《慶餘年》張若昀涉1.44億財務糾紛　正式入稟告親父張健偽造簽名行騙　

娛樂新聞

By Celia on 30 Apr 2021

Digital Editor

憑 2019 年播出嘅電視劇《慶餘年》俘虜唔少粉絲嘅中國男星張若昀，唔止演技出色，喺現實生活中更係愛錫太太唐藝昕，又經常親自下廚嘅絕種好男人嚟。但近日就內地傳媒報導指張若昀正式入稟告父親張健「偽造簽名」。

Photo from 張若昀/weibo

張若昀係圈中出名嘅富二代嚟，身家逾5億，家住北京著名嘅天價四合院，佢曾經演出過多部電視劇，如《無心法師》中嘅張顯宗、《法醫秦明》嘅秦明以及最為港人熟悉嘅《慶餘年》中嘅范閑一角。而其父親張健剛係內地著名導演。

Photo from 無心法師/weibo

Photo from weibo

不過據知張若昀同父親張健嘅近年嘅關係一直都唔好，早年佢喺參加綜藝節目《花兒與少年》中，喺其中打電話畀一個自己最思念嘅人時，張若昀二話不說就打咗畀嫲嫲而唔係父親張健！

Photo from 張若昀/weibo

而近日內地傳媒《法人雜誌》就指張若昀已正式入稟控告父親張健「偽造簽名」，所以佢並冇義務履行合約，但張健則指係被當事人授權去簽約，只係並非簽名而是印章。

Photo from 張若昀/weibo

其實依件事緣於去年張若昀同華策影視嘅 1.44億元財務糾紛，當時華策影視與夢都影業簽訂合作協議，要求張若昀兩年內拍攝 4 部作品，並且華策已支付 1.5 億元酬金，但張若昀卻拒絕拍攝，並表明自己無簽約及無收錢。當時佢更喺工作室微博發聲明澄清未有委託其他人幫佢接洽工作。

Photo from 張若昀工作室/weibo

Photo from 張若昀/weibo

依次嘅財務糾紛華策最終只收回 2100 萬元，並向張若昀及夢都影視提告，令張若昀被法院凍結戶口資金。

Photo from 張若昀/weibo

因此喺兩父子各執一詞嘅情況下，張若昀只好同父親張健對簿公堂由法庭裁決。

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

鄭爽被前男友爆曾簽「陰陽合約」片酬高達$200萬一日！內地稅務局正式展開調查

29 Apr 2021

內地女星鄭爽早前被前男友張恒爆出代孕並棄養孩子嘅醜聞後，又再被前男友大爆簽下「陰陽合約」，試圖逃稅！事件一爆出就引起網民嘅熱烈討論，搞到連當地嘅稅務局都表示會嚴查事件真相！

Photo from 《女兒們的戀愛2》

今年初，鄭爽就被前男友張恒爆喺美國找人代孕但又決定棄養孩子嘅事件，兩人正在打官司。後來佢接二連三被爆出更多黑歷史，包括有棄狗、壓榨工作室員工等。

Photo from 《女兒們的戀愛2》

Photo from 張恒微博

日前，張恒就喺自己微博上載咗一條5分鐘嘅影片，影片中包含佢同鄭爽、鄭爽家人嘅多段對話紀錄同埋錄音。內容就提及喺2019年，鄭爽拍攝電視劇《只問今生戀滄溟》（原名為《倩女幽魂》）一度想將自己嘅片酬提高到人民幣$1.8億，但後來經父母勸告後，最終傾好嘅片酬為人民幣$1.6億！當時嘅拍戲日數為77日，亦即係代表鄭爽平均一日就可以賺到超過人民幣$200萬，驚人嘅天價令唔少網民都嚇咗一跳！