郭富城前緋聞女友Mango重提當年跳車事件！強調絕對冇屈人：Madam話佢有6次紀錄！

娛樂新聞

By Stephanie on 13 May 2021

Digital Content Writer

王秀琳（Mango)而家已經淡出咗娛樂圈多年，當年因為同郭富城傳緋聞而令人熟悉。最近，佢就現身「鬼王」潘紹聰嘅網上節目《恐怖在線》，重提返以前拍戲被非禮一事，仲話「男主角」本身已經有6次非禮嘅紀錄！

Photo from 王秀琳IG

現年40嘅王秀琳（Mango）係模特兒出身，之後有拍攝過電影、電視劇等，不過最令人印象深刻嘅都係佢同天王郭富城嘅緋聞！後來，佢就淡出娛樂圈，轉行做生意。

Photo from 王秀琳IG

日前，Mango罕有咁現身「鬼王」潘紹聰嘅網上節目《恐怖在線》分享自己嘅靈異經歷，期間有網民就留言話佢係拜金女、屈人非禮等，令佢忍唔住重提返非禮事件嘅經過！

Photo from 《恐怖在線》

佢就話當時喺2004年拍攝緊電視劇《我和殭屍有個約會III之永恆國度》，佢就話每次拍戲劉以達同佢老婆都會好好人順路車埋佢返屋企，但喺嘅鬼門關嗰日，劉以達咁啱唔需要拍攝。之後，「男主角」就邀請佢收工一齊食宵夜順便車佢返屋企，佢表示當時係第一次同佢食飯！

Photo from 《我和殭屍有個約會III之永恆國度》

但喺上咗「男主角」㗎車準備返屋企時，Mango就話突然間佢就擒上我身，仲話可以發毒誓絕對冇講假！受驚過度嘅佢當時不停咁喺車上面喊，求佢放走佢，但「男主角」依然好大力咁壓落佢度。落咗車之後，Mango話自己喊到連屋企都唔敢返，驚家人擔心，所以只可以同好姐妹講。而當佢返到劇組繼續拍攝嘅時候，「男主角」竟然當冇事發生過，令佢好嬲。

Photo from 王秀琳IG

Mango表示當時佢去警局錄口供嘅時候，Madam就已經話呢個人已經有6次非禮嘅紀錄。最後，佢就強調話嗰時得20幾歲，呢啲咁冇面嘅嘢，點會係佢作出嚟！

Photo from 《我和殭屍有個約會III之永恆國度》

其實當時非禮事件曝光之後，嫌疑人就係同劇嘅尹天照！不過佢就聲稱Mango係冤枉佢，想借佢個名上位，表示好樂意同佢當面對質。雖然後來佢都有被帶警局調查，但最終都不獲起訴。

Photo from 尹天照微博

Photo from 《我和殭屍有個約會III之永恆國度》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

鄧穎芝夥區議員陪受害人報警指證疑抽水教練！

12 May , 2020

鄧穎芝（Vangie）早前喺網上轉發多張相！相入面見到有位男士向唔同嘅女仔做出各種唔同嘅曖昧姿勢，又緊抱唔同嘅女仔！

Photo from IG@vangietang

Photo from Facebook@Vangietang

唔少網民都質疑有人以教武術為名非禮為實～藝人鄧穎芝喺facebook怒斥男教練係人渣，並呼籲受害人報警。今日鄧穎芝夥區議員陪同女受害人到沙田警處報案！佢喺個人社交網站Post 相話：「今朝我同余德寶議員已經陪同受害人到沙田警署報案，喺度呼籲其他未聯絡我嘅受害人可以盡快聯絡我哋。所有資料一切保密嘅，所以唔好怕，行出嚟一齊指證呢個非禮嘅衰人！多謝余德寶議員同埋風雨蘭嘅社工幫助，希望警方可以盡快緝拿兇徒。」