喺《全美一叮》憑《My Heart Will Go On》一曲成名嘅「小巨肺」Celine Tam譚芷昀近日公開近照，已經13歲嘅佢大個女，染髮、化妝嘅打扮下，網友都話佢大得好快，唔認得！
譚芷昀（Celine Tam）年紀小小就開始參加歌唱比賽，早於2015年，佢就參加咗內地節目《中國新聲代第二季》，到2017年，年僅9歲嘅佢更参加美國節目《全美一叮》（America's Got Talent）。
節目中佢大唱《My Heart Will Go On》，片段喺YouTube有近3,000萬views，佢係第一個香港參賽者獲「Golden Buzzer」，當時有大量傳媒報道，更封佢為「香港之光」。
到2018年佢再出演日本朝日電視台節目，唱成名作《My Heart Will Go On》及《Let It Go》等歌曲，成功擊敗日本參賽者，奪得冠軍！
3歲就學唱歌嘅Celine之後就回歸學生生活，佢最近喺Facebook post出近照，相中嘅Celine已大個女，亭亭玉立，褪去稚氣。
Celine將髮尾染成紫紅色，又畫咗濃黑眼線，有唔少網民都話佢大得好快、認佢唔出！
依家嘅佢已長成少女，不過笑容仍同往日有幾分相似。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
「保險細路」楊凱博15歲近照公開！竟暗戀劉穎鏇？
30 Mar 2021
大家上網都會睇過一張萬能key圖，圖中嘅小朋友已大個仔，佢最近仲出演TVB劇集《大步走》添！年紀小小嘅佢竟然暗戀劉穎鏇？
2012年一個保險廣告入面嘅其中一位小朋友因為一邊問「乜嘢叫保險呀？」，一邊露出好得戚嘅招積表情，而引發網上一連串改圖熱潮。相信大部分網友都有睇過，甚至用過呢張萬能key改圖。
其實改圖嘅主角叫楊凱博，係一名童星，佢之後都參演咗唔少劇集，包括：《城寨英雄》、《天命》、《特技人》、《降魔的2.0》等。
「保險細路」楊凱博原來今年已經15歲！佢最近參演TVB《大步走》，飾演張達倫嘅仔仔、陳山聰嘅學生。
劇中佢仲暗戀劉穎鏇添，劉穎鏇喺IG post出兩人合照，大讚楊凱博好man，好可愛～
其實楊凱博仲係全港公開新秀武術比賽男子小童組三項全能冠軍，有真功夫嘅佢喺《城寨英雄》飾演童年版陳展鵬。
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）
更多相關文章
《堅離地愛堅離地》童星羅梓龍 18 歲大個仔變超 Chok 小鮮肉 網民：成個韓星咁靚仔
18 Jan 2021
TVB 劇集《堅離地愛堅離地》係 3 年前嘅作品，曾一度延期播出，相隔 3 年，劇中嘅演員依家已經起咗好大變化，好似劇中飾演康華與李國麟兒子「王子駿」嘅童星羅梓龍依家已經 18 歲大個仔，仲變成韓風小鮮肉！
現年 18 歲嘅羅梓龍其實已經係有 15 年年資嘅「前輩」，佢 3 歲就入行做小模特兒，7 歲開始接觸戲劇，當中令人印象深刻嘅就係喺《超能老豆》中飾演李思捷兒子「谷筱楠（燒腩仔）」一角，年紀輕輕但演技自然，讀起對白時一啲都唔生硬。另外，喺《逆緣》中飾演黎耀祥與江欣燕兒子「賀嘉誠」一角表現同樣搶鏡。
喺《堅離地愛堅離地》中羅梓龍飾演康華與李國麟兒子「王子駿」，係一個「巴士迷」，有唔少戲份，可惜「王子駿」最後不幸墮樓身亡。
羅梓龍拍攝《堅離地愛堅離地》時得 15 歲，仲有少少 baby fat，同細個嘅時候一樣咁可愛。不過相隔 3 年，羅梓龍依家已經 18 歲大個仔，不時喺社交平台大曬近照，18 歲嘅佢臉上褪去咗當年嘅稚氣，變咗一個型爆小鮮肉！
羅梓龍依家已經冇咗當時嘅baby fat，五官輪廓更加深邃，衣著風格仲非常有型，同劇中角色感覺完全判若兩人。羅梓龍 Post 相之外仲經常配上一啲有深意嘅字句，令人驚嘆當年嘅可愛小童星長大了～
唔少網民見到羅梓龍啲相都睇到心心眼，大讚佢有型之餘，都話佢大個咗，更有網民讚佢「成個韓星咁靚仔」！
Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）