陳冠希余文樂為阿嬌爭吵、馮盈盈江嘉敏關係依然尷尬?!盤點娛樂圈7對由朋友變陌生人藝人

陳冠希余文樂為阿嬌爭吵、馮盈盈江嘉敏關係依然尷尬?!盤點娛樂圈7對由朋友變陌生人藝人

生活熱話 娛樂新聞
By Stephanie on 06 Oct 2022
Digital Content Writer

正所謂「人多就自然是非多」,過去圈中亦有唔少藝人因為唔同嘅原因而反目成仇,有啲甚至曾經係好朋友但最終都絕交收場,大家又知道幾多個呢?我哋而家就一齊嚟盤點下娛樂圈由朋友變「陌生人」嘅藝人啦~

馮盈盈IGPhoto from 馮盈盈IG

1. 馮盈盈+江嘉敏

呢排最出名嘅一定係呢一pair,佢哋嘅關係因為一個富豪船P而令佢哋嘅友誼破裂。上年5月,江嘉敏同啱啱回復單身嘅馮盈盈就被拍到去何猷亨嘅船P玩,有傳馮盈盈想釣金龜。馮盈盈就立刻話係透過江嘉敏先會出席呢個船P,而江嘉敏亦隨即反駁話係馮盈盈帶埋佢一齊去船P先認識。大家各有各講,令佢哋兩人嘅感情大受影響。之後,江嘉敏仲喺IG公開咁暗串對方講大話,將所有矛頭指向馮盈盈。

江嘉敏IGPhoto from 江嘉敏IG

江嘉敏IGPhoto from 江嘉敏IG

上年佢哋曾被大台安排要一齊主持節目《解構心機女》,強制要佢哋兩個和好。雖然佢哋就po曬合照,好似已經和好如初咁,但大部分嘅網民都認為佢哋只喺表面上和好。而喺最近嘅大台亮燈儀式中,有眼利嘅網民發現二人雖然企得好近,但就完全零交流。

江嘉敏IGPhoto from 江嘉敏IG

2. 陳冠希+余文樂

陳冠希同余文樂曾經一齊合作多套電影,包括有《頭文字D》同《無間道》,亦因此而成為朋友。但就有傳佢哋兩個因為當時同時追阿嬌而傳出不合,仲差啲喺頒獎典禮後台大打出手,令佢哋嘅關係變得更加差。

 陳冠希IGPhoto from 陳冠希IG

余文樂FBPhoto from 余文樂FB

喺2017年,有位知名嘅服裝設計師就喺IG po咗余文樂品牌Madness嘅外套,但就引嚟陳冠希喺留言度諷刺「fell sorry for u bro/but everyone need to make a living」.而余文樂亦都喺自己IG po 咗一張反擊嘅照片,上面嘅字寫住 「The Best Revenge is Massive Success.」,利用IG展開隔空對罵。

IG@GodfreykwanPhoto from IG@Godfreykwan

喺2019年,陳冠希就為佢嘅自創品牌而同網民鬧交,期間仲一度公開數落余文樂嘅品牌,話自己嘅品牌CLOT係高檔好多,絕對唔會同佢哋合作。

陳冠希IGPhoto from 陳冠希IG

3. 莊思敏+王宗堯

喺2015年,王宗堯酒喺Facebook度暗指有演員只係為錢同埋唔專業,就話「如果你為出鏡曝光就咩都做,你只不過係去襯...如果你為數字而拍戲而不是為真正的用心去表演,咁你同老臨有咩分別? Right cast is more important! Show some respect to Hong Hong movies...」而種種特徵都將矛頭指向當時同佢合作兩套電影嘅莊思敏。而女方以不甘示弱,即時喺自己嘅Facebook反擊「如果工作是等於唔尊重工作咁我祝你無工開啦。」,形成咗一場隔空嘅罵戰。當時,罵戰非常激烈導致佢哋兩個嘅老闆忍唔住出手平息事件。

王宗堯FBPhoto from 王宗堯FB

莊思敏FBPhoto from 莊思敏FB

之後,莊思敏就喺出席活動嘅時候爆喊咁話就算以後喺公司見到王宗堯都會當見唔到。

莊思敏FBPhoto from 莊思敏FB

4. 鄧紫祺+JW

鄧紫祺同JW 本身係好朋友,不過自從鄧紫祺同現任造型師男友Mark拍拖之後,兩人就疏遠咗。事關Mark以前曾經同JW有過一段情,而佢哋兩個分手嘅時候,Mark就有喺IG暗指JW因為貪錢移情別戀,睇嚟分手嘅時候並唔和諧。唔知鄧紫祺會唔會係想用行動撐男友而同JW疏遠呢?

MarkIGPhoto from MarkIG

JW IGPhoto from JW IG

5. 林穎彤+吳若希

2017年,林穎彤同埋吳若希一齊合作拍攝《終極街頭魔法王》嘅宣傳活動,而事後吳若希就喺IG po 活動當日嘅照片,當時網民們就用一啲比較羞辱嘅留言去鬧吳若希。但就喺某一個惡意留言下面,竟然有人點讚,而嗰位就係一齊出席活動嘅同門師妹林穎彤。當時就令網民猜測佢哋兩個因為爭上位而鬧不和,儘管林穎彤有出面澄清係因為手滑,但網民都唔係好相信去會喺眾多留言當中點錯呢個比較羞辱嘅留言!

吳若希IGPhoto from 吳若希IG

6. 陳瀅+劉佩玥

陳瀅同劉佩玥兩個以前一直都係「孖公仔」,成日喺網上po合照,感情非常好。但有傳自從劉佩玥同周志文拍拖之後,兩人嘅關係就開始變。事關陳瀅驚好姐妹墮入當時形象花心嘅周志文手仲,所以就不停勸佢要諗清楚。可惜,劉佩玥最終選擇愛情,令二人感情開始疏遠。以前佢哋成日都會同何雁詩等人一齊聚會,但睇返而加嘅合照劉佩玥多數都無現身。

陳瀅IG Photo from 陳瀅IG

廣告
廣告

陳瀅IGPhoto from 陳瀅IG

不過近日兩人因為合作電視劇《美麗戰場》而破冰成功!二人都分別喺IG帳號上載姐妹照,關係重修舊好,再度做返好姐妹喇~

陳瀅同劉佩玥近日因為合作拍攝《美麗戰場》而變friend返~Photo from 劉佩玥IG

陳瀅早前仲上載一齊著泳裝嘅照片!Photo from 陳瀅IG

7. 吳雨霏+楊愛瑾

香港女團始祖Cookies嘅成員們直到宜家都關係好好,不過喺2016年有傳吳雨霏(Kary)當時意外失去BB,當時只係得身邊少部分嘅朋友知情,但消息卻意外曝光,令Kary覺得被出背叛,自此同Miki絕交!其後嘅「餅碎」聚會中都從來冇同時出現過,令大家都猜測當時洩漏秘密嘅可能就係Miki?!

過往4位「餅碎」關係超好,成日一齊聚會Photo from Stephy IG

直到2016年,Kary同Miki疑似絕交後,二人就並冇再同場出現過!Photo from Stephy IG

直到今年6月,前Cookies成員Gloria舉辦婚宴,二人事隔5年首度同場為好姐妹送上祝福!雖然佢哋都有到場,但就並未有一齊合照,據悉當時主人家亦安排佢哋分開枱坐,避免令二人尷尬。

今年6月,二人罕有地同場出席好姐妹Gloria嘅婚禮!Photo from 區文詩IG

不過二人並未有一齊合照Photo from 區文詩IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

謝安琪約滿麥浚龍公司離巢!屢傳與Juno不和終結束3年合作關係

6 Jan 2021

謝安琪(Kay)入行16年,2017年簽約麥浚龍(Juno)旗下幻國文化娛樂,合作3年終約滿離巢。阿Kay工作聯絡資料亦已更改,早前與Juno屢傳不和,兩人雖否認傳聞但最終仍未有續約。

謝安琪(Kay)入行16年,換過好幾間唱片公司,直至2017年簽約至麥浚龍(Juno)旗下幻國文化娛樂,同任唱片公司同經紀公司。

謝安琪(Kay)入行16年,2017年簽約至麥浚龍(Juno)旗下幻國文化娛樂

阿Kay簽約Juno後,兩人合作推出一系列作品,為期三年嘅音樂企劃。

阿Kay簽約Juno後,兩人合作推出一系列作品

不過近年阿Kay屢傳與Juno不和,先係阿Kay喺演唱會上率先唱新歌未有知會Juno,令Juno要公開向所有受影響人士致歉。之後阿Kay更unfollow埋Juno Instagram,不和傳聞甚囂塵上。

近年阿Kay屢傳與Juno不和

有指阿Kay獲邀請代言修身產品,但因為遲遲未減到肥令廣告商不滿,最終連累公司損失7位數收入。

有指阿Kay獲邀請代言修身產品,但因為遲遲未減到肥令廣告商不滿,最終連累公司損失7位數收入

兩人雖然否認有不和,但阿Kay直言同Juno工作以外嘅話題較少,但一直都有交流。

兩人雖然否認有不和,但阿Kay直言同Juno工作以外嘅話題較少

早前阿Kay更改工作聯絡資料,佢向傳媒表示同幻國文化娛樂嘅合約已經完結,暫時未有新的動向。佢亦喺IG發長文感謝fans 16年嚟嘅支持:「前路如何,彷彿言之尚早,只想衷心祝願,我們情誼不老」


在 Instagram 查看這則貼文

Kay Tse 謝安琪(@kaytse)分享的貼文

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel