欣宜亂寫中文連老友個名都錯 許廷鏗晒落外買單「公審」

欣宜亂寫中文連老友個名都錯 許廷鏗晒落外買單「公審」

娛樂新聞
ByCelia on 11 May 2021

大家都知鄭欣宜(Joyce)由細到大都喺加拿大生活,講英文絕對會比廣東話流利,但萬萬估唔到佢返香港發展咁耐,喺寫中文字上原來對佢係極高難度嘅挑戰嚟呀,仲畀佢嘅老友許廷鏗(Alfred)公審添!

Photo from 許廷鏗/IG

Photo from 許廷鏗/IG

欣宜同許廷鏗向來都十分老友,二人不時都會喺社交網上大晒私下嘅搞笑事,更自稱「異父異母低能巨孖寶」,可見二人真係好 friend。不過近日許廷鏗就突然喺網上上傳咗一張寫滿錯字嘅紙,並 tag 咗欣宜又喺上面以中文拼音寫上:「I'm 蘇拋鑊腰」(I'm so proud of you)。

Photo from 許廷鏗/IG

睇嚟依張寫滿錯字嘅紙應該係欣宜寫嘅,仔細睇上面嘅字應該係一張嗌外賣嘅落單紙嚟,但成張除咗個「肉」同「海」字寫啱外,其他字全部都寫錯晒,好似睇緊亂碼字一樣。

Photo from 許廷鏗/IG

而最過分嘅係,欣宜竟然將好友嘅名「許廷鏗」三個字全部寫錯晒,「許」字右邊嘅「午」字穿咗頂變咗「牛」字、「廷」就寫成「廳」,而「鏗」字就過份直接變成個新嘅自創字,搞到許廷鏗本人都超無奈呀!

Photo from 欣宜/IG

睇嚟欣宜需要花少少時間寫吓中文字點寫喇!

Text: HolidaySmart Editorial
(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

更多相關文章

鄭欣宜化K-pop妝靈感源於Lisa 自嘲年紀大扮唔到可愛 被網民大讚真性情!

04 May 2021

鄭欣宜(Joyce)近排開始經營自己嘅YouTube頻道,拍攝自己嘅日常生活,亦有拍攝化妝教學嘅影片!日前,佢就上載咗一段教大家化春日K-pop妝容嘅影片,佢仲話呢個妝容嘅靈感係來自韓團BLACLKPINK嘅Lisa!

廣告
廣告

鄭欣宜IG
Photo from 鄭欣宜IG

鄭欣宜(Joyce)近來好用心咁經營佢嘅YouTube channel,仲好勤力出片,成日都會同大家分享佢嘅日常生活片段同埋化妝片,反應都算係唔錯㗎!

鄭欣宜IG
Photo from 鄭欣宜IG

鄭欣宜IG
Photo from 鄭欣宜IG

佢最新嘅影片就教大家化春日嘅K-pop妝,佢就表示呢個妝嘅靈感係來自韓國女團BLACKPINK嘅Lisa,仲話自己係佢嘅超級fans,覺得佢好有型、跳舞都好好睇,簡直係完美嘅人類!據悉,呢條片係佢喺做完手術之後拍攝嘅,但素顏嘅佢都睇落精神唔錯,皮膚亦都唔錯。

鄭欣宜YouTube
Photo from 鄭欣宜YouTube

Lisa IG
Photo from Lisa IG

喺影片中,Joyce仲教大家點保養皮膚,認為最緊要嘅就係健康飲食、運動同飲多啲水!另外,佢解釋自己因為剪咗一頭中長髮,搞到好唔習慣,所以先會紮咗個「春麗頭」,仲不停強調「我唔係扮可愛啊!大家千祈唔好get錯!」期間,仲自嘲話知道自己太老,扮唔到cute。

鄭欣宜YouTube
Photo from 鄭欣宜YouTube

鄭欣宜YouTube
Photo from 鄭欣宜YouTube

網民睇完影片都大讚欣宜覺得佢性格好好,夠真性情,仲有網民表示好羨慕佢嘅好皮膚!

鄭欣宜YouTube
Photo from 鄭欣宜YouTube

鄭欣宜YouTube
Photo from 鄭欣宜YouTube

Text: HolidaySmart Editorial

(小編公告:如果讀者有任何關於美食、旅遊、玩樂、或者任何新奇有趣事物既資訊,都歡迎話比小編們知~大家可以透過Facebook inbox、或者send e-mail到holiday@presslogic.com,直接將資料傳比小編)

HolidaySmart 假期日常長期歡迎大家投稿~我哋會為你開一個個人帳戶作發表文章之用。文章類型包括美食、旅遊、玩樂等同HolidaySmart 假期日常相關既事物~投稿可以傳送到 holiday@presslogic.com比小編檢查一下先,記住要附上100字內自我簡介。 另外文章一經採用,編輯將會進行潤飾。期待你哋既大作啊!
👉🏻 即刻Follow我哋Instagram holidaysmart.hk
Share to Facebook