馮盈盈囂張回應「釣金龜」傳聞　連林盛斌都忍唔住話：霸氣！

近年港姐馮盈盈可以話係是非多多，更有「緋聞女王」嘅封號添！而佢自跟前度分開後，經常被拍到有唔少疑似戀情，而喺被爆現身賭王公子何猷亨嘅船P後，佢隨即被標上「釣金龜」嘅標籤添。雖然佢之前已經澄清過，似乎仍未撇甩標籤。

馮盈盈向來作風大膽，不時都會語出驚人，而且活躍於社交平台，經常 Post 靚相，擄獲唔少粉絲。

佢自從被爆出與賭王四房兒子何猷亨「船P」後，又「突然富貴」搬大屋，因此隨即被標籤上「釣金龜」。不過雖然佢曾為自己澄清指自己行得正企得正，而且全身物品都係靠自己努力賺錢買嘅。

而喺今年初，馮盈盈更被影到與西裝男約食飯，並豪食米芝蓮餐廳 $3,000 蚊嘅午餐，而對方仲好有紳士氣風度埋單，因而被指搭上富貴男，雖然佢後嚟有解釋指自己有送番條貴過餐晏嘅名牌絲巾作回禮，但依然撇唔甩依個標籤。

早前，馮盈盈就連同方力申、陳自瑤齊齊現身接受《師父有請》訪問，盈盈再次大方回應傳聞，更霸氣表示自己總是惹有錢人埋身，令眾嘉賓愕然。

喺新一集預告中，佢被麥玲玲師傅問到係咪「釣金龜」時，佢就十分霸氣自辯：「我想講，淨係啲有錢（人）上嚟搵我，我都無辦法㗎。」

佢講完之後，仲要擺出一副無奈又囂張嘅表情，即時引來全場嘩言，就連主持人林盛斌都忍唔住話：「霸氣!霸氣!」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

馮盈盈恨同姜濤/林德信拍戀愛真人騷　波波被曾志偉多次點名讚！網民：有機會同馮盈盈看齊！

31 Mar 2021

早前 TVB 為新登場嘅綜藝節目舉行記者會時，因鄧智堅模仿姜濤一事引來網民嘅批評。雖然事後佢哋都有向粉絲道歉，馮盈盈更上傳合照自稱係「姜糖」，但一眾粉絲都拒絕接受道歉。今次佢仲話想同姜濤拍戀愛真人騷添！

而喺上一集《#後生仔傾吓偈》中佢哋就搵嚟曾志偉做嘉賓，其中後生女「波波」黃凱儀（Krysella）更多次獲曾志偉點名，又坐喺志偉身旁正中位置，成了全晚最得寵一位。

除咗一班後生仔喺節目中把握機會介紹自己外，馮盈盈同林穎彤作為主持人都十分踴躍表現自己，不過當陸浩明和馮盈盈打算開口時就獲志偉回應：「唔使啦！」

之後又直指自己喺馮盈盈參選華姐時讚錯對方，令唔少網民都覺得三位主持失寵，而波波正係上位之時，有機會同馮盈盈佢哋看齊！

而喺今集佢哋就繼續同曾志偉傾偈，席間曾志偉問眾人想搞咩綜藝節目時，馮盈盈即提議拍攝戀愛真人騷，類似韓國真人騷《我們結婚了》。

至於嘉賓方面，馮盈盈亦已有心目中人選，話：「娛樂圈應該共享，唔可以咁狹窄，可以搵公司以外嘅人，我已經有候選男藝人，你睇吓會唔會請到佢哋。我……想要林德信。」

之後又問曾志偉可唔可以係 Viutv 嘅藝人，喺得到曾志偉一聲話「得」後，盈盈即好似中頭獎咁，興奮表示：「我想要姜濤呀，可唔可以幫幫手？唔該。」志偉考慮後表示只能幫幫口。

雖然上次事件後佢自認係「姜糖」，但今次公開喺節目中咁講，隨即引嚟唔少粉絲注意，指佢唔好要再消費姜濤。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）