王子留言暗示同鄧麗欣好事近：「下一次合體就是有人生baby」！棒棒堂全員合體賀小煜囝囝滿月
鄧麗欣（Stephy）自 2018 年公開同前台灣男團棒棒堂成員王子（邱勝翊）拍拖後，二人不時喺 社交網站上放閃，而近日棒棒堂 6 子就適逢成員小煜上月榮升爸爸，再度聚頭探望BB。不過大家嘅焦點並唔喺小煜身上，而係喺王子同 Stephy 身上呀！
棒棒堂 6 子敖犬（莊濠全）、王子（邱勝翊）、小煜（楊奇煜）、威廉（廖亦崟）、阿緯（劉峻緯）及小傑（廖允杰）自 2009 年解散後，不時都會相約聚會，而近日適逢小煜榮升爸爸，佢哋 6 人今次終於人齊再次合體，齊齊賀小煜嘅囝囝 Mujo 滿月！
王子喺 IG 大晒合照並留言：「下一次合體，就是有人再生baby。猜猜會是誰？」隨即引嚟網友猜測佢暗示自己有意做爸爸留言「是你，必須是你」、「下一個換你嗎？」，而唔少網友除咗紛紛祝福佢同 Stephy 早日拉埋天窗多，仲有粉絲 tag 埋 Stephy 追問：「甚麼時候到你結婚又生孩子呢？ @stboo」、「@stboo 快趕快跟他@prince_pstar 拼一個，不能被威廉超越了！」睇嚟大家都好期待睇到佢哋嘅 BB 喎！
其實鄧麗欣喺 2018 年公開同王子認愛後，就越愛越高調，仲情侶檔拍廣告搵真銀。雖然二人經常分隔兩地，但佢哋不時都會喺 IG 上大放閃光，而去年二人就因為疫情搞到冇得見而，喺大家都擔心佢哋點維繫感情時，Stephy 就自爆佢哋除咗 keep 住日日通電話外，仲已經秘密見咗面，而且亦計劃開關後去旅行添。
早前元宵佳節，Stephy 仲 post 咗一張佢同王子嘅剪影嘅相同大家一齊慶祝佳節，不過王子就對依張相好似有啲不滿，仲有少少撒嬌咁留言：「我怎麼又被cut那麼多」
而睇番今次聚會，喺 6 子中阿緯喺 2016 年結婚，已經係兩個小朋友嘅爸爸；小煜就喺去年 7 月時同護理師女友結婚，並喺上月當爸爸，下一個最有可能成為爸爸嘅就係威廉同王子喇！難怪網友都話係回憶殺嚟。
有唔少粉絲睇到佢哋合體後留言「這太讓人感動了」、「OMG我的青春」、「敲碗合體開演唱會啦」、「6個都有小孩的話，可以來個迷你6棒」、「棒棒堂還是一樣帥」、「顏值真的沒變」、「大家都越來越幸福的部分」、「時代的眼淚」、「爸爸堂」。
唔知下次佢哋 6 子合體會唔會就係王子同 Stephy 嘅好消息呢？！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
棒棒堂組隊放閃王子單丁 Tag 鄧麗欣 3 字隔空放閃報復
16 Nov 2020
棒棒堂係 90 後嘅回憶，當時台灣節目《模范棒棒堂》爆紅，敖犬（莊濠全）、王子（邱勝翊）、小煜（楊奇煜）、威廉（廖亦崟）、阿緯（劉峻緯）及小傑（廖允杰）組成男團「棒棒堂」出道並風靡萬千少女，雖然棒棒堂已經解散，不過成員嘅感情依然非常好，經常敘舊。
Photo from 《模范棒棒堂》
早前王子、小煜、威廉及阿緯聚會，王子都有 post IG，不過王子嘅表情就顯得有點無奈，皆因小煜、威廉及阿緯都各自攜眷出席，淨返王子單丁一個！
Photo from prince_pstar@IG
阿緯 2016 年結婚，已經係兩個小朋友嘅爸爸；小煜都喺 7 月同護理師女友結婚，並即將做爸爸；威廉就同「最靚女主播」卓君澤交往三年，感情穩定。聚會上成員各自帶埋另一半出席，王子企埋一邊「被排擠」～仲搞笑地留言道：「來～爲你們介紹三對佳偶！我⋯」
Photo from prince_pstar@IG
雖然王子並唔係單身，佢同鄧麗欣喺 2018 年公開戀情，其後愛得高調，不時放閃。不過最近礙於疫情，冇得同女友鄧麗欣見面，係慘啲嘅。
Photo from prince_pstar@IG
Photo from prince_pstar@IG
但王子當然唔認輸，隨後喺限時動態 tag 女友鄧麗欣，寫道：「聽說我這叫 #電燈膽」，「電燈膽」係粵語，明顯就係講畀女友聽～而且《電燈膽》仲係鄧麗欣嘅歌！哇！放閃放得咁有心思，得唔得㗎！之後鄧麗欣都用返歌詞回應王子：「能承認嗎？你故意當那電燈膽」～ Sweet 到爆啊！
Photo from prince_pstar@IG
雖然小傑因為工作而去唔到聚會，不過都有 post IG，仲搞笑留言話：「陪邱先生當門神」。
Photo from jaydaone111@IG
Photo from jaydaone111@IG
見到成員感情依然咁好，就會覺得以前嘅回憶返晒嚟～
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
