湯洛雯晒照意外曝光半億豪宅？馬國明與女友Staycation不忘帶定情公仔！靚湯開心獻吻

湯洛雯早前迎嚟34歲生日，一班好友幫佢慶祝，難得喺外地拍完劇嘅男朋友馬國明亦回港陪佢搬屋，近日靚湯晒晚餐照嘅時候，疑似曝光價值半億嘅新屋！

馬明靚湯相戀以嚟感情穩定，更多次傳出婚訊，有指靚湯爸爸更送價值半億、位於馬鞍山逾2,000呎嘅別墅畀女兒作嫁妝。

雖然佢哋否認即將結婚，不過馬國明早排結束《白色強人2》外景拍攝後返港，即馬不停啼幫女友手搬屋。

日前靚湯就公開咗一張打邊爐相，相中只有靚湯一人，不過後面背景就疑似係佢獨居嘅半億新屋！見客廳以米色為主調，感覺溫馨。飯枱亦好大！

喺34歲生日當日，靚湯亦公開咗許願相同一班好姊妹朱千雪、蔡思貝等為佢慶祝嘅照片。

男友馬國明都有留言：「祝身體健康」，但就被網友嫌棄「太行」無乜誠意，之後馬明再公開一張「合照」。

之前靚湯就被問到會回慶祝生日，佢話想香港一日遊去行山、主題樂園同Staycation，而馬明公開相片嘅背景嚟睇應該喺酒店，唔止有代表二人嘅定情公仔，隔離仲有獨角獸造型Cupcake。

而代表靚湯嘅獨角獸公仔更吻上代表馬明嘅小馬公仔嘅側面，場面浪漫，睇嚟靚湯都好滿意呢個生日！湯洛雯亦有晒「下衣失蹤」美照：「第一次在111樓渡過我的生日，看到四季風景，突然有雲層飄過的時候感覺好像以前坐飛機的時候，好神奇的經驗」，睇嚟佢哋都sweet過生日！

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

湯洛雯素顏曝光！馬國明回港即與女友糖黐豆出席朋友聚會

26 Apr 2021

馬國明、湯洛雯戀愛接近一年，感情穩定。日前馬明拍完《白色強人2》外景返港，即馬不停蹄陪女友，兩人更一齊出席朋友聚會，席上靚湯超真實素顏曝光！

馬國明為拍攝《白色強人2》去深圳、上海，與女朋友湯洛雯分開近2個月，馬明為解相思之苦仲將兩人「定情信物」小馬公仔帶埋去隔離。

Photo from 馬國明IG

Photo from 馬國明IG

馬明同靚湯自去年6月公開戀情後一直愛得高調，馬明更首次開IG，同女友不時留言互動，二人又多次傳出婚訊，雖然佢哋每次都否認結婚傳聞，但亦可見佢哋感情穩定。

Photo from 馬國明IG

Photo from 湯洛雯IG

Photo from 湯洛雯IG

Photo from 湯洛雯IG

日前馬明終於完成外景拍攝返港，一返到香港馬明就即刻做「跟得男友」陪靚湯出席朋友聚會。

Photo from 馬國明IG

Photo from 湯洛雯IG

當日係朋友女兒嘅生日party，當日靚湯以素顏現身，張相完全零濾鏡！佢雖然有眼袋，但皮膚好好！靚湯小鳥依人咁靠喺馬明身前，兩人糖黐豆咁企埋一齊。

Photo from IG

馬明、靚湯屢傳婚訊，之前有傳靚湯爸爸更送價值半億、位於馬鞍山逾2,000呎嘅別墅畀女兒作嫁妝，而靚湯之前就表示男友未求婚，如果結婚一定會公開。

Photo from 湯洛雯IG

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

馬國明湯洛雯拍拖過半年喜事近？麥玲玲批先有後婚：「大家可以儲定人情」

16 Feb 2021

馬國明、黎諾懿及胡鴻鈞齊齊現身新一集由麥玲玲同林盛斌主持嘅《Master's Talk》（《師父有請》），新一集中就以以「旺夫旺妻」為題。而喺唔少人眼中係絕對好男人嘅馬國明自公開同湯洛雯（靚湯）拍拖半年以嚟一直被大家催婚，今次更被麥玲玲指好大機會先有後婚添！

喺上一集節目中靚湯就提到不斷被傳媒催婚，但男方一直都沒開口，令她非常尷尬，更揚言要馬國明以視帝獎嚟換結婚。不過少有回應傳聞嘅馬國明就喺節目中直言對方只係講笑，仲話：「我結婚就話畀你聽啦！」

而麥玲玲師傅就指馬國明一向異性緣強，但從來都唔係主動一方，絕對係值得嫁完再嫁嘅好男人嚟，而佢更批馬國明好大機會先有後婚，即時令全場起哄，但馬國明就覺得唔太可能，並直言自己係一個好現實嘅人，每一次拍拖都係向結婚方向諗，說：「我覺得呢個機會微啲，應該唔會中咗先結婚，希望係結咗婚先有BB，咁我每一次拍拖都係向結婚方向諗，因為我好現實嘅人，唔結婚的話，拍拖係好浪費時間，你知我哋開工成日都冇得瞓。」

至於對於自己被指異性緣強，佢就指：「我唔覺，我同胡鴻鈞想法差不多，大家夾自然會少啲拗撬，咁樣已經好。我感情事唔會影響工作，曾經試過有啲性格唔啱就會鬧交，冇話邊個唔啱，過去咗就冇問題。」

麥玲玲又指今年 4 至 6 月係良辰吉日，叫大家可以儲定人情賀馬國明。咁係咪可以話定恭喜先呀！

而喺三人中，只有胡鴻鈞未公開拍拖，當被追問有沒有拍拖時，佢即尷尬指：「我唔係好相信旺唔旺夫，好多嘢都應該互相磨合，最緊要係同對方性格夾。」

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）