鍾培生林作拳賽規則曝光！8項細節+比賽日期公開！
Photo from 鍾培生IG
因為「抄我100萬」一句引起風波，林作答應鍾培生對打要求，兩人正式簽約，並公開更多細節，合約簡要有8點：
Photo from 鍾培生IG
1. 比賽以拳擊形式舉行
Photo from 鍾培生IG
2. 賽事分4回合，每回合為2分鐘
Photo from 鍾培生IG
3. 鍾培生出賽需限重（將於賽事前一日上秤）
4. 鍾培生若超出合約規定重量，可於個半鐘內減磅，否則對手將直接獲判技術勝出（雙方仍可繼續比賽，但超重方需支付$10,000/0.5kg，林作不設此限）
Photo from 鍾培生IG
5. 拳套為10盎司
6. 不論比賽結果，鍾培生賽後需支付林作$100萬作表演/出賽費用
Photo from 林作IG
7. 因拳擊比賽受傷/離世均不可向有關人士追討
Photo from 林作IG
8. 如林作違反合約（包括唔出席賽事），林作需賠償宣傳費，而鍾培生則毋需支付以上款項
Photo from 林作IG
賽事暫定日程：
舉行日期：2021年9月
賽程：4～6場拳賽
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
鍾培生首回應擂台之戰寸林作靠女人上位，自爆死穴竟然係呢樣？！網友力撐：靠晒你啦！
3 Mar 2021
鍾培生同林作嘅「林鍾一戰」二人未正式開打就已經頻頻隔空「開戰」，繼早前林作正式向有拳王「轟炸機」向柏榮拜師為對決作準備後，日前另一主角鍾培生亦首度拍片回應打林作事件。
林作同鍾培生今次可以話係世紀之戰嚟，唔少網友都話等睇佢哋對打，而日前林作就公開指比賽時會專攻對方下體，並揚言已將保險受益人寫上女友裕美嘅名，並加大保額至 1,000 萬元。
唔知係咪因為林作再次挑釁，鍾培生終於拍片回應，片中佢坦言早已對林作不滿，更狠批對方靠女人上位：「「你嘅成就就係同一個港姐一齊，你利用女人上位，都冇問題，每個人都自己處事方式，但唔係借完人上位再踩低人，你對一個曾經愛過嘅人都係咁嘅時候，呢個人嘅人格好得去邊。」
之後佢又指自己並唔識林作，同對方亦只見過兩次，但其毫無好感，並因網上經常將二人相提並論，所以視其為死穴：「林作其實係我嘅死穴，你同我同一日生日，我就日日畀人喺討論區討論，拉低我智商。」
提到拳賽，佢更再度否認與林作合謀造新聞，直言獲大批朋友、長輩，甚至初戀女友支持：「我相信我打得贏林作，會係近呢幾年香港人最快樂嘅盛事。」
而喺影片最後他更怒斥林作小動作多多，包括撕合約、換拳館等，但表明不會再與對方口舌之爭，只留待擂台上「清算」。佢透露現在已陸續洽談好合約條款，只欠對方動筆，所以對拳賽有絕對嘅信心打得成。
而林作當然唔會就此收口，佢就喺 Facebook 上傳截圖並留言：「要我講幾多次？我打！唔打我切。」
唔少網友睇完鍾培生嘅片後，都留言力撐，仲有唔少網友留言「鐘生，拯救地球任務就交比你啦，希望可以爆佢江啦」、「句句精警有道理」、「我最期待嘅畫面出現喇😎我見到蝙蝠俠大戰小丑」。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
林作自稱10幾年前曾學泰拳，今正式拜師迎戰鍾培生：我背負住香港人希望
23 Feb 2021
雖然林作曾經表示自己喺 10 幾年前學過泰拳，但對搏擊一竅不通，所以今次就正式聽取師傅意見，仲揚言有信心打殘有「香港電競之父」之稱的富三代鍾培生。
有指林作今日正式同教練向柏榮拜師，而佢喺接受媒體訪問時更表示自己唔會有壓力，仲埋今次好難唔打，因為 100 萬唔係個個都有機會，而佢又咁啱需要依筆錢嚟擴充事業，所以點都會打。
之後林作直言：「今次係代表香港宅男、普通人家，喺佢（鍾培生）眼中，我哋全部都係普通人，所以我係背負香港幾百萬人嘅希望，會加倍努力。」
另外，提到媽媽同女友支唔支持今次大戰時，佢就指媽媽唔止冇反對仲 100% 支持，佢仲喺 IG story 上傳咗媽媽撐佢嘅影片：「打爆佢（鍾培生），我一定支持，打鑊佢，你一定要爭氣，贏番嚟！」
而身為佢女友嘅裕美雖然就曾經講過想見證林作被打，不過佢就一啲都唔介意仲笑笑口話：「我們關係時好時差，佢有時好想借其他人嚟出一口氣。」
咁睇嚟林作今次真係信心十足喎！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
【想隨時隨地緊貼本地食買玩資訊？】
👉🏻 立即下載 HolidaySmart 假期日常APP
👉🏻 即刻Follow我地Instagram holidaysmart.hk
👉🏻 訂閱我地 Youtube Channel
