46歲吳彥祖回春再現男神樣！髮線後移但顏值依舊爆燈

吳彥祖（Daniel）啱啱出道時獲封「男神」，不過隨住年紀越大，男神都開始「崩壞」，髮線向上移，外貌更被指似大叔。近日有網民晒出同吳彥祖嘅合照，男神似乎回春，型佬味返晒嚟！

Photo from 吳彥祖微博

吳彥祖今年46歲，當年佢拍《美少年之戀》絕對迷倒萬千少女，一入行已經係一代男神，更係公認嘅美男子。

Photo from 《美少年之戀》

不過近年吳彥祖多次被拍到髮線後移，似有中年禿頭危機，加上外貌鬚根未剃，成個人顯得憔悴滄桑，似乎已經從男神變成大叔。

Photo from 吳彥祖IG

Photo from 吳彥祖IG

Photo from 吳彥祖IG

吳彥祖本人都曾經喺IG公開佢16歲時嘅舊照，更留言稱：「I wish I had all that hair back.（我想要返嗰陣時嘅頭髮！）」，睇嚟頭髮稀疏真係男人最痛！

Photo from 吳彥祖IG

不過近日有網友「野生捕獲」吳彥祖，並公開合照，大讚吳彥祖好nice好有禮貌！網友又指吳彥祖老婆Lisa S.都超有禮貌，身材又好、非常有氣質，戴咗口罩都感受到超模氣場。

Photo from 小紅書

吳彥祖雖然髮線都好後，但明顯個人精神好多，比起之前滄桑面容「回春」不少，就算網友用咗filter，都睇得出男神狀態唔錯～

Photo from 小紅書

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

吳彥祖《除暴》大方騷肌　為新戲密集特訓兼戒口！每日四餐都食雞胸肉

30 Oct 2020

香港男神吳彥祖同王千源、衛詩雅、春夏等人合作嘅電影《除暴》近日公開宣傳海報同劇照，相中可見吳彥祖同王千源半裸兼埋身肉搏，兩人神情都十分兇狠！而吳彥祖呢一身肌肉得來不易，可以話為電影 chur 到盡！

Photo from 《除暴》

《除暴》原名《限期破案》，呢部警匪電影改編至真實事件，講述 90 年代刑警鍾誠（王千源 飾）所帶領嘅警隊同張隼（吳彥祖 飾）所帶領嘅犯罪集團「老鷹幫」間嘅正邪之鬥，鍾誠同張隼幾年間互相較量，最後勢要決一死戰。

Photo from 《除暴》

Photo from 《除暴》

電影海報同劇照都見到兩位主演 fit 到漏嘅身材，除咗有埋身肉搏嘅畫面外，王千源仲有用槍指住吳彥祖個頭！

Photo from 《除暴》

Photo from 《除暴》

吳彥祖今次飾演嘅犯罪集團首領好容易會令人諗起佢 16 年前有份出演嘅《新警察故事》，當時佢都係飾演罪犯一員「阿祖」。吳彥祖就認為「張隼」比起「阿祖」兇悍得多，相信今次嘅角色會有所突破。

Photo from 《新警察故事》劇照

而吳彥祖仲為電影犧牲靚樣，剪咗個騎呢眉上瀏海之餘仲要配婁丘長髮，搞唔掂！

Photo from 《除暴》

為咗令自己更入型入格，吳彥祖拍電影嘅過程都好艱苦，佢透露拍戲期間唔單止連續 40 日唔可以食油炸嘢，仲要一日四餐都要食雞胸肉！吳彥祖仲要片場健身室兩邊走，邊拍戲邊進行密集訓練，所以先操得一身肌肉！

Photo from 《除暴》

呢部電影亦係導演兼編劇劉浩良繼處女作《衝鋒車》之後嘅新作，真係好令人期待！

Photo from 《除暴》

《除暴》下月27日就會喺中國大陸上映，至於香港嘅上映期則未公布。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）