球關注，而以「香港特朗普」自居嘅藝人林作早前就喺 Facebook 揚言如果特朗普連任失敗，他就會「夜晚12點放工廣東道裸跑」！當時依個 post 一出隨即引嚟唔少網民紛紛留言圍觀，仲話要等看林作「找數」！經過連日嚟嘅點票大選結果亦已出爐，拜登成為總統當選人。但林作就一直未就實行之前嘅言論，故被諷有意走數。

雖然被指笠水、縮沙，但原來佢已經自行「找數」，今日就有張疑似找數相流出，相中疑似林作嘅人半夜喺落街戴住口罩裸跑，相中更用「格仔」遮掩下半身及敏感部位。

Photo from 網上圖片

而林作喺接觸傳媒訪問時，就表示自己已經找咗數，仲搵女友裕美幫手拍埋片添：「我依家係等幾時擺出嚟當找數咋，我就唔會『淆底』嘅，做定先等唔好咁多人圍觀嘛，畀人捕咗點算呀？」

Photo from 林作/Facebook

之後佢又指特朗普一定會反擊，所以佢想塵埃落定先會擺段片出嚟，仲愈講愈 high：「你估我真係驚，我點會驚裸跑啫，做定添啦，畀你估到，仲係林作？」

Photo from 林作/Facebook

另外，負責拍片嘅裕美就指對對方所做嘅行為一啲都唔會驚訝，更指對方有鋪裸體癮，好熱愛裸跑，對佢嘅癲都習以為常。

Photo from 林作/Facebook

不過必須提醒大家，根據《刑事罪行條例》第148（1）條在公眾地方的猥褻行為，任何人無合法權限或辯解，在公眾地方或公眾可見的情況下，猥褻暴露其身體任何部分，即屬犯罪，一經定罪，可處罰款$1000及監禁6個月。

所以大家千萬唔好亂試呀！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）