熊黛林孖女無緣與郭富城大女做同學！未能原校直升K1 轉讀「幼稚園界哈佛」竟然係因為呢個原因？

娛樂新聞

By Jennifer on 18 Mar 2021

Digital Editor

熊黛林一對孖女Kaylor、Lyvia同郭富城嘅大女Chantelle本來喺銅鑼灣名校讀學前班，不過近日有消息指熊黛林嘅孖女轉去第二間學校升K1，無緣與郭富城大女做同學。

Photo from 熊黛林微博

天王郭富城2006年與參演MV嘅熊黛林傳出緋聞，戀情持續到2013年先正式分手，而熊黛琳2014年與郭可盈細佬郭可頌拍拖，2016年結婚，更誕下一對孖女Kaylor同Lyvia。

Photo from 熊黛林微博

而郭富城2017年同內地網紅方媛結婚，育有大女Chantelle、細女二寶。城城大女Chantelle同熊黛林孖女今年都3歲，已經到咗讀幼稚園嘅年紀。

Photo from 方媛微博

原來兩人嘅女兒都喺銅鑼灣維多利亞幼稚園返學前班，而郭富城大女Chantelle順利原校直升到K1，熊黛琳嘅孖女最終則未能原校升讀。

Photo from 方媛微博

有指係校方考慮到郭富城與熊黛林嘅尷尬關係而決定，但熊黛林嘅孖女最終入讀寶山幼兒園K1。

Photo from 熊黛林微博

寶山幼兒園有「幼稚園界哈佛」之稱，一年學費超過$12萬，甚至比銅鑼灣維多利亞幼稚園更難入，所以有可能係熊黛林夫婦想為女兒們轉校。

Photo from 熊黛林微博

其實依家佢哋都各自有幸福家庭，就算見到面都唔一定會尷尬。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

熊黛林雙胞胎顏值差距大，網民：完全唔似樣！究竟似爸爸定媽媽？

8 Mar 2021

名模熊黛林（Lynn）自出道以嚟一直係唔少人心目嘅女神，而佢喺 2016 年時同郭可盈嘅弟弟郭可頌結婚後，便淡出幕前，直到 2018 年更誕下一對可愛雙胞胎 Kaylor 和 Lyvia，重心轉移到家庭嘅佢都冇忘記一班粉絲，佢不時都會喺社交平台分享生活點滴，當然晒得最多就梗係佢一對雙胞胎喇！

早前有網友就為雙胞胎嘅妹妹 Lyvia 抱不平，指姐姐 Kaylor 完美承傳咗名模媽媽嘅好基因，而妹妹就似爸爸郭可頌，仲話佢哋係唔公平嘅遺傳嚟！

唔少人對雙胞胎嘅印象就係兩個小朋友會勁似樣，但其實雙胞胎有分為「同卵雙胞胎」同「異卵雙胞胎」，「同卵雙胞胎」嘅兄弟姐妹長相、外型都會好相似，而「異卵雙胞胎」嘅兄弟姐妹就因為由獨立胚胎衍生而成，所以長相同外型都會有少少差別。因此熊黛林嘅一對雙胞胎正正就係「異卵雙胞胎」嚟！

名模出身嘅熊黛林無論身高、骨架定五官都有絕對嘅優勢，但一對雙胞胎就唔係完全承傳到媽媽的好基因喎。

姐姐 Kaylor 擁有一雙水汪汪的大眼睛以及精緻五官，而妹妹 Lyvia 嘅眼睛相比下就冇姐姐咁大，但明顯對單眼皮。兩姊妹就只有鼻子最相似，無論大小或鼻型都幾乎一樣。

雖然唔少人都覺得 Kaylor 嘅外形較得人歡心，但對 Lynn 嚟講，兩位都係佢嘅心肝寶貝，所以絕對唔會「大細超」！

而不少網民亦認為完全睇唔出佢哋係雙胞胎嚟：「完全睇唔出係雙胞胎，一個似爸爸，一個似媽媽，倆姊妹一啲交集都冇。」、「哈哈，佢地係我見過最假嘅雙胞胎，只能說姐姐更識遺傳！」、「其實妹妹都幾可愛，但是難免會被姐姐光環掩蓋」

不過兩姊妹現時嘅顏值雖然係有啲差距，不過女大十八變，依家佢哋先得幾歲人仔，遲啲再大啲嘅時候五官、氣質就會唔同，顏值亦會有所改變，話唔定到時妹妹 Lyvia 又會畀人另一種美呢～

Text: HolidaySmart Editorial

郭富城老婆罕晒3歲大女正面　五官輪廓精緻似足方媛細個！獲網民激讚：未來大美女！

16 Mar 2021

天王郭富城（城城）與方媛（Moka）婚後先後生咗大女 Chantelle 同細女 Charlotte，不過城城對家人向來非常保護，除咗佢同方緩外，佢哋至今亦絕少畀兩個女兒嘅樣曝光。

而喺日前 Moka 喺 IG 上傳咗一段大女 Chantelle 畫畫嘅片，唔知係咪因為早炒嘅關係，今次佢就冇遮到就 Chantelle 嘅樣，但從片中亦可清楚睇到 Chantelle 嘅正面樣子，雖然今次並唔係佢首次公開，其實 Moka 喺去年 8 月慶祝生日時，就首次公開大女 Chantelle 嘅正面，今次可以算係第二次，但依然引起一眾網民關注。