朱千雪出席LGBT性別平權研討會！律師look盡顯專業人士感覺！

朱千雪（Tracy）早前投身法律界，正式獲聘成為大律師。雖然佢少有喺幕前出現，但日前佢喺律師樓嘅工作照曝光，律師look令人有耳目一新嘅感覺！

Photo from 朱千雪IG

朱千雪結婚後漸漸淡出娛樂圈，律師樓官網更新咗佢嘅個人檔案，顯示朱千雪喺家庭及婚姻事務、土地等領域擁有豐富經驗。

Photo from 朱千雪IG

佢最近現身幕前，已經係《師父有請（Master's Talk）》同一班好姊妹討論感情問題。

Photo from 朱千雪IG

千雪BB近日喺律師樓參加咗有關LGBT性別平權嘅研討會，探討女同性戀者（Lesbian）、男同性戀者（Gay）、雙性戀者（Bisexual）、跨性別者（Transgender）嘅議題。

Photo from Denis Chang’s Chambers

喺律師樓嘅網頁有公開部分相片，朱千雪一身黑色西裝，同個人照嘅長髮唔同，朱千雪當日將頭髮紮成低辮，但招牌笑容仍然燦爛！

Photo from Denis Chang’s Chambers

Photo from Denis Chang’s Chambers

Photo from Denis Chang’s Chambers

雖然相片唔算清晰，但身為港姐嘅佢美貌依舊，罕見嘅律師工作照亦睇得出佢相當享受現職工作。

Photo from 朱千雪IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

朱千雪入行8年無人追！為老公拒拍性感/接吻戲 湯洛雯爆好友零追求者原因

9 Feb 2021

朱千雪、湯洛雯、岑杏賢、蔣家旻近日齊上節目《Master's Talk》（《師父有請》），大談另一半。久未露面嘅千雪BB指自己未有退出娛樂圈想法，不過要平衡家庭同事業兩方面。又自爆入行8年從未被人追過，靚湯篤爆好友無追求者嘅真相。

Photo from 朱千雪IG

朱千雪、湯洛雯、岑杏賢、蔣家旻同張嘉兒喺圈中獲稱「2Line黨」，不過靚湯就指佢哋群組名係「幸福公主」。

Photo from 朱千雪IG

出席節目嘅4位成員有3位都有另一半，上到節目亦大方談及感情事。朱千雪與青梅竹馬嘅醫生男友結婚，被問到覺唔覺得老公靚仔，千雪BB一時反應唔切，停咗3秒先答：「我覺得靚仔咪得！」

Photo from 朱千雪IG

佢又自爆自己入行8年嚟未曾被人追過，不過好姊妹湯洛雯即刻加把口篤爆背後原因：「我知點解，如果有人主動問佢攞電話，佢會答『你Send e-mail畀我啦』。」

Photo from 湯洛雯IG

比起「無人追」，似係朱千雪自己將追求者拒於門外，佢指自己唔係好中意識好多朋友，所以同自細認識嘅老公相處感覺最舒服，又安全，唔驚對方會呃佢。

Photo from 朱千雪IG

千雪BB又表示曾經同人合照完後，對方想問佢攞電話方便WhatsApp返張相畀佢，但朱千雪一句：「唔洗喇！張相你keep啦。」就拒絕咗對方。佢直言拍戲都無男拍檔嘅電話號碼，因為覺得無需要，要聯絡可以透過PA（助理編導）。

Photo from 朱千雪IG

朱千雪拍拖後，更會盡量拒絕拍性感戲、接吻戲：「如果可以唔需要就最好唔好。」佢表示對自己身材無自信，試過有場戲要扯爛件衫露膊頭，但佢認為自己又唔係瘦，露嚟都嘥氣，於是直接將入面件衫同外面背心縫埋一齊，只會見到少少膊頭：「怕被人cap圖話我手臂肥。」指如果自己有腹肌同40吋長腿就可能唔同講法。

Photo from 朱千雪IG

朱千雪又話好驚生BB，因為佢怕肥，睇嚟千雪BB真係好care佢身材！

靚湯都有被問到同馬國明嘅感情事，表示對於外界屢傳佢哋婚訊感到「有少少厭」，直言：「我女仔嚟㗎嘛！人哋都未求婚，咁我點答你啫？」又指如果訂婚一定會公開，所以大家唔洗再問。

Photo from 湯洛雯IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）