彭于晏媽媽一招破解千年「男人矛盾」難題　婆媳同時跌落水原來可以咁化解？

台灣男神彭于晏唔止有俊俏外貌同健碩身型外，仲係圈中出晒名嘅孝順仔不時都會帶媽媽四圍去玩同喺社交網大晒兩母子合照。而喺尋日三八婦女節，佢當然都有發長文公開表揚媽媽喇，仲同大家化解咗一個世紀難題添！

彭于晏喺 IG 上傳多張同彭媽媽喺台灣出遊時影嘅相，佢留言大讚媽媽開明、大方，並寫了表示媽媽喺國際婦女節依日幫大家解決咗困擾男人千年嘅難題「阿媽同老婆跌落水會救邊個」，相信係唔少男士嘅福音嚟呀！

彭于晏指佢媽媽一早就傳咗一篇文章畀佢，文中係講一位婆婆為免兒子難做，決心學識游水嘅故事，佢喺故事嘅最後表示：「折磨全世界男人的千年難題，終於被偉大的母親破解啦！ 媽媽最偉大! 」

彭于晏依篇文章喺網上發布唔夠 1 日，就已經有超過 8 萬人 Like，睇嚟唔少 fans 都好鍾意以個答案喎！

有 fans 更留言大讚彭媽媽好可愛「彭媽媽好棒???」、「好想叫你媽媽一聲婆婆」、「你媽媽缺媳婦嗎？我盡量不掉水裏。」

而彭于晏除咗出 post 大讚媽媽外，佢仲喺 story 中上傳自己小時候同媽媽嘅合照，相中嘅佢真係好得意呀！

唔知下次彭媽媽又會幫大家解決咩問題呢？

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

余文樂與「第三者」約會　彭于晏留言恩愛放閃

30 Nov 2020

余文樂同彭于晏感情一直好好，余文樂經常 post 兩人嘅合照。早前兩人就喺台灣相約一齊飲咖啡，余文樂 post IG，彭于晏仲留言曬恩愛放閃！

Photo from lok666@IG

彭于晏一直被網民視為係余文樂同王棠云之間嘅「第三者」，兩人感情非常好，彭于晏生日嘅時候，余文樂喺社交平台發文表示：「你永遠都是我的好男友」，配上兩人帥氣嘅合照，非常 sweet～就連兩人視頻通話時，余文樂都要 cap 圖發文～

Photo from lok666@IG

Photo from lok666@IG

Photo from lok666@IG

余文樂升級成為爸爸之後，都 post 過兩人同兒子 Cody 嘅合照，仲表示彭于晏係「真正背後的媽媽」，滲出陣陣濃烈嘅「bromance」味道～

Photo from 余文樂微博

之後余文樂又再次 post 三人嘅合照，余文樂抱住兒子，彭于晏就合埋眼，同 Cody 面貼面，網民搞笑留言話係「一家三口」，睇嚟呢個「第三者」上位非常快～

Photo from 余文樂微博

早前余文樂彭于晏又合體，兩人喺台灣相約一齊飲咖啡，余文樂發文：「Coffee time」，相中彭于晏依偎喺余文樂胸膛，笑得好開心，彭于晏更留言三個豬豬 emoji，曬恩愛放閃！

Photo from lok666@IG

Photo from lok666@IG

兩人嘅兄弟情真係令人非常羨慕，就連余文樂老婆王棠云都曾經話自己只係「代理孕母」，似乎承認咗彭于晏喺余文樂心中嘅地位，非常搞笑～

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）