盤點20個藝人真名+英文名 叫Michael嘅多數都係型男?!

盤點20個藝人真名+英文名 叫Michael嘅多數都係型男?!

生活熱話
By Stephanie on 05 Oct 2022
Digital Content Writer

其實喺娛樂圈裡面,好多藝人都會選擇改返個藝名。一來係因為自己嘅真名比較大眾化,未必能夠令大眾留下深刻印象,二來係希望可以藉著轉名黎改下自己嘅風水轉轉運,從而令自己係娛樂圈嘅路更加順。但大家又究竟知道幾多個藝人嘅真名呢?一齊黎盤點一下廣為人知嘅明星真名啦~

Ali FBPhoto from Ali FB

森美-梁志健 Sammy

森美就曾經因為佢嘅英文名而發生咗個小插曲。吳日言話讀書嘅時候,見電台通告寫Sammy以為係鄭秀文,就好興奮咁諗住去追星,點知去到發現係森美,忍唔住係電台節目話森美做咩要改個咁嘅英文名!

森美FBPhoto from 森美FB

杜汶澤Chapman-吳卓彰Edward

因為父親爛賭,所以唔想跟佢姓。而杜汶澤呢個名嘅由來亦十分搞笑,事關佢當時好鍾意賽馬,佢就見到其中一隻馬叫「澤汶渡」,就索性將個名倒轉黎讀變成自己個名!

杜汶澤喱騷FBPhoto from 杜汶澤喱騷FB

鍾欣潼(鍾欣桐)Gillian-鍾嘉勵(改名前:鍾狄珊)

原來啊嬌已經改咗四次名。父母喺佢出世嘅時候幫佢起咗個名叫鍾狄珊,之後佢兩歲嘅時候就改名為鍾嘉勵。決定入行嘅時候,就開始用藝名鍾欣桐。2013年,決定要將本身嘅桐字改做潼字,連身分證都統一咁用呢個名。

鍾欣桐IGPhoto from 鍾欣桐IG

李佳芯Ali-李嘉馨

曾經用過本名係有線電視工作,後來因為家人建議而改名。李佳芯仲表示改完名之後,身體無以前咁弱,而且事業發展亦比之前順利。

李佳芯FBPhoto from 李佳芯FB

菊梓喬(邯娜)Hana-陳曉怡

專程搵師傅改藝名菊梓喬再正式入行。佢仲話嗰位師傅係創造佢出來嘅人,令佢可以變得咁旺。

菊梓喬FBPhoto from 菊梓喬FB

除咗以上嘅藝人之外,都仲有好多藝人係用藝名㗎,快啲睇吓有無你哋熟悉嘅藝人啦!

麥浚龍Juno-麥允然Bobby

Juno FBPhoto from Juno FB

講起Bobby就諗起呢位佛系Bobby~~

Whatsapp StickerPhoto from Whatsapp Sticker

歐陽震華Bobby-歐陽耀泉

TVBPhoto from TVB

林峯-林匯文(後來改為:林逸峰)

林峯IGPhoto from 林峯IG

唐詩詠Natalie-唐思盈

唐詩詠FBPhoto from 唐詩詠FB

陳山聰Joel-陳山蔥

陳山聰FBPhoto from 陳山聰FB

高海寧Samantha-沈江莉

高海寧FBPhoto from 高海寧FB

黎諾懿Chris-黎日昇

黎諾懿IGPhoto from 黎諾懿IG

姚子羚Elaine-饒慧玲

姚子羚IGPhoto from 姚子羚IG

陳小春Jordan-陳小臻

陳小春FBPhoto from 陳小春FB

廣告
廣告

湯怡Kathy-袁家怡

湯怡IGPhoto from 湯怡IG

楊明Matt-林明樂(改名前:林楊明)

楊明IGPhoto from 楊明IG

吳若希Jinny-吳嘉妮

吳若希IGPhoto from 吳若希IG

吳卓羲Ron-吳兆棠

吳卓羲IGPhoto from 吳卓羲IG

蕭正楠Edwin-蕭錦麟

蕭正楠FBPhoto from 蕭正楠FB

王喜-鄺毅怡

王喜FBPhoto from 王喜FB

同場加映,原來最多男藝人用嘅英文名就係Michael喇,而用呢個名嘅男藝人就分別有苗僑偉,王敏德,唐文龍,謝天華,陶大宇等。睇黎用得呢個名嘅人多數都係型男,想改名英文嘅男仔不妨可以考慮吓用呢個名~

唐文龍FBPhoto from 唐文龍FB

TVBPhoto from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

李佳芯改名後大紅大紫!陳冠希原名好老土? 盤點8位成功改名轉運藝人

27 Oct 2020

近日楊怡同羅仲謙宣布改名為「楊茜堯」、「羅子溢」,表示改名係為咗家人更好。其實娛樂圈起碼有一半嘅藝人都曾經改名,有啲聽落以為係真名嘅其實都係藝名,今次就為大家盤點吓有邊啲藝人曾經改名。

李佳芯(李嘉馨)
李佳芯原名李嘉馨,佢曾用李嘉馨呢個名係有線電視工作,後來聽從家人建議改名,之後加入無綫,發展順利,而且仲做埋「視后」!

李佳芯原名李嘉馨。Photo from aliaime@IG

王浩信(王昊)
王浩信原名王昊,雖然只係加咗個「信」字,不過就令到「Signal Wong」呢個名非常入屋,近年佢嘅演藝事業仲愈走愈順,《踩過界》嘅「盲俠」非常成功,劇集一套接一套,仲攞埋「視帝」!

王浩信原名王昊。Photo from vincentwong07@IG

吳卓羲(吳兆棠)
吳卓羲原名吳兆棠,兩個名嘅感覺真係好唔同,不過無可否認改完名之後吳卓羲喺無綫發展非常順利,基本上好多劇集都係男一或者男二,仲同黃宗澤、馬國明、林峯及陳鍵鋒堪稱當時 TVB 嘅「五大小生」。

吳卓羲原名吳兆棠。Photo from ron_ng_0902@IG

林峯(林匯文、林逸峰)
林峯原名林匯文、林逸峰,比起呢兩個名,「林峯」顯得比較特別,而林峯的確由出道開始就星途順利,唔單止演戲,仲出埋唱片,後來去內地拍劇都非常成功。最近佢終於回巢拍攝《使徒行者3》,嚟緊就有得睇啦!

林峯原名林匯文、林逸峰。Photo from 林峯@微博

李施嬅(李詩韻)
李施嬅曾以「李詩韻」呢個名參選香港小姐,不過發展一直平平。後來改番原名「李施嬅」之後反而發展順利,仲憑《金宵大廈》一劇爆紅!

改番原名「李施嬅」之後發展順利。Photo from selenaleelalee@IG

舒淇(林立慧)
舒淇原名林立慧,「舒淇」呢個名真係好好聽,仲好特別。改咗名之後舒淇發展順利,拍攝三級片《紅燈區》等,一脫成名,之後發展大紅大紫。

舒淇原名林立慧。Photo from 舒淇@微博

陳冠希(陳興華)
陳冠希原名陳興華,望住陳冠希,的確難啲將「陳興華」呢個名套落佢身上。改名後,陳冠希憑住英俊嘅臉孔迷倒萬千少女,不過後來因為桃色醜聞之後就開始絕跡幕前。

陳冠希原名陳興華。Photo from edc陳冠希@微博

鄧紫棋(鄧詩穎)
鄧紫棋原名鄧詩穎,初初出道嗰陣憑住《睡公主》一曲闖出名堂,後來去內地發展亦非常順利,已經係一線明星,早前仲成為首位登上 NASA 舞台嘅亞洲女藝人!

鄧紫棋原名鄧詩穎。Photo from GEM鄧紫棋@微博

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel