TVB大股東狠批「所有嘢都老化」建議加入內地年青創富故事 網民:更加冇人想睇!

TVB大股東狠批「所有嘢都老化」建議加入內地年青創富故事 網民:更加冇人想睇!

電視電影 娛樂新聞
ByCelia on 07 Apr 2021 Digital Editor

近年 TVB 嘅節目引嚟唔少話題,加上早前出任TVB集團副總經理及行政委員會特別顧問嘅曾志偉同首席創作官王祖藍相信將會帶嚟新一輪革新。而近日 TVB 大股東喺接受傳媒訪問時罕有狠批 4 大不滿!

TVB 大股東黎瑞剛近日接受傳媒訪問,罕有狠批 TVB 近年表現,更直言「不滿意,不滿意,非常不滿意!」,並指出其中 4 大問題:

1. 全面老化

黎瑞剛指 TVB 全台都趨向老化,離年青觀眾越嚟越遠,成個團隊都要有新陳代謝嘅機制,節目內容需要創新,唔可以日日教煮餸,佢建議可加入有創意嘅節目例如「內地年青人創富故事」有助啟發香港年青觀眾。

2. 決策失誤

自 TVB 與四大唱片反面,亦少有一線明星喺節目中出現。他慨歎以往台慶陣容鼎盛,當時香港最著名嘅巨星都會現身,但反觀近年卻變得封閉,剩係請自己人,自娛自樂,越做越細。佢又指 TVB 有責任重振香港文化創意產業。

3. 製作技術落後

黎瑞剛又稱而唔少內地節目製作人都係睇 TVB 長大,但依家唔少嘅製作技術及設備都已經較內地落後。雖然唔少內地平台都仲可以睇到 TVB 嘅節目,但都已經係數十年前製作,少有近年嘅新作。

4. 派系鬥爭

唔少老一輩嘅藝人都曾經講過 TVB 山頭林立,難以形成合力,而身為大股東嘅黎瑞剛當然都知道,更直言現時 TVB 正處於諸侯割據,無乜凝聚力,阻礙集團創新。佢更舉例指如果節目被幾個山頭控制,就會形成好似私人利益領地一樣。

最後覺得佢接示搵曾志偉、王祖藍回巢只係改革嘅第一步,因為佢覺得成個電視台已經係「沉到水底,再不改革救上岸,就沒了。」而除咗改革問題,黎瑞剛仲指 TVB 近年被網民狙擊,相關抵制廣告商行為屬「違法」,希望有關當局可以阻止。

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

曾志偉回歸即搞港版《這!就是街舞》? 王君馨舉手自薦望跳入大陸市場

10 Feb 2021

近年大陸唔少大型綜藝選秀節目如《這!就是街舞》、《熱血街舞團》、《蒙面唱將猜猜猜》等都大受歡迎,更吸引咗唔少香港人氣歌手參加。而近日正式以 TVB 高層身份回歸嘅曾志偉,早前就有消息傳出佢有意製作雲集中港兩地跳舞高手的嘅大型街舞節目,引嚟 TVB 一班跳家班嘅藝人都紛紛表示想參加。

66f01eb2jw1enxdnqnju4j20zk0np416

無綫高層樂易玲尋日喺出席活動時,就大爆以擔任副總經理兼行政委員會特別顧問身份回歸 TVB 嘅曾志偉早前已正式返電視城返工,並指佢一返工就即連開多個小時會議,就連吃晚飯時間也未能騰出,睇嚟之後,除咗可能有《獎門人》回歸之外,仲有唔少大型綜藝節目加入喎!

《獎門人》

而今日就有消息傳出指曾志偉回歸嘅重頭作就係雲集中港兩地跳舞高手嘅港版《這!就是街舞》。據知佢哋有意仿效大陸嘅人氣綜藝節目嚟吸引觀眾,藉此為 TVB 綜藝節目打開大陸市場。

《這!就是街舞》

消息傳出後,近年晉身歌舞界嘅王君馨(Grace)就即表示自己對所有關於跳舞嘅事都有興趣,但如果要跳街舞,佢就擔心因為自己嘅腳傷而跳唔到。

佢擔心自己嘅腳傷而跳唔到。

王君馨近年晉身歌舞界

而喺 2011 年參加過《舞動奇蹟》嘅黎諾懿直言自己骨頭脆,唔太敢參加。不過佢就大讚志偉嘅構思夠新鮮感。咁唔跳如果做評審佢又想唔想呢?!

2011 年參加過《舞動奇蹟》嘅黎諾懿直言自己骨頭脆,唔太敢參加。

不過一切暫時都只係傳聞嚟,唔知幾時會有正式公布呢?

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook