盤點 5 個騎呢古裝造型!除咗周柏豪紅髮馬騮造型驚嚇,仲有Angelababy果實頭、謝雪心頭頂熱水壺都好經典

盤點 5 個騎呢古裝造型!除咗周柏豪紅髮馬騮造型驚嚇,仲有Angelababy果實頭、謝雪心頭頂熱水壺都好經典

生活熱話 娛樂新聞
ByCelia on 19 Feb 2021 Digital Editor

早前,周柏豪主演嘅網絡電影《混世四猴:神猴歸來》自上架以嚟劣評如潮,其戲中嘅紅色長髮「非主流」石猴造型更係被指超騎呢。不過喺咁多古裝電視劇中,周柏豪依個紅髮馬騮造型都唔係第一個,之前 Angelababy、阿嬌、謝雪心等都試過。一齊嚟睇吓佢哋啲造型有幾搞笑喇!

周柏豪依個紅髮馬騮造型都唔係第一個,就由Angelababy、阿嬌、謝雪心等都試過。

Angelababy:《封神傳奇》藍蝶

喺 2016 年上映嘅大陸魔幻電影《封神傳奇》中 Angelababy 飾演嘅藍蝶一角造型就令唔少人稱奇,事關其頭上嘅兩個髮髻十足十放咗兩粒放大版嘅桑椹上去一樣呀!

Angelababy 頭上嘅兩個髮髻十足十放咗兩粒放大版嘅桑椹咁

周柏豪:《混世四猴:神猴歸來》混世四猴

周柏豪喺網絡電影《混世四猴:神猴歸來》中一共有兩個造型,其中依紅髮石猴造型最令人驚訝,依個紅髮 look 被指十分「非主流」,而同樣係紅髮不過就鬢辮嘅造型,配上黑眼圈妝容,就算「中門大開」show 肌一眾網友都話接受唔到呀!

依個紅髮 look 被指十分「非主流」

而同樣係紅髮不過就鬢辮嘅造型,配上黑眼圈妝容,就算「中門大開」show 肌一眾網友都話接受唔到呀!

謝雪心:《宮心計》郭太后

TVB 經典劇集《宮心計》中嘅郭太后由謝雪心(心姐)飾演,劇中佢雖然霸氣十足,不過其劇中嘅頭髮造型就令人忍唔住笑,依個造型係還原當時唐朝所流行嘅髮髻「拋家髻」嚟,但網友一見到就聯想起熱水壺,令人見到都想斟番杯水嚟飲呀!

依個造型係還原當時唐朝所流行嘅髮髻「拋家髻」嚟

見到都想斟番杯水嚟飲呀!

鍾欣潼:《浣花洗劍錄》珠兒

喺改編自同名武俠小說連續劇《浣花洗劍錄》中鍾欣潼(阿嬌)飾演嘅珠兒雖然擁有美貌,但就因為其造型而被毀掉,睇吓就係依個鞋墊放錯地方就毀咗個咁靚嘅造型喇~

鍾欣潼(阿嬌)喺《浣花洗劍錄》飾演嘅珠兒雖然擁有美貌,但就因為其造型而被毀掉

佘詩曼:《延禧攻略》

上年大熱嘅宮廷古裝劇《延禧攻略》播出後除咗引起唔少話題外,劇內嘅造型亦令一眾網民狂笑,就好似劇中佘詩曼嘅髮髻就被指似日本卡通玉桂狗,講開又真係幾似喎!

佘詩曼嘅髮髻就被指似日本卡通玉桂狗

又真係幾似喎

玉桂狗

除咗以上幾套古裝出事之外,仲有唔少大陸嘅古裝劇嘅造型都好好搞㗎~

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

周柏豪演馬騮造型超驚嚇!大陸網民劣評如潮:快進看5分鐘都堅持不住

09 Feb 2021

周柏豪主演嘅電影《混世四猴:神猴歸來》正式上架,佢飾演「靈明石猴」,造型與孫悟空相似但被大陸網民狂批嚇人,又指電影劇情無聊,睇5分鐘都頂唔順要退出,大陸豆瓣評分幾乎全部係一星,劣評如潮。

周柏豪主演嘅電影《混世四猴:神猴歸來》正式上架,佢飾演「靈明石猴」
Photo from 周柏豪IG

36歲嘅周柏豪自加入星夢娛樂後參演過多套電影、電視劇。其中佢主演嘅網絡電影《混世四猴:神猴歸來》,早前喺騰訊上架。

電影講述周柏豪飾演嘅靈明石猴係世人心目中嘅救世主,佢曾經畀過絕望中嘅小女孩巴海星(柴蔚飾)一絲希望但無兌現到,令巴海星深深牽掛。之後靈明石猴同三眼戰神激戰,被打破金身墮入凡間,意外與巴海星重逢。靈明石猴失去神力,歷盡情劫,最後更同木神句芒(李帥飾)決一死戰。

電影講述周柏豪飾演嘅靈明石猴係世人心目中嘅救世主
Photo from 周柏豪微博

大陸網民搵出以前一度好流行嘅「紅色煙花頭」,指電影中周柏豪嘅造型同呢種「非主流」髮型有得揮!

大陸以前一度好流行嘅「紅色煙花頭」
Photo from 微博

戲中周柏豪飾演嘅「靈明石猴」造型相當似孫悟空,另外仲有長毛紅髮look,但兩個造型都非常驚嚇,網友大彈紅髮look好「非主流」。

戲中周柏豪飾演嘅「靈明石猴」造型相當似孫悟空
Photo from 周柏豪微博

周柏豪演嘅「靈明石猴」唔講以為係「齊天大聖」!
Photo from 《混世四猴:神猴歸來》

周柏豪戲中亦有長毛紅髮look
Photo from 《混世四猴:神猴歸來》

網友大彈紅髮look好「非主流」。
Photo from 周柏豪微博

周柏豪仲有一個紅髮鬢辮造型,配合黑眼圈妝容,就算「中門大開」show肌肉,網民都紛紛dislike!

周柏豪更有一個紅髮鬢辮造型,配合黑眼圈妝容
Photo from 馬啟光微博

除咗造型唔好睇之外,劇情亦被狠批係畀小學生睇,網友直指對白好尷尬,特效又差:「能看超過5分鐘的都算高手了。」

電影劇情亦被狠批係畀小學生睇,網友直指對白好尷尬
Photo from 周柏豪微博

網民指電影特效差:「能看超過5分鐘的都算高手了。」
Photo from 《混世四猴:神猴歸來》

喺大陸平台「豆瓣」嘅評分幾乎全部都係一星,甚至有網友指應該係演員缺錢先會接拍呢套爛片:「周柏豪很缺錢嗎」,表示快進睇5分鐘都頂唔順要閂咗佢。

大陸平台「豆瓣」中,《混世四猴:神猴歸來》嘅評分幾乎全部都係一星
Photo from 豆瓣網

有網友指應該係演員缺錢先會接拍呢套爛片:「周柏豪很缺錢嗎」
Photo from 豆瓣網

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

Share to Facebook