裕美自爆每月5位數供養林作 笑男友度縮性格似林媽

裕美自爆每月5位數供養林作 笑男友度縮性格似林媽

生活熱話 娛樂新聞
ByCheryl on 04 May 2021 Digital Editor

裕美昨晚於網上直播節目《星級靚聲演唱廳》擔任嘉賓。對現時專注做生意嘅裕美而言,今次係一個回味唱歌癮嘅好機會。訪談中提到男友林作近期被林媽撤銷附屬信用卡,仲大爆現時每月都會畀零用錢林作洗!

裕美 Instagram
Photo from 裕美 Instagram

歌手出身嘅裕美昨晚為《星級靚聲演唱廳》大展歌喉,被問及男友係咪一個會陪佢唱歌嘅人,裕美坦言林作五音不全,唱歌雞仔聲。唔單止咁,佢仲大爆男友喺屋企玩貓模樣非常乸型。

裕美於《星級靚聲演唱廳》大展歌喉
Photo from 環星音樂 Youtube

近日,林作首次上擂台,為鍾培生將喺9月舉辦嘅「百萬擋台戰」作熱身賽,可惜落敗。對於男友嘅多處拉傷,裕美表示唔肉赤,佢話林作喺屋企當自己拳王,但無試過打佢,又直言自己打低林作好容易:「我出爪就搞掂啦!」

林作 Facebook
Photo from 林作 Facebook

裕美直言出爪已能打死林作
Photo from 裕美 Instagram

訪談中,裕美更大爆林作被林媽撤銷附屬信用卡,所以男友依家靠佢養。裕美表示現時專注於珠寶生意,因此會搵林作做法律顧問,佢表示:「佢做少少我就當出份糧畀佢,無所謂,我將來會搵機會掠他,依家可以大聲吩咐佢做嘢。」

裕美 Instagram
Photo from 裕美 Instagram

裕美表示佢宜家掙錢比林作多幾倍,不過男友斤斤計較,會問佢攞食飯錢,而裕美一欠林作錢就即被要求過數。裕美笑言林作太度縮好難發達。裕美更認為男友洗錢習慣似足林媽,佢透露:「佢媽媽會買價值幾百萬手袋,但的士司機畀少兩蚊會即鬧。」

裕美指林作度縮
Photo from 裕美 Instagram

事後,裕美喺社交平台為自己狂踩男友報道作出評論,直言每段關係都係自己養男友,仲警誡林作:「唔好得罪我,否則我以後唔會養你!」雖然裕美好Harsh,但最後都大讚林作係最有安全感嘅男朋友。

裕美 Instagram
Photo from 裕美 Instagram

裕美 Instagram
Photo from 裕美 Instagram

林作 Facebook
Photo from 林作 Facebook

 

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

裕美做珠寶生意全因林作媽媽「真係多謝晒佢激勵我」

28 Apr 2021

最近,ViuTV清談節目《有酒今晚吹》就邀請咗裕美,喺節目裡面佢大談同林作相識嘅經過,仲公開咁感謝林作媽媽,令佢的起心肝自己做生意!

裕美IG
Photo from 裕美IG

裕美同林作公開拍戀情之後,一直都愛得高調。近日,裕美就上節目《有酒今晚吹》講到自己入行嘅經歷同埋同男友嘅拍拖過程。

 裕美IG

裕美IG
Photo from 裕美IG

佢提及同男友初次見面嘅時候,對佢印象唔係咁好,因為佢講一句嘢就已經夾雜咗4、5個粗口,就連當時一齊嘅同事都唔鍾意佢。見完第一次,其實好憎佢,唔太想同佢溝通,但就因為對佢印象深刻,所以返到屋企就Google佢。仲話從來都唔講粗口嘅佢受到影響,時不時都會講粗口,有次仲嚇親識咗十年嘅同事!

《有酒今晚吹》
Photo from 《有酒今晚吹》

《有酒今晚吹》
Photo from 《有酒今晚吹》

裕美仲話自細嘅夢想就係結婚,即使自己經歷過婚姻失敗,都好希望可以搵到終身嘅伴侶。當被主持人問到係咪視林作為結婚對象時,佢就話暫時仲相處緊,不過就話林作係最有安全感嘅男友,會講自己社交網站密碼、銀行帳號密碼、電話密碼等全部主動話佢知。因此拍拖以來,佢從來冇懷疑過林作,對佢十分信任!

《有酒今晚吹》
Photo from 《有酒今晚吹》

《有酒今晚吹》
Photo from 《有酒今晚吹》

裕美就話林作同佢拍拖之後都有好大嘅改變,因為林作媽媽知道兩人拍拖後就將佢嘅信用卡cut咗,搞到佢被迫要出去工作,發奮圖強。

廣告
廣告

《有酒今晚吹》
Photo from 《有酒今晚吹》

《有酒今晚吹》
Photo from 《有酒今晚吹》

主持人就問裕美有冇諗過點樣解決同林作媽媽嘅僵硬關係,佢就話自己並唔會去刻意做嘢去討好對方,因為認為討好佢唔會改變到啲咩,仲反而會貶低咗自己。不過就補返句話始終自己並唔熟悉林作媽媽,所以唔太清楚實際係點。

《有酒今晚吹》
Photo from 《有酒今晚吹》

《有酒今晚吹》
Photo from 《有酒今晚吹》

喺節目中,佢仲公開咁感謝經常公開批評佢嘅林作媽媽,因為林媽媽認為佢同林作拍拖係貪圖金錢,所以佢就發奮決定要做生意。雖然周圍嘅人都唔睇好,誤打誤撞做咗老闆娘,點知佢嘅網上珠寶生意一開始就成功咗!

《有酒今晚吹》
Photo from 《有酒今晚吹》

《有酒今晚吹》
Photo from 《有酒今晚吹》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

麥貝夷再爆前男友曾密會閏蜜!裕美成嫌疑人 怒斥:佢係咪要睇醫生?

9 Apr , 2021

歌手麥貝夷(Karene)早前突然大爆男友有好多SP,矛頭直指翟威廉,不過翟威廉就表示自己同麥貝夷唔係情侶關係。近日麥貝夷再爆同前男友拍拖3年幾,發現對方曾經出軌,而好姊妹裕美更疑似係第三者!

歌手麥貝夷(Karene)早前突然大爆男友有好多SP
Photo from 麥貝夷IG

麥貝夷之前喺IG控訴男友「性伴侶的數量多得驚人」,又喺最後祝對方生日快樂,令當日生日嘅翟威廉成「出軌」嫌疑人。

麥貝夷之前喺IG控訴男友「性伴侶的數量多得驚人」
Photo from 麥貝夷IG

當日生日嘅翟威廉成「出軌」嫌疑人。
Photo from 翟威廉IG

翟威廉後來表示無同麥貝夷拍過拖,但坦承身邊一直有唔同國籍嘅伴侶。

翟威廉後來表示無同麥貝夷拍過拖
Photo from 翟威廉IG

麥貝夷就指自己同前男友「拍拖」3年幾,平時相處同普通情侶無分別,估唔到對方只當佢係其中一個「伴侶」。

麥貝夷就指自己同前男友「拍拖」3年幾,平時相處同普通情侶無分別
Photo from 麥貝夷IG

佢又透露同男友戀愛3年曾分手一次,原因係發現對方有第三者。麥貝夷指同第三者唔太熟,但對方係佢介紹畀男友識,又話第三者國籍不明,「理論上係香港人」。

麥貝夷透露同男友戀愛3年曾分手一次,原因係發現對方有第三者
Photo from 麥貝夷IG

麥貝夷指第三者「理論上係香港人」,矛頭直指昔日好姊妹、中日混血兒裕美,裕美否認同翟威廉有親密關係,反斥麥貝夷:「佢係咪要睇醫生?一早叫佢睇㗎啦!」,又表示佢同麥貝夷早就無再聯絡,裕美指自己係麥貝夷同佢上個男友嘅媒人,但兩人分手後,裕美認為麥貝夷處理得唔好,令麥貝夷嬲咗佢。

麥貝夷指第三者「理論上係香港人」,矛頭直指中日混血兒裕美
Photo from 裕美IG

裕美否認同翟威廉有親密關係
Photo from 裕美IG

裕美表示佢同麥貝夷早就無再聯絡
Photo from 裕美IG

裕美對自己疑成「第三者」感無奈,更表示由小學到中學都畀人搞:「你再搞我,我一定搞返你!」,佢喺IG留言指:「要講請講清楚點,唔好惹人懷疑」,而事件「男主角」翟威廉就指自己好唔得閒,唔會回應事件。

裕美對自己疑成「第三者」感無奈
Photo from 裕美IG

裕美IG留言指:「躺着也中槍!要講請講清楚點,唔好惹人懷疑」
Photo from 裕美IG

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook