《開心大綜藝》林夏薇挑戰容祖兒《連續劇》近乎走音邊緣令人尷尬?網民:做戲果part好好多!

《開心大綜藝》林夏薇挑戰容祖兒《連續劇》近乎走音邊緣令人尷尬?網民:做戲果part好好多!

娛樂新聞
ByCelia on 03 May 2021 Digital Editor

逢星期日晚播出嘅綜藝節目《開心大綜藝》喺最新一集中就搵嚟電視劇《逆天奇案》嘅一班演員現身,佢哋除咗演出短劇外,林夏薇更罕有開金口唱出容祖兒嘅《連續劇》。

林夏薇更罕有開金口唱出容祖兒嘅《連續劇》。
Photo from rosinalam/IG

當晚喺節目中非歌手出身林夏薇唱出《On Call 36小時》嘅主題曲《連續劇》,唔少聽過依首歌嘅人都知,依首歌嘅音本來就唔低,要唱得好有一定嘅難度。

Photo from TVB

而林夏薇喺一開始唱時已唔太穩定,到中間高音位更近乎走音邊緣,上唔到高音,令唔少人聽後都不禁為佢捏一把汗!

Photo from TVB

就連佢自己都直言有點失準,又指喺演出前好擔心,佢一有時間就會喺屋企唱下,更爆指佢老公係一個要求好高嘅「評審」嚟,成日都畀好大壓力佢,加上首歌唔易唱,又高音,所以都係有啲緊張,不過就有進步空間。

Photo from TVB

而唔少網民就指林夏薇並唔係歌手出身,所以佢唱到依個程度已經係唱得唔錯,就算上唔到原唱咁高音,都係可以原諒嘅。

重溫林夏薇歌喉:

此外,當晚林夏薇同陳自瑤合演嘅短劇《黑玫瑰大戰哥師奶》同樣亦獲得唔少好評,短劇以戲中戲方式道盡演員辛酸史。

Photo from TVB

二人喺劇中嘅最後,佢哋坐喺地下傾偈一幕感動唔少觀眾,更有唔少網民指 TVB 應該畀更多機會佢哋擔正演出。

Photo from TVB/YT

Photo from TVB/YT

重溫短劇《黑玫瑰大戰哥師奶》:

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

林夏薇15億豪宅曝光!坐落太平山頂望維港海景 Gym房/大泳池/琴房

29 Jul 2020

林夏薇同老公結婚6年,婚後佢接劇少咗,經常陪老公四圍飛傾生意。佢不時喺社交平台分享生活點滴,意外公開佢位於太平山頂,望到維港海景嘅15億豪宅,入面有Gym房、大泳池、琴房等。

林夏薇2015年與金融才俊莫贊生結婚,有指佢老公身家高達幾十億。林夏薇婚後將精力放喺家庭,接劇少咗,經常陪老公四圍飛傾生意。

廣告
廣告

林夏薇2015年與金融才俊莫贊生結婚

佢不時喺IG、Facebook度分享生活點滴,意外曝光佢位於太平山頂嘅豪宅,有傳媒估計約值15億!

林夏薇不時喺IG、Facebook度分享生活點滴,意外曝光佢位於太平山頂嘅豪宅

山頂獨立屋坐擁維港無敵海景,飽覽夜景,仲睇到新年放煙花添!

客廳都勁大,聖誕節放到聖誕樹,農曆新年放到桃花樹,喺客廳跳舞都無問題!

廚房係開放式,設計簡約,有放紅酒。餐枱都勁靚。

家中有健身房,放咗跑步機等簡單健身器材,連狗狗都有得跑!

唔止Gym房,連琴房都有!

唔止Gym房,連琴房都有!

浴室超大!有企缸同浴缸,晚上浸浴勁寫意。

大型露台,可以放到水池同3隻愛犬一齊玩水~

大型露台,可以放到水池同愛犬一齊玩水

屋企有大陽台放到水池,但家中仲有超大型泳池!泳池邊更有沙灘凳可以曬日光浴。

另外又有露天花園,可以同三五好友BBQ聚會~

有露天花園,可以同三五好友BBQ聚會~

圖片來源:林夏薇IG、微博

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook