張敬軒自爆曾懷疑「遮遮」膳食好過自己 最難忘叫煮薑蔥雞腎:成碟嘢係綠色!

張敬軒自爆曾懷疑「遮遮」膳食好過自己 最難忘叫煮薑蔥雞腎:成碟嘢係綠色!

娛樂新聞
By Celia on 29 Apr 2021
Digital Editor

張敬軒(軒仔)早前不時喺 IG 同大家分享屋企嘅外傭姐姐「遮遮」日日準備嘅早餐,並封其為「早餐界KOL」,為網民帶來無限歡樂。不過原來軒仔都同唔少傭主一樣曾經懷疑過「遮遮」嘅膳食好過自己,近日佢更喺電台節目中大爆同「遮遮」相處嘅趣事。

Photo from 張敬軒/IG

近日軒仔在鄭裕玲(Do姐)主持嘅電台節目受訪時大談「遮遮」準備嘅「精美」又清淡嘅早餐背後原因。其實軒仔指「遮遮」之前係喺台灣照顧老人家嘅,所以大多煮「糊仔」等食物,而喺 Do 姐問到軒仔最近嘅早餐有沒有新菜式時,軒仔即笑言︰「都仲係嗰幾味!」

Photo from 張敬軒/IG

因而令 Do 姐好奇指回解唔幫「遮遮」報讀廚藝課程,不過軒仔就自爆曾經有公司問佢要唔要 sponsor 課程給「遮遮」︰「但係好老實講,我覺得因為網上個分享已經變咗……大家睇到好開心啊,其實佢(工人姐姐)喺台灣做咗廿幾年。(Do姐︰煮咗廿幾年都係咁?好冇天份喎!)」

Photo from 張敬軒/IG

而當時「遮遮」亦曾因為自己炮製嘅早餐成為網絡熱話感到自責,仲拎住 cap 圖問軒仔佢係咪做得唔好︰「其實佢都唔好意思㗎,佢揸住個 IG cap 圖,係佢前僱主個孫女 send 畀佢,仲同佢講『你咁樣唔得㗎,你幫 Mr. Cheung 手你要做好啲啊』,所以佢就揸住個 cap 圖嚟問我『其實我係咪做得唔夠好?』,我話唔係啊唔係啊,你唔好以為我攞你出嚟祭旗。」

Photo from 張敬軒/IG

之後軒仔又揭露指佢依啲早餐背後嘅另一個原因:「佢煮呢啲多士啊,佢同我講,佢話其實因為佢咁多年,佢覺得咁樣嘅早餐已經好豐富,咁我覺得我哋喺呢個城市,我哋慣咗咁樣生活,其實可能對於好多人嚟講,有時連早餐都未必 afford 得到,或者可能食得都冇咁好,所以我希望呢啲 post 可以起到雙面嘅 reflect 嘅作用,話畀大家聽我哋都應該覺得滿足,又或者有啲朋友屋企,你覺得你姐姐(廚藝)唔好嘅時候,你睇吓我呢個!」

Photo from 張敬軒/IG

其中令佢最難忘嘅雖然係叫「遮遮」煮雞腎,佢指佢試過有一次喺屋企食飯,「遮遮」就問「阿 sir 你今日想食咩?」』,當時軒仔就話想食薑蔥炒雞腎,仲教埋佢點煮,喺邊度可以買到同買幾多,點知當晚軒仔喺食飯時見到一碟綠色嘅薑蔥炒雞腎,軒仔解釋:「其實佢將一個腎切開兩邊,然後加咗好多蔥落去炒,所以成碟嘢都係綠色,多到可以送飯,而我就要喺啲薑蔥入面搵返嗰幾粒雞腎出嚟。」

Photo from 張敬軒/IG

此外,軒仔又自爆以往一直有同工人姐姐同枱食飯嘅習慣,但依位「遮遮」就不太習慣,於是大家分開食飯,所以軒仔每個月都會給她「food allowance」:「我就睇吓(佢食乜),因為好多人都話佢哋食啲嘢係好過個僱主食啲嘢,唔係嘅,佢自己食啲嘢都好得人驚嘅!都各有各得人驚,所以我覺得其實佢整俾我嗰啲都算係咁。」

Photo from 張敬軒/IG

除咗廚藝方而,Do 姐亦好好奇「遮遮」嘅衣着打扮,軒仔就指「遮遮」喺第一個星期返工星期日休息時,「遮遮」去完街夜晚返嚟,軒仔以為有陌生人入屋:「佢去完街夜晚返嚟,一開門,我坐咗喺個客廳度,(心諗)點解有個陌生嘅人入咗嚟我屋企?佢係濃妝豔抹,佢好靚嘅出街,好似個女郎咁。」

Photo from 張敬軒/IG

不過雖然「遮遮」喺廚藝方面尚有改進空間,不過軒仔亦大讚「遮遮」喺打理家居和清潔方面係好到加零一,而且人品好、錢銀方面也好「均真」,係一個好好嘅姐姐嚟。

即睇張敬軒訪問重溫:

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

「遮遮」榮升家電殺手! 張敬軒:我屋企好危險,阿蛇慢慢捱!

廣告
廣告

23 Feb 2021

張敬軒(軒仔)繼早前喺 IG 同大家分享屋企嘅外傭姐姐「遮遮」日日準備嘅早餐,並封其為「早餐界KOL」後,最近「遮遮」又有新驚喜喇!不過今次就唔係早餐而係廚具呀!

軒仔嘅外傭姐姐「遮遮」又有新驚喜喇!

軒仔嘅外傭姐姐「遮遮」喺「早餐界KOL」中創出過唔少有趣嘅早餐,如硬過磚頭嘅熱狗、清心寡慾嘅白粥麵包、碳烤燶咗嘅牛角包及韌過百潔布嘅Pancake等,為大家帶嚟唔少喜樂。

「遮遮」創出過唔少有趣嘅早餐

雖然「遮遮」嘅廚藝唔係好好,但佢非常愛乾淨又將軒仔屋企打理得好好,所以就算當時有網友建議佢換個新「遮遮」,佢都落力護航。

雖然「遮遮」嘅廚藝唔係好好,但當有網友建議軒仔換個新「遮遮」時,佢都落力護航。

而今日張敬軒又繼上個月話「遮遮」回歸後,「遮遮」又一新作......就係電飯煲爆咗呀!!

新作......就係電飯煲爆咗呀!!

軒仔喺 IG 上傳咗一張佢同「遮遮」嘅對話相同同一張黑人問號嘅 MEME 圖指「我真係諗都冇諗過,最先頂唔住嘅竟然唔係我,而係屋企個電飯煲⋯⋯」

軒仔喺 IG 上傳咗一張佢同「遮遮」嘅對話相同同一張黑人問號嘅 MEME 圖

之後佢又留言寫咗封信畀個煲:「Dearest 煲,你辛苦了我都唔差 ,下次希望你可以做個悶燒煲、真空煲、沙煲... 總之乜煲都好喇!最緊要記住唔好返嚟我哋屋企」

軒仔仲喺最後不忘加上 hashtag 自娛添「#煲 #ex煲 #煲有煲命 #佢想買過個新煲但係都仲要有煲粥功能 #你睇佢幾執著 😑 #放下喇施主 #方丈Yak粥Yak到想還俗 #阿煲甩難阿蛇慢慢捱 #等我今晚返去Check下個煲咩環境先 #依家準備做PressCon先」

軒仔仲喺最後不忘加上 hashtag 自娛添

而軒仔嘅一班好友睇到後都忍唔住留言問「可唔可以影吓個煲嚟睇😂」、「粉碎到得返條電線🥶咁入面啲飯/粥會唔會因為熱力變炒飯😎」,
Cheronna 仲嗌軒仔最好都係收埋其他煲保命好啲。睇嚟大家對今次依個爆煲事件都好好奇喎!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

【想隨時隨地緊貼本地食買玩資訊?】

👉🏻 立即下載 HolidaySmart 假期日常APP

👉🏻 即刻Follow我地Instagram holidaysmart.hk

👉🏻 訂閱我地 Youtube Channel