TVB深夜重播19年前《法網伊人》 郭可盈清純文青樣/李克勤老土髮型重現眼前!

TVB深夜重播19年前《法網伊人》 郭可盈清純文青樣/李克勤老土髮型重現眼前!

電視電影 生活熱話 娛樂新聞
ByStephanie on 04 May 2021 Digital Content Writer

2002年TVB經典電視劇《法網伊人》近日就喺TVB深夜時段重播,當年嘅成績非常好,平均收視率高達22點,係當年收視冠軍嘅電視劇!19年前嘅電視劇有唔少大家都好熟悉嘅演員,而家就一齊重溫下有邊幾位演員有份出演啦~

TVB
Photo from TVB

《法網伊人》喺2002年由李克勤、郭可盈、謝天華同吳綺莉所主演嘅電視劇,當年獲得相當唔錯嘅成績,係唔少觀眾心目中嘅經典電視劇!

《法網伊人》
Photo from 《法網伊人》

《法網伊人》
Photo from 《法網伊人》

據悉,呢套電視劇係目前李克勤最後一套喺TVB擔正做男主角嘅劇集。而呢套劇集當年仲喺《萬千星輝賀台慶2002》獲得多項提名,主角李克勤同郭可盈仲因此而一齊獲得「我最喜愛的電視角色」一獎!

TVB
Photo from TVB

TVB
Photo from TVB

劇中,郭可盈飾演一位離婚媽媽為做爭兒子嘅撫養權而成為律師,雖然角色需要導致佢喺劇中要長期戴眼鏡,但依然無阻佢嘅美貌。喺郭可盈拍攝呢套劇嘅時候,正值佢嘅事業黃金期,佢已經先後拍咗《刑事偵緝檔案》及《創世紀》兩套經典系列,即使佢每次都同最佳女主角獎無緣,但係唔少人心中已經係視后級嘅演員。

《法網伊人》
Photo from 《法網伊人》

《法網伊人》
Photo from 《法網伊人》

而男主角李克勤喺劇中就一位律師,最令人難忘嘅莫過於佢六四分界嘅髮型,而家啲睇返更加係覺得好懷舊~男二謝天華嘅角色亦非常特別,需要戴上假哨牙同圓框眼鏡,完全唔顧形象,令觀眾對佢角色有深刻嘅印象!

《法網伊人》
Photo from 《法網伊人》

《法網伊人》
Photo from 《法網伊人》

儘管《法網伊人》係19年前嘅電視劇,不過劇中唔少嘅演員都係大家熟悉嘅藝人,包括有當時仲係新人嘅胡杏兒、馬國明等,令大家而家可以欣賞返佢哋以前嘅演技~

《法網伊人》
Photo from 《法網伊人》

《法網伊人》
Photo from 《法網伊人》

不過當時《法網伊人》亦一度陷入惹上誹謗疑雲,因為劇本原先有一位律師叫「鍾國昌」(後來改為鍾學祥),劇中形象較為負面,但現實中咁啱同一位律師撞名!該律師為保聲譽,而寫信向TVB追究,後來雙方達成協議,TVB亦公開播放道歉啓事。

《法網伊人》
Photo from 《法網伊人》

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

廣告
廣告

TVB深夜重播《家好月圓》網民直指套劇晚晚嗌交好嘈:睇到血壓標高

18 Jan , 2021

老戲骨李香琴離世,為悼念佢,TVB早前於深夜重播經典劇集《溏心風暴之家好月圓》,劇集當年收視高達50點。不過近日重播有網民就指頂唔順套劇日日都嗌交,尤其「嫲嫲」李香琴、同「Sa姨」關菊英,直指套劇「好嘈」,又表示睇完會「血壓標高」。

《溏心風暴之家好月圓》於2008年播出,係當時全港收視最高嘅劇集,而且喺《萬千星輝頒獎典禮2008》連奪8獎,包括「最佳劇集」、「最佳男主角」、「最佳女主角」等,成為大贏家。

《溏心風暴之家好月圓》於2008年播出,係當時全港收視最高嘅劇集
Photo from 《溏心風暴之家好月圓》

套戲係當年非常經典嘅劇集,不過依家睇返就有網民表示頂唔順,指《家好月圓》集集都要嗌交。

有網民表示頂唔順,指《家好月圓》集集都要嗌交
Photo from 《溏心風暴之家好月圓》

新播出一集,「嫲嫲」李香琴為逼一班孫仔孫女返屋企食飯,竟然絕食抗議。當「啞女阿慶」陳法拉用手語向佢解釋,佢又掩住隻耳唔肯聽,仲推開對方。

「嫲嫲」李香琴為逼一班孫仔孫女返屋企食飯,竟然絕食抗議
Photo from 《溏心風暴之家好月圓》

當「啞女阿慶」陳法拉用手語向佢解釋,「嫲嫲」李香琴又掩住隻耳唔肯聽,仲推開對方
Photo from 《溏心風暴之家好月圓》

李香琴喺電視劇中氣十足,成日都鬧人,有網友喺留言表示:「好嘈吵 煩死🙉🙉」、又表示「這套戲看了血壓會標高。高血壓不可以看太多哈哈」

有網友喺留言表示:「好嘈吵 煩死🙉🙉」、又表示「這套戲看了血壓會標高。高血壓不可以看太多哈哈」
Photo from TVB

另外關菊英飾演嘅「Sa姨」亦成日挑撥離間,撩是鬥非,而且聲線好尖,網民指:「菊姐有d過火,有d作狀」

另外關菊英飾演嘅「Sa姨」亦成日挑撥離間,撩是鬥非
Photo from 《溏心風暴之家好月圓》

不過亦有網民指套戲每集都有高潮位,唔會嘈到一半就完,一定會由好人鬧返衰人轉頭,鬧到對方無聲出:「睇到好爽」

不過亦有網民指套戲每集都有高潮位,唔會嘈到一半就完,一定會由好人鬧返衰人轉頭,鬧到對方無聲出
Photo from 《溏心風暴之家好月圓》

有網民封套戲做「溏心風暴之家嘈屋閉」,表示套劇最大特點就係嗌交,唔想聽人鬧交應該唔好睇套劇。

睇Sa姨大戰嫲嫲:

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook