楊冪新廣告被懷疑微調過度？鼻窿一大一小/面部僵硬　網民：顏值是不是愈來愈崩了

一直以嚟內地藝人楊冪嘅樣貌同身材都係大家嘅焦點嚟，更令佢成為唔少男生心目中嘅女神。不過雖然唔少網民讚佢係天生係美女嚟，但亦曾被質疑過！而最近佢親因為一個新嘅廣告引嚟網民再次質疑佢微調！

Photo from 楊冪工作室/weibo

Photo from 楊冪工作室/weibo

楊冪雖然已為人母又經歷過離婚，但對星途並無太大受影響，每次喺幕前出現都成為焦點。喺鏡頭前明艷照人嘅佢，外貌同身材仍然 keep 得好好。早前佢工作室就上傳咗一輯楊冪嘅睡衣相，其中一張佢身穿黑色透視喱士內衣配上外套，身材若隱若現，非常性感，唔少網民都話睇到流晒鼻血！

Photo from 楊冪工作室/weibo

Photo from 楊冪工作室/weibo

但近日佢嘅一個新廣告就引嚟網民討論，網民指佢嘅鼻孔一大一小、雙目無神、面部僵硬不對稱外，面仲出現凹陷，影響嘴形「冪冪的顏值是不是愈來愈崩了」、「認不出來」、「鼻子好可怕」、「天啊，她怎麼像個假人」，無論喺片中點截圖感覺都有啲怪，令網民質疑佢微調過度。

Photo from Weibo

Photo from weibo

Photo from weibo

不過亦有網民認為只係 P 圖過度，其指有人只係隨意截圖就質疑楊冪微調「這動圖還好吧，鼻子那裏是角度和打光問題，楊冪鼻子本來就比較特別一點」、「狀態挺好的，有甚麼問題嗎」、「很漂亮身材真好」！

Photo from Weibo

Photo from weibo

Photo from weibo

而楊冪亦懶理傳聞，並喺微博中上傳畫作並留言：「3幅畫藏着一個需要解開的謎題 #密室大逃脫接力解謎」，畫中係一位披住長髮眨眼嘅少女，3 幅畫睇起嚟差唔多，不過網民就好似放錯重點大讚佢嘅畫功了得呀！

Photo from 楊冪/weibo

Text: HolidaySmart Editorial
（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）

更多相關文章

楊冪趷籮露腰神還原「漫畫高難度動作」！網民擔心心口被壓扁質疑：美臀真定假？

22 Mar 2021

34歲大陸女星楊冪隨住甜美外型及火辣身材令佢成為唔少男生心目中嘅女神，對身材管理極度嚴格嘅佢更因此被封為「腿精」、「腰精」，近日佢就上傳咗一張挑戰漫畫人物嘅高難度動作嘅相，相當吸睛呀！

楊冪雖然已為人母又經歷過離婚，但星途無太受影響，每次喺幕前出現都成為焦點。喺鏡頭前明艷照人嘅佢，就算生咗個女，外貌同身材仍然 keep 得好好，不時仲被網友翻炒佢出道初期嘅水著同電影中性感演出嘅相做對比添！

其實唔少人都知楊冪喺身材管理方面極度自律、嚴格，佢之前更曾自曝人生最高峰嘅體重數字只有 49 kg，而佢亦透露自己維持身材嘅祕訣，除咁飲食要遵守「低油、低糖、低鹽」嘅原則外，亦會以少量多餐嘅方式進食，每次吃八分飽，如果口痕想食零食嘅話，就會用乳酸飲品、水果嚟取代，真係抵佢身材咁好！

而佢近日喺微博上傳咗一張跟住漫畫中角色挑戰嘅高難度動作，相中見佢成個人趴喺地上，然後趷籮將雙腳放上櫈施展「L字腿」，大晒 S 形曲線、翹臀及長腿，佢留言：「舉手參與漫畫腰挑戰，有點難。」

唔少網友睇睇見都大感驚訝「這個腰是真實存在的嗎？」、「纖細柔軟的腰，絕世身材！和漫畫一模一樣」、「這哪像生過孩子的身材呀」，不過亦有網友將焦點放在她的身材上笑言：「住手！你不要壓到我老婆的胸！」。

不過講到楊冪嘅美臀，去年底時佢就曾喺一次活動中被網友懷疑佢嘅美臀係假嘅，當時有網民就推測佢著咗「美臀褲」，因此而被指佢虛偽。

雖然係咁，但亦有唔少網友出嚟為佢解畫指著假美臀又冇咩奇怪，並指女生會用胸墊令胸部更豐滿、用假髮片增加髮量或增高鞋墊等等。而楊冪身材本來就非常纖瘦，再加上生過小朋友，屁股扁塌都係好正常嘅，叫大家冇必要對女明星嘅身材太苛刻。

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）