陳豪酒店單獨隔離依然戴住口罩 陳茵媺解話:因為呢樣!

陳豪酒店單獨隔離依然戴住口罩 陳茵媺解話:因為呢樣!

娛樂新聞
ByStephanie on 08 Mar 2021

近日,陳豪就因為拍攝《白色強人II》而需要返內地,而家佢就正在進行緊21日嘅隔離,將要同家人暫時分開接近兩個月。日前,陳茵媺就係IG上載咗陳豪同三個小朋友隔空玩遊戲嘅溫馨畫面。由於照片中嘅陳豪依然戴住口罩,令不少網民都感到好疑惑。

陳茵媺IG
Photo from 陳茵媺IG

眾所周知,陳豪一直以黎都係一個愛錫妻兒嘅人。呢排佢就因為要拍攝電視劇而需要北上,所以要同家人分開足足兩個月咁多。就算而家分隔兩地,陳豪亦不忘利用隔離期間嘅空閒時間黎陪伴仔女。早幾日,陳茵媺就喺IG發佈咗一張三個小朋友同陳豪隔空玩「過三關」嘅照片,一家人嘅感情真係十分之好~

陳茵媺IG
Photo from 陳茵媺IG

但就有網民喺留言度問點解陳豪喺隔離期間依然戴住口罩,而陳茵媺就代佢解答話因為佢覺得咁樣比較安全。其實喺酒店隔離都唔一定係安全,始終酒店嘅中央冷氣系統係有可能會增加感染嘅風險。呢個行為令唔少網民都不禁讚陳豪真係防疫意識好高,為咗唔想將病毒傳染比家人而長期戴口罩,真係廿四孝好爸爸同好老公!

 陳茵媺IG
Photo from 陳茵媺IG

其實陳豪一直都做足曬所有防疫嘅措施,喺舊年11月嘅《萬千星輝賀台慶》佢就堅持戴口罩出席活動,淨係需要影相嘅時候先除落黎。當時佢就話明白其他藝人因為妝容而唔戴口罩,但佢直言要保障妻兒嘅安全,寧願犧牲少少去換黎更加大嘅保障。

TVB
Photo from TVB

喺今年年頭所舉辦嘅《萬千星輝頒獎典禮2020》,電視台就派發透明口罩比所有藝人,等佢哋可以露臉上鏡。然而,陳豪因為擔心安全問題而無選擇戴透明口罩,成為咗唯一一個戴住外科口罩上台嘅藝人。陳豪亦曾經講過因為工作佢接觸嘅人太多,所以係屋企瞓覺都會戴住口罩,果然係大家公認嘅「居家好男人」!

TVB
Photo from TVB

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

《萬千星輝2020》陳豪全場唯一戴醫用口罩!堅持拒用透明口罩獲讚防疫意識高

11 Jan 2021

萬千星輝頒獎典禮2020》上全場藝人都戴上透明口罩,唯獨陳豪堅持戴醫用外科口罩!佢早喺台慶已經戴醫療口罩,更直言寧願犧牲樣貌換安全,為保妻兒健康同大眾著想。獲讚防疫意識高!

廣告
廣告

《萬千星輝頒獎典禮2020》得獎名單出爐,王浩信再奪視帝感謝Yoyo時,陳自瑤表情成為全晚話題,當晚仲有一件事值得大家留意。

《萬千星輝頒獎典禮2020》得獎名單出爐,王浩信再奪視帝感謝Yoyo時,陳自瑤表情成為全晚話題

陳豪亦有份角逐視帝,不過佢唔算大熱,但仍然成為焦點,全因佢係全場唯一一個藝員堅持戴醫用口罩!

陳豪亦有份角逐視帝,不過佢唔算大熱,但仍然成為焦點,全因佢係全場唯一一個藝員堅持戴醫用口罩

喺頒獎禮開始前,馮盈盈有特登提到大台採取嘅防疫措施,指全部藝人都會戴上透明口罩,不過其實呢款透明口罩並唔夠貼面,防護性唔算高。

全部藝人都會戴上透明口罩,不過其實呢款透明口罩並唔夠貼面,防護性唔算高

陳豪由行紅地氈開始就已經係戴醫用口罩,到頒獎禮時,不論開場定坐喺台下都全程戴住外科口罩,防疫意識極高!

頒獎禮時,陳豪不論開場定坐喺台下都全程戴住外科口罩

上月台慶陳豪都有戴醫用口罩,佢當時表示擔心安全問題,寧願犧牲樣貌換嚟安全,又指自己戴口罩唔單單為自己,亦係為保妻兒健康同大眾著想,因為一個中(新冠肺炎)嘅話就會連帶爆落去,呼籲大家唔好掉以輕心。

上月台慶陳豪都有戴醫用口罩,佢當時表示擔心安全問題,寧願犧牲樣貌換嚟安全

陳豪指自己戴口罩唔單單為自己,亦係為保妻兒健康同大眾著想

陳豪無懼他人目光,堅持戴口罩保護自己、保護他人,呢種意識值得肯定!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook