download HolidaySmart 假期日常 app
港女向好友借數十萬補貼男友   閨蜜勸吿卻慘遭絕交

港女向好友借數十萬補貼男友 閨蜜勸吿卻慘遭絕交

時事熱話 生活熱話
By Stephanie on 05 Mar 2021
Digital Content Writer

日前,有網民喺討論區度大呻大學好朋友重色輕友。眼見朋友將自己所有嘅積蓄都投放曬落佢男朋友度,所以提醒佢點知仲因為咁樣而比朋友鬧返轉頭,令佢非常失望決定同呢位朋友斷絕來往。

香港討論區Photo from 香港討論區

呢位網民就表示佢同該名大學同學畢業後都一直都感幾好。直到佢朋友遇到而家嘅男朋友之後,就開始變得重色輕友。更離譜嘅喺朋友嘅男朋友無錢,但依然繼續買名錶同埋車,一唔夠錢就會問女朋友借,令呢位網民好擔心佢嘅朋友會比人騙。

TVB劇照Photo from TVB劇照

呢位網民覺得好朋友已經對愛情盲目,所以就好心提點朋友,點知反而比朋友鬧返轉頭,令佢非常失望。

TVB劇照Photo from TVB劇照

後來,朋友竟然主動搵返呢位網民道歉並表示希望可以維持返朋友關係。但就比呢位網民發現原來佢黎道歉嘅主要原因係為咗幫佢男朋友借錢,而且借嘅金額足足有6位數咁多,令網民徹底對朋友心淡,佢哋亦因此而絕交。呢件事令呢位網民好大感觸咁話:「女人搵男朋友唔一定要好有錢,但一定唔可以搵會用女友錢,仲叫佢幫手借錢嘅男人!」

TVBPhoto from TVB

好多網友睇完呢為網民嘅遭遇之後,都紛紛留言話「真係要帶眼識人!」但亦有網友覺得人哋彼此真心相愛,點解唔可以為另一半付出所有。唔知大家對呢件事有咩睇法呢?

香港討論區Photo from 香港討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

港女上男友家拜年被當妹仔!一上門即要入廚房幫手/唔畀早走 網友轟男友唔識做

1 Mar 2021

近日有網民喺連登討論區開post,直指喺新年期間上男友屋企但遭遇卻令佢感到非常唔舒服,更自我懷疑係咪自己思想有問題,引起網民激烈討論。

近日有網民喺連登討論區開post,直指喺新年期間上男友屋企但遭遇卻令佢感到非常唔舒服Photo from 連登討論區

廣告
廣告

連登討論區一位網友以《未過門已經做左人地妹仔》為題開post,表示自己過年去左男朋友屋企拜年,點知一去到櫈都未坐暖,男友媽媽已經要樓主入廚房幫手做嘢。

連登討論區一位網友以《未過門已經做左人地妹仔》為題開postPhoto from 《C9特工》

樓主表示話哂都未真係入門,指自己媽媽教落一日未過門都仲係客:「但我覺得幫下手都唔緊要既,不過應該係大家一齊做,一齊幫手。」但實際上男朋友嘅爸爸、細佬、婆婆等親戚全部坐哂係廳睇電視、打麻雀咁,令樓主「內心感覺有d唔舒服」。

實際上男朋友嘅爸爸、細佬、婆婆等親戚全部坐哂係廳睇電視、打麻雀咁Photo from 《愛回家之開心速遞》

唔止被人點入廚房做嘢,樓主事先已提出之後要去自己婆婆到拜年,所以下晝2點半就要走,但夠鐘都唔畀人走,要樓主繼續幫男友媽媽做埋啲嘢先,最終樓主遲咗成個鐘先走得,仲被媽媽同親戚怪責咁遲先到。

樓主事先已提出之後要去自己婆婆到拜年,所以下晝2點半就要走,但夠鐘都唔畀人走,要樓主繼續幫男友媽媽做埋啲嘢先Photo from 《BB來了》

樓主深感委屈:「好似未過門就已經做左人地妹仔咁」,又表示未遇過呢啲問題,所以唔識點去面對同處理,甚至疑惑係咪自己思想有問題:「人人都係咁嫁?」

樓主深感委屈:「好似未過門就已經做左人地妹仔咁」Photo from 《華麗轉身》

呢個post喺短短幾日內有近2,000個負評,大部分網民都認為樓主男友唔識做,叫樓主搵定下一個:「都唔尊重你」、「見自己女朋友咁樣都唔幫手」。

大部分網民都認為樓主男友唔識做,叫樓主搵定下一個:「都唔尊重你」Photo from 連登討論區

網友幾乎一面倒勸樓主分手,有過來人表示結婚之後情況只會越黎越差,最好結果係同結婚前一樣,而樓主未結婚前已經做妹仔,男朋友又唔出聲,結婚之後只會更慘。

網友幾乎一面倒勸樓主分手,有過來人表示結婚之後情況只會越黎越差Photo from 連登討論區

連登網友指樓主未結婚前已經做妹仔,男朋友又唔出聲,結婚之後只會更慘。Photo from 連登討論區

不過都有網友認為人人都係咁:「當然你可以話未過門未性,但係如果你有心嫁比人,點解要計較,除非你係唔認真,人哋屋企人都想考驗下你對自己個仔有幾認真」呢個回覆有超過1,800個負評,被怒轟「唔好喺度害人,合理化成件事」。

都有網友認為人人都係咁,被怒轟「唔好喺度害人,合理化成件事」。Photo from 連登討論區

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel