陳瀅翻著佘詩曼 7 年前灰色皮褸？盤點 TVB 循環再用戲服　網民：環保定慳皮

近日喺 TVB 熱播劇《伙記辦大事》中飾演卧底飛車女嘅陳瀅不時都會著上皮褸窄腳褲，揸電單車四圍去真係型到爆呀！早前就有眼利嘅網友發現，喺劇中陳瀅着住嘅皮褸同佘詩曼 7 年前拍《使徒行者》中「釘姐」所著嘅嗰件皮褸無論係色澤、壓紋都一模一樣！

Photo from TVB

當年佘詩曼喺《使徒行者》中不時著上 biker 皮褸，身材嬌小加上一頭短髮嘅佢，無論係 Double Rider 或者 Single Rider 都著得入形入格。

Photo from TVB

而 7 年後，呢件灰色 Single Rider 再次出現喺陳瀅身上，同樣嘅一頭短髮，唔少人都覺得有「釘姐」嘅身影，不過因為陳瀅身形比較豐滿，身材曲線出晒嚟，而佘詩曼就比較骨感，兩位靚女着出嚟嘅風格都唔同！

Photo from 陳瑩/IG

Photo from TVB

不過其實今次唔係 TVB 第一次循環再用戲服！之前李佳芯拍《愛美麗狂想曲》時，都試過着 1990 年袁詠儀參選港姐時嘅旗袍，網友都大讚李佳芯勁有氣質！

Photo from TVB

Photo from TVB

喺劇集《大帥哥》中嘅寶藍色軍裝，龔嘉欣喺拍攝《大醬園》時就曾經有翻著過。

Photo from TVB

Photo from 龔嘉欣/IG

除咗依嘅戲服會翻著之外，就連泳衣都有重用，就好似 2014 年嘅劇集《女人俱樂部》中 6 位年青時期嘅 M Club 成員喺游泳池嬉水時著嘅一件頭泳衣，就係 2003 年撞出嘅電視劇《戀愛自由式》中鄧麗欣、陳文媛、唐寧等人所穿嘅泳衣款式嚟，兩套相差咗 17 年，真係只可以話 TVB 嘅服裝部喺保存服裝上真有一手呀！

Photo from TVB

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

陳瀅有信心可以35歲前結婚生B 坦言有考慮雪卵「婚後想生3個」　

21 Apr 2021

陳瀅最近就有份出演TVB正在熱播緊嘅電視劇《愛美麗狂想曲》，劇中佢有大膽穿著性感睡衣演出，引起網民嘅討論。而佢自己喺接受訪問嘅時候，就話自己想喺35歲前結婚，並且正考慮緊雪卵！

Photo from 陳瀅IG

陳瀅喺琴晚播出嘅《愛美麗狂想曲》就身穿性感睡衣誘惑蕭正楠，頓時引起網民嘅熱議。而佢接受訪問時亦有提及拍攝呢場戲嘅情況，仲話拍攝嘅時候一啲都唔尷尬，因為戲中嘅佢係男人婆，成個畫面反而係搞笑多啲～

Photo from 《愛美麗狂想曲》

Photo from 陳瀅IG

喺訪談中，陳瀅提及自己嘅擇偶條件，佢希望對方係一個勤力嘅人，唔一定要比佢有錢，但要有穩定工作。另外，佢亦話可以接受對方有比較娘娘腔嘅一面，但同時都要有man嘅一面先得！

Photo from 陳瀅IG

陳瀅自入行以嚟一直都好多緋聞，而最近傳得火熱嘅就係佢同方力申嘅緋聞。佢就回應話雖然方力申符合做老公嘅條件，但佢哋二人只係好朋友關係。然後補充希望未來老公係一個顧家嘅人，好似陳豪咁樣，要俾足夠嘅個人空間佢，因為佢係一個好獨立嘅人，喺香港一直都係自己住。

Photo from 《Tiger's Talk》

但佢就自己自爆話係一個好易呷醋嘅人，就連男朋友like人哋嘅相都會問嘅類型，所以圈內人可能未必得，會容易有爭吵！

Photo from 陳瀅IG

陳瀅身邊有唔少嘅好姐妹都已經成為人妻或者人母，佢就話自己都好清楚下一個對象會係結婚對象，表示唔想再拍散拖！仲好坦白咁話自己有考慮雪卵，因為佢希望婚後可以最少生2個小朋友，而最理想嘅就係生3個，一個女兩個仔，似乎已經諗好未來嘅計劃！

Photo from 陳瀅IG

Photo from 陳瀅IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）