霍汶希激罕晒愛女合照 眼大大遺傳迷人電眼!網民:大個女咗又靚咗

霍汶希激罕晒愛女合照 眼大大遺傳迷人電眼!網民:大個女咗又靚咗

娛樂新聞
ByCelia on 03 May 2021 Digital Editor

英皇金牌經理人霍汶希(Mani)唔止捧紅過唔少天王天后級嘅歌手明星,佢仲係公認嘅美女級經理人嚟。而唔少都知 Mani 有一個極少曝光嘅女兒,近日佢就激罕有咁喺社交平台晒咗佢哋二人提早慶祝母親節嘅相。

近日Mani就激罕有咁喺社交平台晒咗佢哋二人提早慶祝母親節嘅相。
Photo from Mani/Facebook

2013 年時 Mani 喺微博宣布未婚生女,並指愛女喺 2011 年出世,當年 Mani 一直未有公開女兒生父,而喺一次訪問中,佢就曾經表示當年佢同男友分手後得悉懷孕,經過考慮後決定生下女兒獨力撫養,並希望給女兒最幸福嘅生活。

Photo from Mani/Facebook

而早前為綜藝節目《乘風破浪的姐姐2》擔任評判導師嘅 Mani,隨住節目結束及完成工作後,隨即就返咗香港見佢「Honey」,即係佢嘅愛女,Mani 仲上載佢哋出去食飯時嘅溫馨合照,見佢又收花又向阿女獻吻,真係好 sweet 呀!

Photo from Mani/Facebook

Mani 更留言:「終於返嚟見到我honey,當然要撐吓枱腳,真係好浪漫。」又喺 hashtag 話阿女大個啦,唔使媽媽揸機都識自拍!

Photo from Mani/Facebook

雖然相中佢女兒只露出半邊臉,但相比 1 年幾前,新冠肺炎爆發時呼籲大家留喺屋企嘅時候嘅合照,今次可以更清楚睇到佢「Honey」嘅樣,從相中可見「Honey」有一雙大眼睛,長髮,臉頰尖尖,仲遺傳咗 Mani 嘅雙眼皮添,真係愈大愈靚女呀!

Photo from Mani/IG

難怪唔少網民睇見都大讚佢係美人胚子「阿女都有遺傳了佢阿媽的美人胚子,大過咗又係美女了」、「同Mani一樣都有對大眼睛,好靚女呀」。

Mani/Facebook
Photo from Mani/Facebook

Mani/Facebook
Photo from Mani/Facebook

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

廣告
廣告

更多相關文章

古天樂眼仔睩睩超可愛 母子溫馨合照激罕曝光古媽媽當年靚樣!

20 Jan 2021

男神古天樂向來低調,甚少喺社交網站上提及自己嘅私生活,但古天樂對父母嘅孝順亦係人所共知,而近日網上就有網友好有心思咁喺為大家重溫古天樂嘅生平事跡,當中仲有唔少早年曝光過嘅童年照,其中一張母子溫馨合照更引嚟大家瘋傳。

古天樂對家人私事一向都甚少提及,但其實喺佢初入行時就曾經講過自己嘅成長經歷,亦喺 2002 年時喺其自傳《尋樂記》中大方憶述當年行差踏錯一事及其人生目標。

古天樂對家人私事一向都甚少提及
Photo from 古天樂/IG

而近日就有網民整理出古天樂嘅人生故事,並配以唔同時期嘅照片,當中不乏佢嘅童年家庭照。

BB 時期嘅古天樂好 cute 呀!

小時候嘅古天樂肥肥白白,眼仔睩睩咁真係好得意呀!

肥肥白白,眼仔睩睩咁

當中有一張就係佢同媽媽坐埋一起嘅合照,相中年輕時嘅媽媽樣貌標緻,更獲唔少網民讚賞。

相中年輕時嘅媽媽樣貌標緻,更獲唔少網民讚賞。

係當年真係可以話係美人嚟,唔知古媽媽當年有冇諗過入行呢?!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook