袁偉豪被誤認吳偉豪？！ 網民：結咗婚就檢點下！

近日，《愛．回家之開心速遞》嘅「朱凌凌」吳偉豪就疑似流出不雅影片，引起網民嘅熱烈討論。不過，估唔到有網民唔小心將佢同袁偉豪認錯咗，仲喺袁偉豪嘅Facebook留言話佢「結咗婚就應該檢點啲」！

Photo from 袁偉豪FB

最近，網上就流傳咗一條不雅短片，有網民就認為片中嘅人，無論樣貌定身材都好似拍攝《愛．回家之開心速遞》嘅吳偉豪，引起網民嘅關注。而高層樂易玲亦都表示吳偉豪已經報警求助，指警方正在跟進事件。

Photo from 吳偉豪IG

Photo from TVB

不過，估唔到袁偉豪竟然都因此而受牽連！事關兩人嘅名字十分相似，有部分網民就好似誤會咗，以為袁偉豪就係不雅短片嘅主角。

Photo from 袁偉豪FB

Photo from 吳偉豪IG

誤會咗嘅網民仲去袁偉豪嘅Facebook留言話佢，搞到袁偉豪忍唔住回覆佢澄清返話佢認錯人，而家呢個留言好似已經被刪除咗！但留言區依然有唔少嘅網民留言叫佢檢點啲，不過就唔清楚網民係講笑定真係認錯人喇～

Photo from 袁偉豪FB

Photo from 袁偉豪FB

袁偉豪入行以嚟一直都冇咩負面新聞，形象健康，上年仲同拍拖多年嘅張寶兒結婚。估唔到今次竟然因為名字相近而被人誤會咗，都真係幾無辜嘅！

Photo from 袁偉豪FB

Photo from 袁偉豪FB

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

39歲袁偉豪自拍照超大眼袋顯滄桑！網民：牙佬時期無得頂，49歲馬浚偉望落後生好多！

Apr 14, 2021

袁偉豪近嚟外貌經常成為焦點，唔少網友指佢「個樣殘咗好多」，而袁偉豪更多次公開回應，表現勞氣。佢最近喺IG Story公開最新自拍，再次引起網友熱烈討論！

Photo from 袁偉豪IG

早前喺連登討論區有網友開post「袁偉豪個樣發生咩事」，指佢婚後大走樣，之後袁偉豪喺IG打千字文反擊，後來喺唔少公開場合都再度回應被指樣殘，明顯非常介意網友對佢外貌嘅評價。

Photo from 袁偉豪IG

佢近日喺IG公開自拍照，點知再被網民放上連登討論區以「袁偉豪最新近照」為題開post，成個post幾乎一面倒指袁偉豪結婚後外貌開始走下坡。

自拍應該無用到filter，袁偉豪面上、頸上細紋完全「無所遁形」，尤其係雙眼，唔知係咪因為佢向下望，眼角下垂，最引人注目嘅仲有超大眼袋！眼紋勁深！

Photo from 袁偉豪IG

Photo from 袁偉豪IG

而且下眼眶有明顯嘅黑色線條，似畫咗眼線，然而帶妝仍掩蓋唔住歲月痕跡。唔少網民留言勁mean：「安已不」、「以為五十歲」、「個眼袋咩事？想R美容公司job？」、「冇表情都已經成面紋，但係冇紋既部份又脹卜卜，睇落好膠。」

Photo from 連登討論區

有人指袁偉豪自從同張寶兒一齊後「越嚟越殘」：「佢就變人乾啦」、「袁公公殘哂 笑死人咩」、「比張寶兒吸晒d精力」

Photo from 連登討論區

Photo from 連登討論區

亦有人指佢僅39歲但睇落相當滄桑：「唔講以為49歲」，又貼出馬浚偉相片比較：「馬浚偉49歲都冇佢個樣咁殘」，有網友指佢喺《城寨英雄》飾演嘅「牙佬」係人生高峰。

Photo from 連登討論區

Photo from 連登討論區

袁偉豪之前多次「有骨」回應網上留言，有網友就指佢會「mon PO」：「留名等睇袁偉豪又嬲嬲豬」，表示袁偉豪可能過兩日就會喺IG再打千字文回應。

Photo from 《城寨英雄》

袁偉豪向來介意外界嘅評論，之前亦曾為負評減肥，依家佢已減成「鋼條身型」，可能佢都係因為太落力減肥搞到憔悴咗。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）