余思霆17歲台灣選美片惹微調疑雲！網民：感覺好似兩個人咁

最近返咗台灣拍攝節目嘅 2017 年華姐冠軍余思霆，雖然唔係香港，但佢亦冇忘記一班 fans，佢不時都佢喺 YouTube 同社交網上傳生活點滴，拍片大派福利。而近日網上就有網友翻出一段佢 2011 年時喺台灣參加《凱渥夢幻之星選拔賽》嘅片，引嚟微調疑雲。

Photo from 余思霆/IG

Photo from 余思霆/IG

余思霆現年26歲，喺台灣花蓮土生土長，喺 13 歲時移居美國紐約生活，因而培養出「鬼妹仔」性格。當年余思霆喺《國際中華小姐》決賽中憑花式溜冰嘅表現令評判眼前一亮，一舉獲得冠軍而入行。

Photo from 余思霆/IG

Photo from TVB

余思霆更曾指知道自己身材較受網民注目，因此佢不時都會靚相分享到社交網，正喺台灣工作嘅佢更經常拍片分享喺台灣嘅生活，大方以三點式造型大玩水上活動，絕不吝展示性感身段，大派福利，所以深受網民喜歡。

Photo from 余思霆/IG

Photo from 余思霆/IG

但近日就有網友翻出一段余思霆 17 歲時喺台灣參加《凱渥夢幻之星選拔賽》嘅片，片中同佢依家有明顯嘅分別，當年佢被指眼比較細，而且面圓圓，睇起嚟比較有肉，幸好身材纖瘦，所以感覺並唔肥。

Photo from 凱渥CATWALK/YT

不過對比依家較為精緻嘅眼大鼻高，感覺就好似兩個人咁，令唔少網民懷疑佢喺 2017 年代表紐約回流香港參加《國際中華小姐》前就曾經微調。

Photo from 凱渥CATWALK/YT

Photo from 凱渥CATWALK/YT

但當時人就解釋指自己曾經帶牙套矯正牙齒，所以令樣貌有輕微改變。至於係咪真係咁大變化，大家又不妨睇吓以下嘅片段對比吓喇！

Photo from 余思霆/IG

一齊重溫當年嘅水著片段：

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

馮盈盈同余思霆喺酒店房唔著衫周圍走！對方與男友faceTime即叫FYY迴避

09 Apr 2021

《後生仔傾下偈》新一集中馮盈盈就透露同余思霆選中華小姐時喺酒店房唔著衫周圍走，又大爆對方與男朋友faceTime叫佢迴避。

Photo from TVB

余思霆同馮盈盈係同一屆國際中華小姐，余思霆當年奪冠軍、亞軍係林宣妤、季軍係馮盈盈。

Photo from 余思霆IG

余思霆之前上《後生仔傾下偈》時透露選華姐當時同馮盈盈係室友。佢指馮盈盈一開始會喺房除淨bra同底褲先入去沖涼，後來就咩都唔著通房走，最後兩人更「玉帛相見」，一齊沖涼。

Photo from TVB

Photo from TVB

估唔到原來仲有後續！新一集《後生仔傾下偈》馮盈盈表示同朋友一齊經歷過事情就會變「真心朋友」，再提到余思霆同佢當年喺酒店房「唔著衫」事件。

Photo from 余思霆IG

Photo from 余思霆IG

馮盈盈指因為喺馬來西亞比賽，天氣好熱，佢同余思霆已發展到大家都唔著衫喺房走嚟走去，但當時余思霆夜晚會同男朋友faceTime，更要無著衫嘅馮盈盈迴避。

Photo from 余思霆IG

馮盈盈話：「佢同男朋友faceTime會叫我喺廁所唔好出嚟，我問佢做咩，佢話『你又無著衫，我faceTime緊，你著返件衫先啦！』」，由於佢哋兩人都係喺房咩都唔著，令人猜測余思霆都係無著衫同男友faceTime！

Photo from 馮盈盈IG

Photo from TVB

有指余思霆當時嘅男友就係天堂鳥成員Tyrese！

Photo from Tyres IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）