羅志祥跟風挑戰抖音東南亞吊鏈舞 「忘了愛」螢光頭大跳非主流騎呢舞 

羅志祥跟風挑戰抖音東南亞吊鏈舞 「忘了愛」螢光頭大跳非主流騎呢舞 

生活熱話 娛樂新聞
ByCheryl on 03 May 2021 Digital Editor

近日,內地抖音興起一陣「東南亞吊鏈舞」熱潮,連唔少大陸藝人都爭相挑戰。日前,台灣藝人羅志祥(小豬)都跟風玩埋一份。佢戴上MK味十足假髮、唇勾鐵鏈熱舞,畫面充滿非主流氣色。

羅志祥 微博
Photo from 羅志祥 微博

「東南亞吊鏈舞」源於一套東南亞綜藝節目,藝人造型搞怪,喺耳朵及嘴唇掛上超誇張鐵鏈,身體隨洗腦音樂起舞。好多內地人都有樣學樣,喺抖音拍片模仿。

「東南亞吊鏈舞」元祖
Photo from 嗶哩嗶哩 截圖

熱潮掀起後,好多藝人都爭相「挑機」,包括陳浩民、內地女藝人楊超越等,而羅志祥都唔執輸,即刻拍返條Challenge趕上潮流。

連陳浩民都愛上跳「吊鏈舞」,跳得好唔好就見仁見智
Photo from 陳浩民 抖音

內地選秀節目出身嘅女藝人楊超越勾上小鐵鏈扭動身體
Photo from 楊超越 抖音

片中,小豬戴上螢光版「忘了愛」假髮,配上鮮紅色腰帶、黑色襯衫同牛仔褲,當然唔少得重點單品-粗鐵鏈。佢以攝人眼神及甫士為表演開場,繼而隨音樂手舞足蹈。

羅志祥趕上「吊鏈舞」熱潮
Photo from 羅志祥 抖音

戴住超進化版「忘了愛」假髮跳得非常忘我
Photo from 羅志祥 抖音

繼「光速XX舞」後又一經典?
Photo from 羅志祥 抖音

小豬隨音樂擺動身體,配上出位造型,真係隔住個Mon都感受到其亞洲舞王嘅風采。

不斷創新,確係亞洲舞王
Photo from Kchun Lin Youtube

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

翻版小豬「南寧羅志祥」多年前爆紅,近況曝光!網民:佢同羅志祥一樣出曬事!

22 Apr 2021

內地有一位米攤老闆因為樣貌極似羅志祥而爆紅,多年前仲曾經俾羅志祥轉發過佢嘅照片。近日,米攤老闆嘅近照就俾人曝光,但就俾人發現而家嘅佢已經開始走樣,冇以前咁風光,令唔少網民都講笑咁話落魄嘅佢同而家嘅羅志祥好似!

小豬IG
Photo from 小豬IG

內地廣西南寧嘅米攤老闆蒙俊源多年前因為樣貌似羅志祥(小豬),而被網民喺網上瘋傳,仲俾大家稱為「南寧羅志祥」!當時,佢嘅照片仲俾小豬喺微博轉發,係受本尊認證過嘅,仲俾其好友潘瑋柏貼出蒙俊源嘅照片佢賀小豬生日。

小豬IG
Photo from 小豬IG

小豬微博
Photo from 小豬微博

「南寧羅志祥」因此而一砲而紅,開始獲邀去參加唔同嘅站台活動同埋直播活動,就連本身經營嘅米攤都吸引咗唔少人專門去見佢。佢亦成功轉型成為網紅,開始經營自己嘅直播頻道。

微博
Photo from 微博

微博
Photo from 微博

不過自從羅志祥本人喺上年被爆出劈腿約砲嘅醜聞後,估唔到蒙俊源亦備受牽連!係事件爆出後,蒙俊源連續3日開直播都俾網民大罵,米攤門口更加俾人貼上「渣男」,令佢好無奈。不過,佢嘅粉絲人數亦不停上升,令佢賺多咗至少200萬人民幣(港幣約240萬),因禍得福!

微博
Photo from 微博

 南寧羅志祥抖音
Photo from 南寧羅志祥抖音

直到而家,蒙俊源依然時不時經營佢嘅抖音帳號,但唔少網民發現而家嘅佢樣貌同當年相比已經走曬樣,變得好滄桑,身材都發咗福。頭髮超長嘅佢仲喺最近嘅直播當中,叫佢嘅粉絲幫佢改改造型!

蒙俊源抖音
Photo from 蒙俊源抖音

蒙俊源抖音
Photo from 蒙俊源抖音

唔少網民都係下面留言話而家嘅佢人氣真係下降咗好多,仲有人講笑話而家嘅佢同羅志祥本人一樣出曬事!

微博
Photo from 微博

廣告
廣告

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

羅志祥周揚青擬似復合 早餐露端倪? 網友:小豬係煙幕,真命天子係陳偉霆?

23 Feb , 2021

去年 4 月時周揚青突然喺微博發千字文宣布同拍拖 9 年嘅羅志祥(小豬)分手,當中佢仲大爆對方多次劈腿,甚至經常舉行正常人都無法想像嘅「多人運動,同時亦令羅志祥嘅形象重創!不過近日網上就因為周揚青喺其小號中上傳咗一張雙人套餐嘅相令大家熱議,有網友更因此列出多項關鍵證據,指佢正在談戀愛,而對方仲有可能係羅志祥或者之前喺綜藝節目《潮流合伙人》中嘅陳偉霆。

周揚青去年 4 月時突然喺微博發千字文宣布同拍拖 9 年嘅羅志祥分手

周揚青早前就喺其微博小號上傳咗一張雙人套餐嘅相並留言指:「希望今天做出的決定,在未來永不後悔。」唔少網友睇完都忍唔住問「這個決定什麼時候能告訴我們」而向來寵粉嘅佢就賣關子回復指:「過兩月吧!」,令人認為佢有極可能係公開拍拖。

周揚青早前就喺其微博小號上傳咗一張雙人套餐嘅相

而向來寵粉嘅周揚青就賣關子回復指:「過兩月吧!」

其實周揚青自去年宣布同羅志祥後,重心就一直喺自己嘅事業上,早前佢仲首次登上節目《潮流合夥人》,其爽直嘅性格成功圈粉無數,不過喺節目中,佢同陳偉霆嘅互動就最令人有聯想。

早前周揚青首次登上節目《潮流合夥人》,其爽直嘅性格成功圈粉無數

唔少人覺得二人喺節目中嘅互動太過曖昧,二人不時都會有眼神交流,令唔少人網友都會「腦補」佢哋係節目中嘅 CP 嚟。而二人喺節目結束後亦有聯絡,私下關係依然唔錯,因此唔少網友就估佢同陳偉霆因為拍依個節目而已經喺埋一齊。

周揚青同陳偉霆嘅互動就最令人有聯想。

但有網友就認為對方可能係去年分手嘅羅志祥,該網友就指節目中有一片段係歐陽娜娜送大家玩偶,仲畀藝人自行挑選喜歡嘅,而周揚青一揀就揀咗隻粉色小豬娃娃,令歐陽娜娜笑回「我就知道妳會選這隻豬!」周揚青隨即而露羞澀嘅笑容,之後佢亦有喺其小號中上傳高舉小豬公仔嘅相並留言:「早安!」

但有網友就認為對方可能係去年分手嘅羅志祥

周揚青一揀就揀咗隻粉色小豬娃娃

而咁啱喺佢 po 出雙人套餐相嘅同一日,羅志祥亦有喺 IG po 限時動態,動態中佢上傳咗一張體重秤嘅相,寫上「下定決心要做一件事 就要努力去做 不要三分鐘熱度 不然你做什麼事都很容易半途而廢 加油💪 剛剛我有跟地基主聊了一下」依個 post 一出即令唔少網友同周揚青晒美食嘅相連埋一齊,指二人擬似有所對應一樣。

咁啱喺佢 po 出雙人套餐相嘅同一日,羅志祥亦有喺 IG po 限時動態

不過佢同羅志祥復合一事都已經唔係第一次傳,之前就有因為佢 po 咗同羅志祥好友嘅合照,被猜測二人和好,但當時佢就表示:「請問我做這些復合的新聞是幹嘛呢?我堵我以後燦爛的桃花嘛…。」

不過亦有網友覺得周揚青今次依個決定未必同戀情有關,反而可能係關係事業方面嘅決定嚟。因為如果真係好戀情有關又何必要等兩個月之後先講呢!?到底依個決定係嚟,大家就耐心等吓喇!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook