50歲女董事長下嫁25歲打工仔引熱議！婆媳合照如姊妹！網友：阿姨我不想努力了

內地一間婚慶公司喺網上分享咗一啲婚禮影片，片中新娘同新郎相差25年，但兩人喺婚禮上互動甜蜜，被問到會唔會同老婆白頭到老，新郎更高喊「我願意」。片段引起網民熱議。

Photo from 微博

近日內地網上流傳部分婚禮現場影片，片段好快就獲得幾十萬讚好同評論，喺網上掀起話題。原來片中嘅新娘50歲，係嚟自山西嘅一名董事長，佢為愛遠嫁唐山。

Photo from 微博

呢位女董事長嘅結婚對象係一名25歲嘅年輕人，仲係公司嘅一名打工仔，新郎新娘無論係年齡、人生閱歷、收入、社會地位都有住唔細嘅差距。

Photo from 微博

據知兩人最初以姊弟相稱，點知相處之下卻產生情愫，發展出一段忘年戀！新娘指老公為人熱情真誠、憨厚老實，無懼世俗目光決意下嫁。

Photo from 微博

Photo from 微博

喺婚禮上，兩人互動甜蜜，彼此眼神中都充滿愛意，新郎表示老婆好識照顧人，被問到願唔願意同新娘共赴白頭，新郎拎住支mic大嗌：「我願意！」

Photo from 微博

新郎嘅父母都表示非常滿意新抱，指新娘好有本事，感歎自己個仔娶到佢係一件光宗耀祖嘅事。婚禮期間，奶奶亦早早出門迎接新抱，據知佢年齡比新娘仲細2歲，但兩人關係好好，不時深情相擁，婆媳合照好似姊妹咁！

Photo from 微博

Photo from 微博

有網民即表示：「阿姨我不想努力了」、「不想再奮鬥」，亦有女網友指以後路過幼稚園都唔敢太大聲，怕阻住未來老公學習。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

19歲護理員與89歲老翁譜忘年戀！結婚不足一年新娘現形 望認知障礙老公早日離世繼承遺產

16 Apr 2021

美國有一位19歲護理員Olivia Stone喺護理院照顧89歲院友Lee Hopkins，兩人漸生情愫竟譜出爺孫戀，點知女方結婚後被友人爆出佢只為得到對方家產，被網友怒轟！

Photo from Olivia Stone Twitter

美國一位患認知障礙症嘅老伯伯Lee Hopkins，因為妻子車禍身亡搬入護理院居住，點知竟然同相差70年、年僅19歲嘅護理員Olivia Stone擦出愛火，共譜忘年戀。

據知Olivia其實並非全職護理人，只係負責餵Lee食藥，估唔到兩人互生情愫，最後更結婚成夫婦。

Photo from Olivia Stone Twitter

當時Olivia聲稱佢絕對唔係貪圖Lee嘅財產，而係為咗「真愛」而決意結婚，更喺Twitter晒出多張恩愛合照。

Photo from Olivia Stone Twitter

但好快佢就露出「真面目」，Olivia同Lee結婚無幾耐，Olivia嘅朋友就爆出佢哋嘅對話記錄，Olivia之所以會嫁畀Lee係因為「我會成為唯一財產繼承人」。

Photo from Twitter

Olivia仲多次喺Twitter嘲諷Lee：「成為寡婦嘅日子就到喇！可能會喺30歲之前，離嗰日越嚟越近！」、「佢（Lee）可能會喺聖誕節之前死」。

Photo from Olivia Stone Twitter

Olivia甚至直接對男網友講：「如果我做咗寡婦，你仲想唔想要我？」，大批網友認為Olivia純粹呃錢，湧入佢Twitter留言鬧爆，而Olivia見群情洶湧，唯有關閉Twitter帳號。

Photo from Olivia Stone Twitter

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

大陸不老演員9歲停止發育！做童星做足18年！36歲同老婆合照似母子

4 Feb 2021

大陸演員侯祥自9歲就停止發育，好似有「不老症」咁，多年嚟外貌維持喺童年階段，18年嚟都係做童星。到36歲結婚同太太合照，被指似母子。

Photo from 微博

對於「不老症」可能有唔少香港人都唔覺得陌生，因為譚真一喺電影中就扮演過不老症患者，佢嘅笑容更成為好多人嘅心理陰影。

喺大陸有一位演員侯祥，如同有不老症一樣，容貌不老。侯祥早產出生，當時體重不足正常嬰兒嘅一半，經過多次治療先平安渡過。

Photo from 微博

後來到9歲時，家人發現佢生長緩慢，帶他去睇醫生時證實佢已停止發育，最終身高停留喺1.5m。

Photo from 侯祥微博

之後佢就憑「天生童顏」開始做童星，喺大陸情景喜劇《家有兒女》中侯祥已18歲，仲做初中生。

Photo from 微博

《中國往事》「耳朵」算係佢代表作，雖然仍係飾演十幾歲小孩，但佢當時已經23歲，後來仲演過年齡比佢細嘅演員嘅兒子。

Photo from 微博

做足童星18年，佢與中學同學結婚，外界指佢哋夫婦合照似兩母子，但兩人感情並未受影響，夫妻恩愛。

Photo from 微博

侯祥現時已淡出娛樂圈，佢嘅微博介紹：「一個吃了唐僧肉而保持童顏的演員」，完全無被自已嘅外貌打擊到！

Photo from 侯祥微博

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）