肥媽自爆退休一個人搬返大陸住，力撐契仔陸浩明有才華唔怕冇job！網民：咁鍾意食淡水魚生，啱晒佢喇！

早前正式以 TVB 高層身份回歸嘅曾志偉一回巢就即時全面整頓余詠珊及何哲圖嘅職務，而當年跟隨余詠珊過檔嘅藝人陸浩明、黃翠如、洪永城等亦有機會受到影響，近日就有傳陸浩明（6 號）有份主持嘅《後生仔傾吓偈》將會係繼《聲夢傳奇》後，另一個被嗌停嘅節目，個個人心惶惶。但 6 號除咗主持依個節目外，佢仲有同肥媽合作飲食節目《食平D》系列，仲因此上埋契成為「母子」。肥媽日前出席活動時就力撐契仔，更指自己唔擔心自己會受到影響。

喺活動中肥媽透露自己喺大陸已有 5 個物業揸手，並計劃退休後一個人自住，部份就送畀子孫。而喺 5 個單位中，其中一個 1000 呎嘅頂樓連天台單位肥媽就係留畀自己住嘅，將來退休後就可以喺天台種菜，但肥媽就講明唔會同子女一齊住︰「我不會和仔女住，相見好同住難。從前計劃退休後和老公去住，現在老公離開了，我會一個人去住」。

而被問到自曾志偉回巢後，即不斷改革綜藝及音樂節目，怕唔怕影響到自己時，佢更坦言自己只係煮飯，並不擔心變動會影響自己：「「我煮飯咋嘛 ﹗他回巢是好事。」佢仲大讚志偉回巢係好事嚟，指佢令無綫同四大唱片行破冰，令音樂節目上嘅歌單會更豐富，TVB 將來嘅發展會更好。

Photo from 鄭裕玲/IG

而提到契仔 6 號時被歸類為余詠珊黨，肥媽即力撐 6 號並指佢係自己嘅「黨羽」先啱：「佢點會係余詠珊嗰黨？應該冇分嘅，唔使擔心佢，有才華做嘢交到功課就得，志偉都係唯才是用，又唔係余詠珊出糧，係TVB出糧嘅。而家都好多亞視嘅人過去，煒哥（陳煒）都係亞視人 ，唔通又有『亞視黨』咩，TVB都係睇工作表現。」

之後佢又指志偉本身係演藝人協會嘅委員，經常會提拔新人，幫很多年輕藝人，讓更多人有出路，所以唔擔心 6 號嘅前途。

而有網友就指肥媽咁鍾意食淡水魚生應該快啲搬上去住，不過亦有網友認為佢咁講其實係暗示佢有「永不退休」之意。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

肥媽老公不敵病魔離世！患癌三年花超過$600萬醫療費 肥媽：天堂見

05 Nov 2020

肥媽同葡籍丈夫Rick結婚21年，感情要好。丈夫於三年前確診患末期肺腺癌，肥媽曾透露花超過$600萬醫療費，今日凌晨，佢喺Facebook公佈老公死訊：「親愛的老公安息」

肥媽同葡籍丈夫Rick結婚21年，Rick 3年前患上肺腺癌晚期，肥媽曾透露花超過$600萬醫療費為老公治療。

早前佢喺個人Youtube Channel公開片段，老公Rick因為血管閉塞同肺炎住院個幾星期，疫情期間肥媽為照顧丈夫亦留院陪伴。

Rick係肥媽第二任丈夫，於1999年結婚，不時會喺Facebook公開合照晒恩愛。2017年肥媽老公確診患上末期肺腺癌，一直抗病3年。

今日凌晨，肥媽於Facebook公佈老公離世並附上合照：「My love my man RIP .see you in heaven ?親愛的老公安息?」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）