朱智賢成功解凍出席新劇活動 廖慧儀無了期停工變瑜珈導師

要講朱智賢同廖慧儀兩個人嘅共同點，應該就係佢哋都因為感情嘅問題而被電視台雪藏緊。不過，近日就朱智賢就貌似有機會「解凍」有份出席電視劇嘅宣傳活動；然而廖慧儀就因為無工作，喺IG度幫自己宣傳做私人瑜珈教練，今次真係一邊歡喜一邊愁！

Photo from 廖慧儀IG

朱智賢係2020年嘅4月被爆同有婦之夫黎振燁喺車廂幽會，而當時黎振燁嘅妻子係懷孕中，事件爆出之後引來網民嘅責罵！事後，朱智賢就同男友謝東閔嘅記者會公開道歉，而電視台亦對朱智賢嘅誠意道歉感到滿意，所以並無完全放棄佢。

Photo from 朱智賢IG

Photo from TVB

事隔一年，朱智賢獲安排可以參加新劇《愛美麗狂想曲》宣傳活動。雖然佢嘅表現得比較拘謹，但佢就表示有得參加活動已經好感動好開心，知道身邊有好多人幫佢。

Photo from 朱智賢IG

當被問到有份出演《愛美麗狂想曲》嘅人夫黎振燁時，佢就避開問題，話自己而家只會向前望，唔會再提往事！

Photo from 朱智賢IG

而廖慧儀喺2020年嘅10月就被男友Sam喺IG話佢因為結識新歡孔德賢而同佢分手。由於佢喺參選香港小姐嘅時候已經好多是非，所以大批網民都喺佢IG鬧佢！後來，前男友Sam更加因為為情所困而輕生，而電視台就隨即取消原先安排比廖慧儀嘅工作。

Photo from 廖慧儀IG

Photo from 孔德賢IG

喺今年情人節，廖慧儀疑似失手將佢同孔德賢去露營嘅合照放做出嚟，雖然佢好快就del咗，不過網民亦已經廣傳圖片。其實佢哋兩個已經唔係第一次被網民發現一齊出外，佢哋有兩張嘅行山照片嘅天空同背景都非常相似！但事後，孔德賢就話同對方已經無聯絡好耐。

Photo from 廖慧儀IG

Photo from 孔德賢IG

咁多事情堆積埋一齊，網民對佢嘅印象依然唔太好，所以睇怕電視台都唔會咁快恢復佢嘅幕前工作喇！面對住復工遙遙無期，本身就有做開運動嘅佢就唯有開瑜珈班幫補下家計啦。

Photo from 廖慧儀IG

正所謂同人唔同命，會唔會被「解凍」其實都好睇電視台比唔比機會，所以廖慧儀唯有再等多排先啦！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

廖慧儀情人節同孔德賢去露營？被網民揭破急Del相！ 二人蜜會時間表一覽

16 Feb 2021

「狂野空姐」落選港姐廖慧儀被爆暗撻孔德賢而與男友分手，之後舊愛Sam不幸輕生。雖然廖慧儀同孔德賢齊齊潛水避談事件，但早前兩人喺IG post出相似嘅相，被細心網民踢爆。喺情人節當日，廖慧儀更大晒同孔德賢疑似露營合照，疑繼續發展地下情。

Photo from 廖慧儀IG

落選港姐廖慧儀有「狂野空姐」之稱，雖然三甲不入，但新聞不斷，有指佢暗撻《後生仔傾吓偈》前主持孔德賢而狠飛男友Sam，事後Sam更公開叫孔德賢唔好再搵佢女朋友，點知之後廖慧儀即與Sam分手。

Photo from 孔德賢IG

Sam不甘「被分手」，喺IG以千字文控訴女友入行後性情大變開始無視自己，而廖慧儀亦反擊稱前男友其實係恐怖情人，大爆前度曾騷擾跟蹤、以死要脅佢。

Photo from 廖慧儀IG

而疑似第三者嘅孔德賢就堅決否認同廖慧儀拍拖，稱兩人只係朋友關係，從來無追求過對方。

Photo from 孔德賢IG

上年12月，Sam不幸輕生，廖慧儀同孔德賢受千夫所指，隨即潛水神隱，唔再回應。不過無幾耐就恢復返喺IG度更新生活近況。

Photo from 廖慧儀IG

情人節當日廖慧儀竟大晒同孔德賢疑似露營合照！相中兩人動作一致，相當有默契，不過唔知係咪發現自己post錯相，幾分鐘廖慧儀急急Del返張相，但已有網民手快cap圖。

Photo from 廖慧儀IG

事後兩人表示係朋友聚會舊相嚟，同場有其他朋友，不過喺咁特殊嘅日子post出呢張相亦難免令人懷疑。

Photo from 廖慧儀IG

Photo from 孔德賢IG

不過「洩密」事件並非首次，兩人之前試過喺IG post出相似嘅相片，有網民猜測佢哋轉轉為發展地下情。

Photo from 廖慧儀IG

早前有網友發現廖慧儀同孔德賢疑似一齊行山，原來廖慧儀post出石澳龍脊嘅打卡照，而孔德賢雖然未有寫明喺邊行山，但兩人打卡照嘅背照都非常相似！

甚至連天空嘅「層狀雲」都係一樣！就算佢哋post相嘅日期相隔幾日，仍引起網民疑心。

Photo from 廖慧儀IG

Photo from 孔德賢IG

兩人雖然繼續否認戀情，但近日疑再度post相洩密，廖慧儀IG Story post出佢煮緊龍蝦，孔德賢則係炒蘿蔔絲。有眼利網民觀察到兩人IG Story中嘅爐具、枱面紋理都非常相似，懷疑兩人齊齊「煮飯仔」，事後孔德賢仲del咗個IG Story。

Photo from 廖慧儀IG

Photo from 孔德賢IG

事後del相似乎有啲欲蓋彌彰，兩人究竟有無一齊真係見仁見智。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）