
岑麗香晒價值近$10萬勞力士被網民笑戴錯錶:Rolex唔係用嚟睇時間

早前宣佈懷上第二胎嘅岑麗香喺IG post出近照,著藍色連身裙嘅佢狀態好好,完全無浮腫,四肢依然纖幼。

不過比起佢fit爆身型,手上嘅配飾更為搶鏡!岑麗香戴咗Cartier手鐲,價值$35,400!另外仲有勞力士潛水錶,官方參照零售價為$71,300,不過市價已超過$10萬!



但有細心網民發現香香竟然將隻錶倒轉咗嚟帶:「成功表達Rolex唔係用黎睇時間」,又有網民「錯重點」指佢戒指戴咗喺尾指,竟然問佢係咪離咗婚?!


其實岑麗香自從嫁咗比強強後已安心做人妻,喺IG嘅日常照都睇到佢行頭大升呢!

一張自拍已有Cartier、勞力士、Chanel,Chanel經典款手提包,價值$8,500。


另外仲有價值$45,500嘅LV PETITE MALLE手袋;Chanel手袋,逾$40,000。




睇嚟香香結咗婚真係成為幸福少奶奶,不過以香香級數,佢都集中孭一兩個名牌手袋,頗為低調。
Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)
更多相關文章
回顧岑麗香靚樣進化史!雙眼變精靈有神!素顏竟有混血feel!
3 Feb 2021
36歲嘅岑麗香宣布懷上第二胎!由華姐冠軍到幸福靚媽,岑麗香越嚟越靚,佢亦不時喺IG post出靚相,同佢學生相同初參選中華小姐嘅照片比較,岑麗香眼睛變得更加精靈有神,包包面亦變瘦成瓜子臉。

36歲嘅岑麗香喺溫哥華成長,學生時期有啲baby fat,染咗一頭金毛,眉型亦畫得好幼。
佢於2010年參選國際中華小姐,成功奪得冠軍後入行。




入行後即備受力捧,喺2012年參演咗《怒火街頭2》、《巴不得媽媽...》、《大太監》3套劇,於《巴不得媽媽...》中飾演「香香公主」一角,開始為人熟悉。喺2013年《萬千星輝頒獎典禮》上,岑麗香亦奪得「飛躍進步女藝員」。


之後佢主演過多套TVB劇集,包括時裝劇《衝上雲霄 2》、《On Call 36小時 2》、《華麗轉身》;古裝劇《醋娘子》、《無雙譜》等。主演《無雙譜》令佢首度獲提名「最佳女主角」。




到2016年,岑麗香宣布同男友「強強」結婚,2018年懷孕,生下仔仔Jacob,升呢做幸福媽媽。


2018年,香香約滿TVB離巢,簽約王祖藍經紀公司,不過未有立即復出,仍專注家庭,佢不時喺IG post出靚相,更大方公開素顏,超近鏡下帶有一啲混血感覺。


舊年佢久違接拍《BB來了》續集,再出現幕前,亦有出席《香港小姐競選2020》,狀態大勇。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)