越南男子因外貌求職被取笑！花13萬做9次整容變美男：完全唔後悔

時事熱話

By Jennifer on 05 Mar 2021

Digital Editor

越南一名男子杜文奎（Đỗ Quyền）因為外貌平凡，多次求職都失敗，甚至被僱主取笑，佢決心整容變靚仔！杜文奎花光積蓄整到連父母都唔認得佢，但佢指從來都無後悔過。

Photo from Đỗ Quyền Tik Tok

26歲嘅越南男子杜文奎，長相平凡，搵工次次都失敗，更試過被老闆恥笑佢外貌，佢認為自己搵唔到工嘅原因係因為長相問題，於是決心改變。

Photo from Đỗ Quyền Tik Tok

佢不惜花光所有積蓄，以4億越南盾（約港幣$13萬），前前後後接受9次整容手術，包括割雙眼皮、豐唇、牙齒美白等，亦有喺鼻、下巴動過刀。

Photo from Đỗ Quyền Facebook

佢最終改頭換臉變成五官精緻美男，同整容前外貌的確有好大嘅分別。

Photo from Đỗ Quyền Facebook

經歷9次整容後，佢外貌越嚟越具異國風情：超深歐式雙眼皮、鼻子變得又高又挺，輪廓逐漸深邃。

Photo from Đỗ Quyền Facebook

整完容後杜文奎第一次返屋企，連親生父母都認唔出。對於父母認唔到自己，杜文奎坦言雖然早就預咗，仍然感覺難受。

Photo from Đỗ Quyền Facebook

變成靚仔之後佢成功搵到工作，依家任職化妝師，喺抖音亦有近10萬fans。

Photo from Đỗ Quyền Facebook

即使受到好多網民質疑，但佢表示從來無後悔過整容呢個決定，杜文奎指對佢而言美嘅標準係當望住鏡入面嘅自己時會感到舒服同自信：「任何令自己感到舒服嘅事都應該要做。」

Photo from Đỗ Quyền Facebook

從佢嘅社交網站度睇，佢依家的確充滿自信，經常會喺網上大晒自拍，相信佢對自己現時嘅外貌相當滿意。

Photo from Đỗ Quyền Facebook

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

男生妝前妝後對比圖震驚網民！改變髮型妝容差異超大效果媲美整容！

25 Feb 2021

化妝從來都唔係女生專利！依家越嚟越多男性開始化妝，早前喺日網瘋傳男生化妝前後對比照，結果令網民大感震驚。原來化妝真係可以改變一個人勁多！

以往男仔化妝可能會被人笑，或者有一種小白臉、奶油小生感覺，但隨住Kpop偶像熱潮喺世界各地開始流行後，化妝唔再係女性專利。

Kpop大部分男團都會化比較誇張嘅舞台妝容，畫濃黑眼線、超白粉底等，畀人印象好似唔夠man。

但日本網站有網民就post咗幾位男生化妝前後嘅對比圖，引起網民熱烈討論～

Photo from 2CH

執一執個髮型，然後剃下鬚，成個人已經唔同晒！貼上雙眼皮貼，眼睛唔再下垂，感覺精神好多！

Photo from 2CH

其實唔洗化好濃妝，用粉底、遮瑕上臉均勻一下膚色，掩蓋臉上嘅瑕疵，就同化妝前差好遠～

Photo from 2CH

修眉、換過副眼鏡，再遮下臉上雀斑，感覺變咗做職場精英。

Photo from 2CH

呢個眼妝比較濃，同妝前判若兩人，畫咗眼線有種妖艷feel。

Photo from 2CH

泰國Youtuber「Monkey Sis」有拍片幫男仔化妝，男生由路人樣180度大變身，效果震撼！

Photo from Monkey Sis

呢個男仔本身底子都唔太差，五官端正，只係唔會令人留下深刻印象。搽上粉底、遮瑕，臉色一度變得極為蒼白，仲有啲嚇人。

Photo from Monkey Sis

不過之後畫完眉、打陰影、化眼影後，男仔即刻唔同咗，變身韓國oppa，睇對比圖就知差異有幾明顯！

Photo from Monkey Sis

雖然有唔少網民認為男仔無咩必要化妝，不過化妝對男仔嚟講唔算一件壞事，畢竟「愛美之心人皆有之」嘛！

Text: HolidaySmart Editorial

Netflix《璀璨帝國》Christine Chiu淡妝清秀look舊相被翻出　網民：依家似整容失敗，之前靚勁多！

2 Feb 2021

Netflix 亞洲富豪炫富真人秀《璀璨帝國》 (Bling Empire)自開播以嚟一直人氣極高，而節目中嘅幾位富豪名媛更成為話題人物，就好似近日台裔貴婦 Christine Chiu 就因為喺節目中嘅濃妝及生硬嘅表情被網民指整容過度，更有人喺其 IG 翻出佢未改造前嘅舊相，其淡妝嘅清秀五官截然不同。

台裔貴婦 Christine Chiu 出生於台灣，後嚟移居美國，畢業於佩柏戴恩大學（Pepperdine University），23 歲時嫁畀 Gabriel Chiu，其丈夫 Gabriel 宋朝皇帝嘅第 24 代後人，來頭相當顯赫，Christine 曾喺節目中提過如果皇帝制度仲存在嘅話，Gabriel 就會係皇位繼承人，而佢哋個仔就會係小太子。現時 Gabriel 係一名著名嘅整形外科醫生，二人喺美國比華利山開設咗一間整型外科診所，專為荷李活明星、名人等提供整形服務。

喺節目中 Christine 不時同軍火商後裔 Anna Shay 上演勾心鬥角嘅情節，更係令觀眾睇得過隱。Christine 喺節目中除咗炫富同 Anna 鬥之外，可仲不時會搞 Party 如：為新年 Party 而封咗比華利山成條羅迪歐大道（Rodeo Drive）、為兒子搞百萬生日宴以及喺自己診所有搞肉毒桿菌 Party 等等，大晒紙醉金迷嘅奢華日常。