Coffee林芊妤與老公甜蜜度過相識5週年紀念 霸氣回應網民惡意攻擊獲讚EQ高

Coffee林芊妤與老公甜蜜度過相識5週年紀念 霸氣回應網民惡意攻擊獲讚EQ高

娛樂新聞
By Celia on 16 Apr 2021
Digital Editor

近日政府就宣布放寬接種新冠疫苗年齡群組,更以放寬食肆人數限制嚟希望更多人打疫苗。而 4 月初喺網上透露不幸流產消息嘅林芊妤(Coffee),喺公開依個不幸嘅消息後網民對佢嘅惡意評論。依日 Coffee 更喺社交網中以千字文澄清並回應事件。不過近日佢嘅心情似乎並冇受到影響,更喺社交網上傳兒子「伯伯」同佢兩夫妻出去食飯慶祝相識5週年紀念嘅相。

Photo from coffee89921/IG

Photo from coffee89921/IG

Coffee 婚後與老公育有一子,不時都會喺 IG 大曬一家嘅溫馨生活合照,又會喺拍片喺 Youtub 教大家做瑜珈,事業發展越嚟越好!而除咗做 Youtuber 之外,佢仲有賣衫嘅,依日佢就上傳兒子「伯伯」喊晒口嘅相留言:「因為這個夏天我想出泳衣款式 所以最近都在忙於跟廠商開會 而他睡醒後 因為找不到媽媽又哭慘了 然後叫姐姐打視像電話給我 然後他又不肯掛線 然後我只好讓他看着我開會 然後他一直用😒眼神盯着我看 感覺像我在做壞事一樣 這個男人真嚴謹🤣」

Photo from coffee89921/IG

今日正正就係 coffee 同老公認識 5 週年嘅紀念日,佢就喺 IG 上傳佢同老公出去慶祝嘅相,仲話老公好緊張依一日,每年都一定要提醒佢要吃飯慶祝:「今天是我們認識第5個週年紀念 就是這晚他過來跟我say hi的 從始開始我們每天吵吵鬧鬧的日子......老公說這日子對他來說很特別 也在這日子遇上了我 所以每年也一定要提醒我吃飯慶祝 這比結婚週年重要得多了~」睇嚟 Coffee 已慢慢走出傷痛。

Photo from coffee89921/IG

但早前 Coffee 就突然喺網上指自己早前發現懷孕不久便自然流產,但她都以正面嘅心態面對:「這件事令我更珍惜兒子的存在,因為成為媽媽的過程是真的需要過五關斬六仗,媽媽們都是最捧的!」

而近日衞生署證實香港出現兩宗懷疑孕婦接種復必泰(BioNTech)疫苗後流產個案,令唔少人都打畀 Coffee,問佢係咪報導中嘅個案,亦有人喺網上討論區開 post 攻擊佢。

Photo from Coffee/FB

正正因為咁 Coffee 依日就喺社交網發千字文回應事件,文中提到佢係屬於唔夠12週嘅早期流產,佢打疫苗時係唔知自己有咗,亦因為佢要經常外出工作接觸唔同嘅人,為咗保護個兒子先去接種:「我在這裡再澄清一次吧,我屬於不夠12週的早期流產,所以並不是我。另外,生兒子後我一直在備孕,但因為一直也沒有任何消息我也開始認為自己是很難懷孕,在想放棄的情況下,收到可接種疫苗的消息其實只因為想好好保護兒子。」

Photo from coffee89921/IG

但當佢發現自己懷孕時亦開始流產,Coffee有諗過好多原因:「的確疫苗令免疫力改變有可能流產,但我屬於很早期的自然流產,也有可能是胚胎不健康,也有可能是因為我的工作壓力,也有可能是長期休息不足,也有可能是因為我曾經的婦女病種種的原因。」

Photo from coffee89921/IG

而佢同時亦不停怪責自己,不過後嚟佢諗通咗唔再深究、選擇好好休養心情後再接再厲。可是正當佢心情恢復咗少少之際,又有人畀咗網上批評佢嘅內容佢睇,幸好有人攻擊,亦有人雪中送炭,令佢變得更堅強。

Photo from 連登截圖

佢喺千字文中指因為討論區一些網民嘅言論令佢非常感觸,更附上留言截圖:「也許殘酷的世界中我們只專注到別人的攻擊,但令我感受最大的是雪中送炭的人,實在太感謝你們路見不平拔刀相助,同時也謝謝那些看我跌倒會笑的人,是你們令我變得更堅強。」

Photo from coffee89921/IG

最後佢更指:「但我也希望你們的另一半不會有我這經歷,因為這種身心的痛,真的是普通人不會明白,我也希望你們的人生能快樂些,不再將快樂建築在別人的痛苦上,願這世界更美好」並加上hashtag「#醜陋令我們更珍惜身邊人」

唔少網民睇到後都留言表示支持佢:「呢d言論直頭唔使睇,希望你身邊嘅人都唔好再send比你睇,同理心唔係人人有,流產係咩原因都好都無必要同其他人交代,加油」、「無論點都好,好好休息,養好身子再準備懷孕 唔好太介懷口賤既人,佢地無品佢地既事,但你要做自己 U r the role model of woman!」、「好欣賞你有勇氣將流產既事講出黎,發放正能量懶理比d無聊人大造文章,睇都最後有人寫粗口幫你平反,好大快人心」。更有網友喺論壇中開 post 讚佢 EQ 高添!

Photo from coffee89921/IG

廣告
廣告

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

Coffee老公被指買唔起樓!霸氣回應:我鍾意自己賺錢自己洗!幸福到不得了

22 Jan 2021

林芊妤(Coffee)Youtuber教大家做瑜珈,事業發展越嚟越好,佢又不時喺IG大晒家庭樂,一家三口好幸福!早前有網民喺佢IG下留言嘲Coffee老公窮,Coffee即霸氣反擊指自己幸福到不得了!雖然對方已刪除留言,Coffee仍再post長文護夫,激讚丈夫有好多優點。

林芊妤(Coffee)Youtube Channel訂閱數頗高,做Youtuber做得有聲有色,又有賣衫,事業發展非常順利。

林芊妤(Coffee)Youtube Channel訂閱數頗高,做Youtuber做得有聲有色Photo from 林芊妤(Coffee)IG

Coffee家庭亦相當美滿,經常喺IG大晒同老公、仔仔「伯伯」嘅家庭照,一家三口好幸福!

Coffee家庭亦相當美滿,經常喺IG大晒同老公、仔仔「伯伯」嘅家庭照Photo from 林芊妤(Coffee)IG

不過近日Coffee分享同仔仔嘅合照:「藍藍天空下,一邊擁抱工作一邊擁抱兒子😌」有網民留言指Coffee老公買唔起樓:「咁又係,袋鼠佬咁窮,savanna都買唔起,女人最怕嫁錯郎。」

近日Coffee分享同仔仔嘅合照:「藍藍天空下,一邊擁抱工作一邊擁抱兒子😌」Photo from 林芊妤(Coffee)IG

Coffee即回覆呢位網民:「雖然佢唔係香港人無車無樓,但佢愛我呀又有穩定職業」又指同老公一齊日日只有開心笑,從來都無傷心過。更霸氣指:「我有手有腳鍾意自己賺錢自己洗,我選擇愛情因為我有能力自己買麵包,重點,我而家幸福到不得了」

Coffee即回覆呢位網民:「雖然佢唔係香港人無車無樓,但佢愛我呀又有穩定職業」Photo from 林芊妤(Coffee)IG

呢名網友隨後刪除咗留言,但Coffee表示對方經常搵啲無聊嘢留言,當Coffee回覆佢又多人like嘅時候,對方就會delete message。

Coffee不甘丈夫被詆毀,喺IG post長文護夫,大讚老公係佢最崇拜、最尊重、最信任嘅人:「是他的真誠他的單純可愛,令我像活在另一個世界一樣,也是他令我重新相信愛情」

Coffee不甘丈夫被詆毀,喺IG post長文護夫,大讚老公係佢最崇拜、最尊重、最信任嘅人Photo from 林芊妤(Coffee)IG

佢表示老公雖然唔係最有錢嘅人,但為屋企付咗最大責任,令佢可以毫無顧忌向前衝。Coffee又話老公每次喺佢難過失落時,都有方法令佢開懷:「他不像以往的男友永遠寵着我,但他教會了我獨立自主,他永遠也很堅持自己的想法,活得比誰都瀟灑自在,從來都不被其他人說話影響」

Coffee表示老公雖然唔係最有錢嘅人,但為屋企付咗最大責任,令佢可以毫無顧忌向前衝Photo from 林芊妤(Coffee)IG

Coffee勁讚老公係最好嘅爸爸,對住仔仔眼中係滿滿嘅父愛,佢冧爆向老公示愛:「能嫁給他是我最大的福氣,讓我再次選擇我還是會選他,因為沒有他就不會有今天的我」

Coffee冧爆向老公示愛:「能嫁給他是我最大的福氣」Photo from 林芊妤(Coffee)IG

最後更霸氣指:「如果有任何人想誣蔑他,我會義無反顧的跟你對上☺️」成篇文超閃!胡杏兒都有留言:「So sweet ❤️」

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel