「雨神」蕭敬騰再發威？廣州開唱落足幾日大雨　網友搞笑嗌受夠：你什麼時候離開？

Digital Editor

唔少人都知歌手蕭敬騰向來有「雨神」嘅封號。而近日佢就去咗電音節任演唱嘉賓，話晒「雨神」出門又點會唔落雨喇.....而依個雨量仲搞到大家忍唔住要去佢微博留言請佢盡快離開廣州。

Photo from 蕭敬騰/Weibo

「雨神」蕭敬騰月初時就去咗廣州長隆水上樂園擔任電音節演唱嘉賓，喺佢仲未到廣州時，當地嘅天氣最高31度，但喺佢到埗後，當地嘅天氣預告就即呈現「雷陣雨轉多雲」嘅狀態，而喺佢演出當晚天落起暴雨，令唔少人都有不禁驚嘆「雨神」嘅威力。

Photo from 蕭敬騰/Weibo

但當大家都以為只會落一日雨之際，天氣預告竟呈現差唔多一個星期連續「有雷陣雨」嘅狀態，令唔少來出門去玩嘅大家忍唔住喺佢嘅微博留言以講笑嘅模式請佢盡快離開廣州。

Photo from 蕭敬騰/Weibo

而蕭敬騰就向大家 Say Sorry 表示目前已離開當地，之後佢又搞笑回應大家「你們就是軍訓以外都不要我了」

Photo from 蕭敬騰/Weibo

當然除咗一班廣州嘅網民搞笑咁希望佢盡快離開外，近月正缺水嘅台灣，有網友就叫佢快啲回去「你就回台灣吧？???」、「快回來臺灣臺灣中南部需要你」

Photo from 蕭敬騰/Weibo

唔知依位「蕭雨神」之後嘅行程係去邊咩？！

Photo from 蕭敬騰/Weibo

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

蕭敬騰周杰倫IG搞笑對話蕭三歲撒嬌周大哥man爆話：哥買給你

24 Jan 2019

周杰倫同蕭敬騰係娛樂圈入面公認嘅好兄弟，大家空餘時間會一齊打機、打波，兩個人嘅感情非常好！之前周杰倫嘅「地表最強演唱會」亦都搵嚟蕭敬騰助陣，擔任演唱會嘉賓。

Photo from IG@jam_hsiao0330

Photo from IG@jaychou

佢哋最近喺社交網站嘅互動，真係笑死人！唔少粉絲表示：「佢哋嘅互動實在太可愛啦！」

原本蕭敬騰喺1月18日發文祝媽媽生日生日快樂，後面就順道祝福埋周杰倫「祝周杰倫大哥40歲大壽生日快樂，希望40歲的我也可以向你一樣有兩個小孩，還有美麗的妻子，跟老婆送的藍寶堅尼我永遠的大哥」

Photo from IG@jam_hsiao0330

周杰倫就樓下留言：「祝蕭媽生日快樂。其實...我的歲數也不能講。」

前兩日蕭敬騰po咗一條自己帶住名牌頸巾嘅影片，caption寫住：「我買了一條圍巾好看嗎？！錢還沒付...」

Photo from IG@jam_hsiao0330

大哥周杰倫就好霸氣咁喺樓下留言：「哥買給你！」

Photo from IG@jam_hsiao0330

過咗陣，「蕭三歲」即刻又上載另一條片，影住名牌嘅包裝，然後影張單據，連tag3次周杰倫，調皮咁話：「@jaychou 雖然弟弟能力也很OK 但絕不能辜負我尊敬的@jaychou大哥 @jaychou大哥有你真好來！請收件」

Photo from IG@jam_hsiao0330

「蕭三歲」見周杰倫冇喺呢個Post留言，即刻繼續留言，瘋狂Tag周杰倫，話：「@jaychou哥！不要假裝沒看到這則喔！@jaychou@jaychou@jaychou@jaychou@jaychou@jaychou@jaychou@jaychou現在超會@的！！」

Photo from IG@jam_hsiao0330

最後周杰倫不敵蕭敬騰「瘋狂Tag」下，終於「蒲頭」，但顯示非常無奈，只回應「.......」

唔少網民「直擊」佢哋一連串嘅搞笑對話，仲不停留言，加入混戰，誓要逼令周杰倫為蕭敬騰「埋單」。仲有啲網民抵死咁話：「哥缺妹妹嗎？」

Photo from IG@jam_hsiao0330

Text: Holiday Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

【想隨時隨地緊貼本地食買玩資訊？】

👉🏻 即刻Follow我地Instagram holidaysmart.hk

👉🏻 訂閱我地 Youtube Channel