【好聲好戲】TVB配音員現真身!小夫原來係女仔/花輪同學好後生?獎門人旁白大公開

【好聲好戲】TVB配音員現真身!小夫原來係女仔/花輪同學好後生?獎門人旁白大公開

電視電影 娛樂新聞
ByJennifer on 04 May 2021 Digital Editor

TVB新節目《好聲好戲》搵嚟多位專業配音員出演,令觀眾可以一睹熟悉聲音嘅「真面目」!包括《多啦A夢》嘅小夫、胖虎;《延禧攻略》嘅嫻妃、魏瓔珞;《鋼之錬金術師》愛德華;獎門人旁白等。

TVB新節目《好聲好戲》搵嚟多位專業配音員出演
Photo from 《好聲好戲》

《好聲好戲》由阮兆祥、賴慰玲做主持,每集都有唔同嘅藝員做參賽者,為經典劇集配音,節目更搵咗一班專業配音員擔任評判。

《好聲好戲》由阮兆祥、賴慰玲做主持,每集都有唔同嘅藝員做參賽者
Photo from 《好聲好戲》

其中唔少觀眾童年時期睇過嘅卡通配音員都有出演!星級評審團有為《多啦A夢》小夫配音嘅黃鳳英、胖虎配音員黃啟昌,佢哋兩位更即場以「小夫」同「胖虎」嘅聲音講嘢,令觀眾回憶返晒嚟!

為《多啦A夢》小夫配音嘅黃鳳英
Photo from 《好聲好戲》

胖虎配音員黃啟昌
Photo from 《好聲好戲》

評審團仲有為《延禧攻略》「嫻妃」配音嘅劉惠雲、配音「魏瓔珞」嘅何璐怡,佢哋兩位睇落都非常年輕。

《延禧攻略》「嫻妃」配音嘅劉惠雲
Photo from 《好聲好戲》

配音「魏瓔珞」嘅何璐怡
Photo from 《好聲好戲》

《好聲好戲》
Photo from 《好聲好戲》

而為《鋼之錬金術師》愛德華‧艾力克、《足球小將》戴翅偉配音嘅袁淑珍,佢雖然係一位女士,不過主要都係配男聲!

為《鋼之錬金術師》愛德華‧艾力克、《足球小將》戴翅偉配音嘅袁淑珍
Photo from 《好聲好戲》

主席評判係擔任獎門人旁白多年嘅陳欣,佢亦係TVB翡翠台報幕台聲,一開口就令主持之一嘅賴慰玲大為興奮,指係每晚都陪住佢嘅聲音。

主席評判係擔任獎門人旁白多年嘅陳欣
Photo from 《好聲好戲》

《好聲好戲》
Photo from 《好聲好戲》

《好聲好戲》
Photo from 《好聲好戲》

節目亦公開咗其他配音員嘅樣:《我們這一家》嘅花師奶、《櫻桃小丸子》嘅花輪同學等。

《我們這一家》嘅花師奶
Photo from 《好聲好戲》

《櫻桃小丸子》嘅花輪同學
Photo from 《好聲好戲》

《好聲好戲》
Photo from 《好聲好戲》

《好聲好戲》
Photo from 《好聲好戲》

《好聲好戲》
Photo from 《好聲好戲》

網友表示一聽到佢哋嘅聲音就覺得好熟悉!

即睇片:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

佘詩曼御用TVB國語配音員曝光!原來是氣質美女 胡定欣、李施嬅等多個經典角色都係佢配

12 Mar 2021

唔少香港嘅電視劇/電影想喺東南亞或中國等地嘅華語地區播出時,一般為配合當地嘅語言文化將劇集/電影重新配音,但依班喺幕後默默工作嘅配音員,最令大家記得嘅一定係佢哋嘅聲音,但大家又有冇好奇過佢哋嘅樣貌呢?!

唔少香港嘅電視劇/電影想喺東南亞或中國等地嘅華語地區播出時,一般為配合當地嘅語言文化將劇集/電影重新配音

TVB 配音員趙冰冰

廣告
廣告

近日喺抖音就傳出一段短片,片中著住露背裙嘅正正就係 TVB 嘅配音員趙冰冰,而佢更係佘詩曼嘅御用國語配音員嚟!

著住露背裙嘅配音員趙冰冰係佘詩曼嘅御用國語配音員嚟!

除低口罩嘅佢原來仲係一名氣質美女㗎~

雖然平日佢都會著露背裙上班,但喺錄音時就會非常投入工作,除低口罩嘅佢原來仲係一名氣質美女㗎~可以話係人靚聲甜,可惜喺片中佢就指自己五音不全唔識唱歌。

錄音時就會非常投入工作

趙冰冰喺哈爾濱出生,2009 年入行嘅佢先為電影角色配音,曾經為《志明與春嬌》嘅楊千嬅同《戀上你的床》嘅蔡卓妍等等配過音。

2009 年入行嘅佢先為電影角色配音

直至 2010 年加入 TVB 國語配音組,並為佘詩曼、胡定欣及李施嬅等女主角嘅常任配音員,聲演角色包括佘詩曼飾演嘅《公主嫁到》「昭陽」和《使徒行者》「丁小嘉」。

直至 2010 年加入 TVB 國語配音組,並為佘詩曼、胡定欣及李施嬅等女主角嘅常任配音員

咁靚女唔知遲啲會唔會有機會見到佢喺幕前演出呢?

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

佘詩曼素顏賀好姊妹生日勁搶鏡!《金枝慾孽》兩位小主難得合體,網友讚皮膚猶如20幾歲少女

01 Mar 2021

現年 45 歲嘅佘詩曼貴為兩屆視后,近年喺大陸發展嘅佢不時都會返香港同「七魔女」嘅好姊妹相聚。而近日就係「七魔女」中嘅梁靖琪(Toby)生日,身為好閨密嘅佢當然唔會缺席喇,佢仲素顏現身添!

佘詩曼素顏現身勁搶鏡!

圈中唔少女星都都會同女姊妹/閨蜜組成唔同嘅姊妹團,而佘詩曼、梁靖琪、鍾麗淇、文頌嫻、姚樂怡、周家蔚、湯盈盈佢哋 7 人組成嘅「七魔女」就係其中之一。日前正正就係「七魔女」中嘅梁靖琪 38 歲生日,一班好閨密當然無一缺席喇!

梁靖琪生日一班好閨密當然無一缺席喇!

Toby 仲喺 IG 上傳多張合照,並留言希望生活一切快點回復正常:「As I celebrate my birthday today, I am praying for new blessings as i continue to grow in who I am as a daughter of God, a wife, a mother, a sister and friend! I Thank You all for celebrating this day with me and can’t wait till things get back to normal so we can all gather together as one again! #BFF #七姊妹 #MuchLove #Bless」

點睇都唔似 45 歲。

不過大家嘅 focus 就好似唔喺 Toby 身上,而係喺佘詩曼度,事關佘詩曼嘅素顏更為大眾所驚艷,除咗皮膚白滑得吹彈可破,完全搵唔到絲毫嘅歲月痕跡,猶如廿幾歲嘅少女一樣。

佘詩曼皮膚白滑得吹彈可破,完全搵唔到絲毫嘅歲月痕跡。

而除咗佢日前素顏慶祝好閨蜜生日外,今日佢又喺 IG 上傳同黎姿嘅合照留言:「That friend who you may not see very often, but the moment you reconnect feels like yesterday!@gigilai_official #一樣咁靚 #好友相聚 #金枝慾孽 #還記得金枝慾孽的玉瑩小主和爾淳小主嗎」

係玉瑩小主同爾淳小主呀!

《金枝慾孽》

網民睇到都大讚佢兩位都係凍齡女神嚟,同話佢哋嘅代表作《金枝慾孽》係經典宮廷劇,希望佢地可以有機會再合作拍劇添!

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook