麥大力與名媛薛芷倫交情匪淺？！「Ball后」赤柱億元豪宅曝光！

適逢元宵節，有「Ball后」之稱嘅薛芷倫就邀請一班圈中好友去佢位於赤柱嘅過億豪宅度慶祝，估唔到當中竟然仲有呢排非常有話題性嘅麥大力！而薛芷倫最新po出嘅照片就暴露咗更多豪宅嘅內部裝潢，令唔少網民都驚嘆「有錢人嘅世界果然係唔同啲！」

Photo from 薛芷倫FB

薛芷倫向來都有唔少圈中好友，元宵節當日佢就邀請一班好友去佢嘅豪宅食大廚親自上門炮製嘅豪華日本菜，估唔到麥大力都係獲邀嘅客人之一，睇黎佢人脈真係好廣！由面貼面嘅合照中可見，佢哋嘅關係似乎幾好。其實，麥大力異性緣一直都非常旺，佢憑著有型嘅外表同精湛嘅廚藝贏得不少女生嘅芳心。早前，佢就被網民發現夜晚去落選港姐黃婉恩屋企整曲奇餅，仲比女方公開大讚具備「好老公」條件。

Photo from 薛芷倫FB

Photo from 黃婉恩IG

而薛芷倫今次po嘅照片，令佢尚未公開過嘅豪華客廳同飯廳曝光，設計主要係以金色為主，配上歐陸風嘅家具，令間屋睇落更加有氣派。當日，佢仲邀請朋友去佢嘅私人K房度一齊唱K～

Photo from 薛芷倫FB

Photo from 薛芷倫IG

據悉，呢間豪宅係位於赤柱嘅富豪海灣，連埋税大約要1.12億！成個豪宅足足花咗兩年時間黎裝修，大部分嘅設計都係由薛芷倫自己親手包辦，所以佢對於間屋亦都非常滿意。而且，間屋暫時只係得佢自己一個人住，所以佢都成日邀請好朋友去作客。

Photo from 薛芷倫FB

其實薛芷倫嘅億元豪宅都係剛剛係上年十二月完成所有裝修，佢就話呢一間dream house就當係送比自己嘅生日禮物。當時，佢亦公開咗佢嘅全粉紅色衣帽間同以叢林為主題嘅書房，令唔少網民都話好靚。

Photo from 薛芷倫FB

有人就認為薛芷倫近呢幾年嘅外貌變得好唔同，認為佢應該係去咗整容。不過，佢就曾經係訪談度澄清係接受癌症化療嘅時候，因為注射大量嘅類固醇而令容貌有所改變。

Photo from 奇妙電視

Photo from 薛芷倫FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

諸葛紫岐狂晒半山海景豪宅+40萬名牌袋被批炫富！闊太行頭誇過甘比 網民：真正有錢人仲低調

26 Feb 2021

諸葛紫岐自嫁咗畀Neway太子爺薛嘉麟後晉身為豪門闊太，不時喺IG大晒名媛生活。做咗少奶奶嘅佢豪晒半山豪宅同名牌手袋，被網民指炫富！

Photo from 諸葛紫岐IG

諸葛紫岐今年37歲，佢本來喺香港做模特兒，亦有參演少量電影、電視劇。不過佢喺2012年同Neway太子爺薛嘉麟結婚後就專心做豪門少奶奶。

Photo from 諸葛紫岐IG

佢為薛家誕下兩子，平時會喺IG分享日常超豪生活包括名牌行頭、半山海景豪宅等。

Photo from 諸葛紫岐IG

有指諸葛紫岐買入位於半山價值$2億嘅豪宅，面積達4,000呎，仲坐擁無敵海景，而諸葛紫岐亦最愛喺180度靚view窗前擺pose打卡。

Photo from 諸葛紫岐IG

Photo from 諸葛紫岐IG

除咗豪宅，諸葛紫岐出入都有名車接送，佢亦會影坐車相，以一身名牌示人！

Photo from 諸葛紫岐IG

Photo from 諸葛紫岐IG

喺諸葛紫岐IG經常會有唔同嘅名牌手袋出現，幾乎唔會重複，LV、CHANEL、GUCCI唔少得，連生日都喺名店過，絕對係名店嘅VVIP，生日仲會為佢準備好蛋糕，認真巴閉！佢更豪晒價值$40萬Hermès袋，高調晒命！

Photo from 諸葛紫岐IG

Photo from 諸葛紫岐IG

Photo from 諸葛紫岐IG

Photo from 諸葛紫岐IG

雖然奢華闊太生活對佢嚟講係日常，但有唔少網民認為佢炫耀自己名媛身價，有炫富之嫌。亦有人將甘比與諸葛紫岐作比較，指真正有錢人反而仲低調。

Photo from 諸葛紫岐IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）